رسالة حب من شيرين عبد الوهاب لهيفاء وهبي.. تعرف عليها
تاريخ النشر: 19th, August 2024 GMT
وجهت الفنانة شيرين عبد الوهاب رسالة خاصة للفنانة هيفاء وهبي بعد وقوفها معها في أزمتها الأخيرة من خلال منشورا عبر حسابها الشخصي على موقع "إنستجرام ".
كتبت شيرين عبد الوهاب: أنا رديت على النجمة هيفاء وهبي مش عشان باركتلي على الأغاني النجمة هيفاء وهبي عملت معايا مواقف جدعة اقرب الناس ليا ما عملتهاش علشان نفسيتي تبقى أحسن
أضافت:' كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني"
تابعت:' هيفا اثبتت ان الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفا بموقفها ده اشترتني طول عمري وهفضل لحد ما أموت ممتنة ليها ولوقفتها معايا في الوقت ده.
ختمت قائلة:' الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى اني ليا اخت فعلا شكرا يا هيفا يا حبيبتي، وياريت ياريت فى مصر لو في مشاكل انا بناشد أى حد أن الست دى طيبة جدا جدا متستاهلش إلا كل خير.
وفي وقت لاحق بعد الأزمة الأخيرة التي تعرضت لها الفنانة شيرين عبد الوهاب مع شركة روتانا، طرح الملحن عزيز الشافعي، أغنية «بتمنى أنساك» عبر حسابه الرسمي بموقع تبادل الصور والفيديوهات «إنستجرام»، وذلك بعد حذف الأغنية من موقع «يوتيوب» بسبب حقوق الملكية، بعدما طرحتها.
أغنية «بتمنى أنساك»، كلمات وألحان عزيز الشافعي، وتوزيع توما، ولم تُعرض الأغنية بطريقة الفيديو كليب.
المصدر: بوابة الفجر
كلمات دلالية: أحدث إطلالة هيفاء وهبي شیرین عبد الوهاب
إقرأ أيضاً:
محامي شيرين عبد الوهاب: لا صحة لشائعة اعتزالها وهي الآن بصدد إصدار أغاني جديدة
طالب ياسر قنطوش، المحامي بالنقض ومحامي الفنانة شيرين عبد الوهاب، وسائل الإعلام ومواقع الأخبار بتحري الدقة في نشر الأخبار المتعلقة بالفنانة، قائلًا: بطلب منهم بس تحري الدقة، الست كل يوم تلاقي حاجة مكتوبة عنها ومحصلتش، أنا شخصيًا محامي ومستشار وبتفاجئ.
واصل خلال مداخلة هاتفية ببرنامج الصورة الذي تقدمه الإعلامية لميس الحديدي على شاشة النهار، قائلًا: من المفارقات اللي أستغرب لها شخصيًا إني محامي، وتفاجأت إن مستشار ومحامي الموسيقار والموزع محمد مصطفى تفاجأ بخبر منعها من رؤية بنتيها، ومازحته قلت له: عندك محامي غيري؟ قال لي: معرفش.
وعن حالتها قال: شيرين كويسة طول الوقت، عندها شغل بتشتغل عليه حاليًا، وبتحضّر لأغاني ومفاجآت، وربنا يقويها وتبقى أحسن وأحسن، وهو صوت لا يختلف عليه أحد.
وعن وجودها في الخارج ومدة تلقيها العلاج قال: شيرين في بيتها في مصر وبتعيش حياتها بشكل عادي، والبنات معاها، وبيتبادلوا الزيارات بين الأب والأم، ولا يوجد أي مشكلة بينهما، ولا يوجد أي منع من قبل الأب، الزيارات متبادلة، وحتى هو شخصيًا مستغرب من الخبر.
وعن وجود أزمة مالية تتعرض لها الفنانة، وأنها تبيع أملاكها، قال: أمورها المادية ممتازة جدًا، ولديها ثروة عقارية ضخمة، نمسك الخشب، وحساباتها المصرفية منتظمة.
وردًا على سؤال الإعلامية لميس الحديدي: هل برأيك تحتاج لفترة تعافٍ حتى تعود للناس؟ قال: أي حد بيدخل في أزمة أو مشكلة مع حد بياخد وقت عشان يتعافى، بصرف النظر إن مشاكل شيرين وأزماتها كانت كثيرة مع شقيقها وطليقها حسام حبيب، وهو طليقها، وإحنا بنتكلم كتير تليفونيًا، ولما بيكون في حاجة مهمة بنتقابل، وآخر لقاء كان منذ شهر.
ونفى أن يكون لديها نية الاعتزال، قائلًا: مافيش الكلام ده، هي مكملة، ولديها أغاني ستنزل قريبًا، وهناك موزعون وملحنون بيتابعوا معاها وبيتعاملوا معاها في الفترة الحالية.
بنزيمة يكشف سبب معاناة ريال مدريد ويدافع عن ألونسو