محمود سعد: القعدة مع عادل إمام خطر

تحدث الإعلامي محمود سعد عن علاقته الوطيدة بالنجم الكبير عادل إمام، التي امتدت لأكثر من 35 عامًا، معربًا عن امتنانه للصداقة التي جمعته بالزعيم، والتي منحته خلالها مساحة كبيرة من الود والتقدير.

محمود سعد يكشف علاقته بعادل إمام

وفي مقطع فيديو نشره عبر حسابه الرسمي على موقع "فيسبوك"، قال محمود سعد: "عادل كان دايمًا بيرد على التليفون بسرعة، وكان دايمًا متاح، لكن دلوقتي مبقاش بيستخدم التليفون خالص.

النهاردة كلمت أخوه وقلت له يقوله: كل سنة وأنت طيب يا عدولة يا أبو رامي، وربنا يسعده وسط ولاده وأحفاده ويخليه لينا".

وأضاف سعد: "على مدار أكتر من 10 سنين، كان أي حد من الزملاء عايز يوصل لعادل إمام، يكلموني أنا، مع إني عمرى ما اشتغلت معاه، لكنه كان مخليني أدخل مسرحه في أي وقت، وده شرف كبير. وكان عنده نظام صارم، محدش يوقف في كواليس المسرح علشان ده بيشتته، وكل واحد له وقت معين يخرج فيه".

وتابع: "وأنا صغير كنت دايمًا أسمع إن القعدة مع عادل إمام خطر، لأنه ممكن يقول كلمة تربكك، ومتعرفش ترد، مش خوفًا منه، لكن لأنه ذكي وسريع البديهة بشكل مدهش".

يعتبر عادل إمام من أهم النجوم في تاريخ الفن العربي، وقدم في السينما أعمالا خالدة في السينما والتلفزيون والمسرح، منها أفلام: (طيور الظلام، الإرهاب والكباب، خلي بالك من عقلك، المنسي، اللعب مع الكبار، الإرهابي، زهايمر)، وفي الدراما، مسلسلات (فرقة ناجي عطالله، أحلام الفتى الطائر، دموع في عيون وقحة، فلانتينو) وفي المسرح: (مدرسة المشاغبين، شاهد مشافش حاجة، الزعيم، بودي جارد، الواد سيد الشغال، أنا وهو وهي).

 

المصدر: بوابة الفجر