نص محضر الشرطة في حادث مطاردة فتيات الواحات
تاريخ النشر: 17th, August 2025 GMT
حصل صدى البلد، على نسخة من محضر حادث مطاردة فتيات الواحات، الذي حررته فتاة تدعى رنا إبراهيم، متضررة من 3 سيارات قاموا بمعاكستها ومحاولة استيقافها أثناء سيرها بالسيارة على طريق الواحات ، بما تسبب في اختلال عجلة القيادة منها واصطدامها بإحدى السيارات النقل.
. لحظة تعدي عاملين على فتاة بعد معاكستها بالدقهلية
وقالت الفتاة المجني عليها بحادث مطاردة فتيات الواحات خلال محضر الشرطة: وأنا ماشية بالعربية بتاعتي على طريق الواحات فوجئت بقائد سيارة أرقامها ج ك ل 5673 وعربيتين تاني بمعاكستي ، ومحاولة استيقافي تسبب في اختلال عجلة القيادة مني ، وفقدت السيطرة على سيارتي واصطدمت بسيارة نقل.
وتابعت الفتاة ضحية حادث مطاردة فتيات الواحات: الحادثة كانت حوالي الساعة 6 الصبح على طريق الواحات، والناس شافت اللي حصل ومعايا فيديو على الواقعة، واللي حصل بعدها إني اتصابت في ركبتي وكتفي وظهري والسبب في ده قائد السيارة اللي قولت عليها وسيارتين تاني.
فيما أدلى المتهم الأول عبد الرحمن . ج 18 سنة، طالب بكلية اقتصاد وعلوم سياسية، باعترافات تفصيلية حول الواقعة، وأنكر اشتراكه مع آخرين معلومين بالتعرض للمجنى عليهم كلا من "رنا . ا " و "نزال . ي" وكان ذلك بالطريق العام، بأن ارتكبتم أمورا وإيحاءات وتلميحات جنسية، وذلك حول كونكم 4 أشخاص وقمتم بتكرار تلك الأفعال من خلال ملاحقة وتتبع المجنى عليهم.
وتابع المتهم بحادث مطاردة فتيات الواحات: اللى حصل إن أنا كنت نازل مع مازن متفقين إن احنا هنروح يوم الأربع ندفع فلوس كلية الشرطة، وروحنا الصبح على بنزينة شيل اوت اللى في طريق المحور ، وقولنا هنقعد هناك شوية نشرب قهوة وبعدها نتحرك ولما دخلنا البنزينة، كانت زحمة اوى مكنش في مكان نركن فيه فراح مازن قافل بعربيته على عربية من العربيات اللى راكنة ، وقال للناس هناك إن لو حد حب يطلع العربية بتاعتوا هو قاعد في سيركل كيه وبعدين قعدنا.
وأضاف المتهم بحادث مطاردة فتيات الواحات: بعد 5 دقايق في حد جه من الشباب الى كانت واقفة وقلنا إن هو عايز يطلع من الركنة ، ساعتها مازن قال خلاص احنا نتحرك للبيت واجيب فلوسي وبعدين نروح كلية الشرطة عشان ندفع الفلوس، فطلعنا ركبنا العربية وبعدها طلعنا لطريق بيت مازن، وخدنا طريق الواحات وكان في عربية بي ام ، وعربية جيلي وعربية افيو ماشيين جنبنا وكانت كل شوية العربية الأفيو عماله ترمى علينا فحبينا نطلع منها.
واستكمل المتهم بواقعة فتيات الواحات: مازن طلع قدام كدا وكان في عربية نقل واقفة مازن صحبي طلع منها، وسمعنا بعدها صوت عربية بتخبط في العربية النقل، وبعدها مشينا روحنا على البيت عشان ناخد الفلوس لكلية الشرطة ، وقعدنا شوية وبعدها دفعنا الفلوس وعلى الساعة 11 بليل في واحد كلم قريب مازن وقالوا ان هو معاون مباحث قسم ثالث ، وإن هو عايز مازن فأنا روحت معاه عادى ، وبعدها طلب العربية بتاعة مازن فرجعنا جيبناها وروحنا على القسم ، وهناك لاقيتهم بيسالوا مازن بيقولوا مين كان معاك، قالهم عبد الرحمن راحوا خادونى وخلونى في القسم وجيت النيابة النهاردة وبس دا كل اللى حصل.
المصدر: صدى البلد
كلمات دلالية: مطاردة فتيات الواحات فتيات الواحات الواحات حادث مطاردة فتيات الواحات حادث فتيات الواحات طریق الواحات
إقرأ أيضاً:
محاولة خطف | صدمة في حادث مطاردة فتيات الواحات
كشف يوسف زكريا، والد نزال إحدى ضحايا حادث طريق الواحات، معلومات وتفاصيل عن الواقعة.
وقال يوسف زكريا، خلال مداخلة هاتفية على قناة صدى البلد، :" ما حدث تسبب في صدمة كبيرة للفتيات ولعائلته، لافتاً إلى أن آثار الصدمة النفسية والاجتماعية لا تقل عن الإصابات الجسدية، وأن التعامل مع الموضوع يحتاج لتفهّم ودعم نفسي كبير.".
وتابع :" الحادثة تُعد "جريمة مكتملة الأركان"، مؤكداً أن ابنته وزميلتها نجين بأعجوبة من محاولة خطف كانت محكومة بعنف شديد من قبل مجموعة من الشباب الذين طاردوهن على الطريق.
وأكد أن المتهمين لم يتواصلوا مع العائلات حتى الآن، مشدداً على عدم إمكانية التنازل عن القضية أو المحضر القانوني، مردفًا: «هتنازل عن سمعة بنت، لو شوفتي التعليقات حول ملابس البنات، أو البنات خارجين الساعة كام، دا كلام غريب، مش هتنازل عن حاجة، وكلام الناس في الوقت دا غريب جدًا».
وأشار والد نزال إلى أن الحادثة لم تتعلق بالملابس أو التصرّف، بل كانت محاولة خطف مروعة، قائلاً: "المهم أن تعيش الفتيات حياتهن بحرية وأمان، وأن يكون الشارع آمناً للجميع".
وأضاف أن المجتمع يجب أن يحافظ على سلامة الفتيات من أي تهديد أو مضايقة، مشيراً إلى أن اللباس لم يكن أبداً معياراً للأخلاق أو التربية.
وتابع: «إحنا من عائلة محترمة، وبنت في آخر سنة في الكلية، وصاحبتها كلية ألسن، أنا راجل صحفي قديم، وزوجتي شغالة في الإذاعة والتلفزيون، إحنا مش قليلين، ولكن استفزاز تعليقات الناس خلتني اطلع اتكلم، ومضايق من ردود الأفعال، انا زعلان على المجتمع بتاعنا اللي وصل للمستوى دا من الفكر، تجاه المرأة».
رونالدو يتصدر.. الكشف عن قائمة الأعلى أجرًا في الدوري السعودي