بعد تضامنه مع غزة.. محمد سلام يتصدر التريند
تاريخ النشر: 25th, October 2023 GMT
تصدر الفنان محمد سلام محركات البحث جوجل، خلال الساعات الماضية بعدما اعتذر عن عدم المشاركة في مسرحية زواج اصطناعى، المقرر عرضها في موسم الرياض بالمملكة العربية السعودية 30 أكتوبر المقبل، تضامنًا مع الشعب الفلسطيني.
محمد سلام يعلن انسحابه من "زواج اصطناعي"
بث الفنان محمد سلام مقطع فيديو عبر صفحته الشخصية موقع "إنستجرام"، وذلك تضامنا مع شعب فلسطين، ودعم القضية الفلسطينية، قائلا: "السلام عليكم، إن شاء الله المفروض بكرة أعرض مسرحية "زواج اصطناعي" في الرياض، المفروض إن هي مسرحية كوميدية وفيها أغاني واستعراضات، والمفروض إن إحنا هنعرض يوم 30 ونعرض في وسط الأحداث اللي بتحصل في غزة".
وأضاف "سلام": "أنا مش متخيل الصراحة إن هروح وأعمل مسرحية وأهزر وأغنية وأرقص وأخواتنا في فلسطين عمالين يتقتلوا ومفيش حاجة بتحصلهم وانا مش هقدر أسافر طبعا، ليه بقول الكلام ده في آخر لحظة المفروض إن إحنا نسافر بكرا إن شاء الله، في الوقت اللي الناس فيه عمالة تموت ومفيش حاجة بتحصل ف انا إزاي هروح أعرض والناس بتحصلهم كده في فلسطين، سامحوني لو إحساسي مبالغ بس أنا حاسس لو عملت كده هبقا زي اللي بقتلهم بظبط إني خذلتهم مش عارف أعملهم حاجة كفاية علينا السكوت اللي إحنا في كلنا، وكمان أنا مش هبقا ساكت بس ده أنا بهزر وبرقص واللي بيحصل بيحصل في فلسطين وانا بعتذر جدا إن أشارك في موسم الرياض".
محمد سلام: اللي بيحصل في فلسطين ده قضية كل مسلم
واستكمل محمد سلام حديثه قائلا: "المشكلة إن اللي بيحصل في فلسطين ده قضية كل مسلم في المقام الأول، لذلك واجب علي كل المسلمين إن هما يساعدو إخوانهم في غزة ويقدملهم اي مساعدة وانا دلوقتي مفيش اي حاجة أقدر أعملها زي زي ناش كتير جدا نفسنا تعمل حاجة ونساعد ومش قادرين نعملهم حاجة، ودلوقتي لو ربنا توفانا ونتسأل كلنا إنت ساعت أخوك المسلم في فلسطين عملتله ايه،اللي مقدرش يعمل حاجة هيسكت طبعا، وأنا هرد هقول ايه!؟ هقول إن الوقت اللي كان في اخواتنا الفلسطينين بيضربوا ويموتوا منهم الأطفال والنساء، انا كنت بعمل مسرحية كوميدية بضحك الناس وبرقص وبغني، طبعا لأ مش هقدر أعمل كده، وأنا كان عندي أمل المهرجان يتأجل أو يتلغي ولكن المهرجان مزال قائم مليش علاقة ليه مزال قائم مش هدخل فيها ولكن أنا مش هقدر أكون جزء من اللي بيحصل واقدر أشارك في المهرجان ده والمفروض إن إحنا منكتفيش بالدعاء لإخواتنا في فلسطين معرفش ايه اللي يحصل بس المفروض نعمل حاجة تانية".
محمد سلام: مين اللي محتاجين إن ندخل البهجة علي قلبه دلوقتي؟
واختتم محمد سلام: "الفيديو ده مش مقصود منه حاجة خالص غير إن أنا فعلا في مشكلة انا بقالي كتير جدا مش عارف اسافر ولا اعمل ايه وامبارح كنت قاعد مع أصدقائي فنانين وفعلا في ناس قالتلي اسافر ده مصدر رزقك وفعلا التمثيل ده رزقي وزق أولادي واللي بصرف عليه من البيت هو التمثيل وأنا لو مسافرتش هل هموت من الجوع اكييد لاء بس الناس هي اللي بتموت هناك في غزة، ولو حد هاجمني عن التمثيل وقال إن ده رسالة أنا معاك في ده وان من ادخل البهجة علي قلب مؤمن له أجر طبعا ولكن السؤال مين اللي محتاجين إن ندخل البهجة علي قلبه دلوقتي!؟".
آخر أعمال محمد سلام
ويذكر ان آخر أعمال محمد سلام هو فيلم "عمهم" مع محمد إمام، وتم عرض الفيلم بدور العرض السينمائى أثناء الفترة الماضية وحقق الفيلم إيرادات ناجحة كبيرة فى دور العرض السينمائى وكان بطولة الفنان محمد عادل إمام، وسيد رجب، هدى المفتى، محمد ثروت، والفنان محمد سلام وعدد آخر من الفنانين والنجوم.
المصدر: بوابة الفجر
كلمات دلالية: محمد سلام اللی بیحصل محمد سلام فی فلسطین
إقرأ أيضاً:
يسرا عن علاقة بوسي شلبي بـ محمود عبد العزيز: الحب اللي ما بيخلصش
أعربتِ الفنانة يسرا عن استيائها من أزمة الإعلامية بوسي شلبي مع نجلي النجم الراحل محمود عبد العزيز، وذلك عقب تداول معلومات حول انفصالهما منذ عام 1998.
وعلَّقت يسرا، عبر حسابها الرسمي بموقع تداول الصور والفيديوهات «إنستجرام» على زواج بوسي شلبي من محمود عبد العزيز، قائلة: «فيه ناس وجودهم في حياة حد بيكون أكبر بكتير من كلمة "زوجة" أو "شريكة حياة"، بيكونوا الروح اللي بتسنده، والقلب اللي بيدق مكانه لما يتعب».
وأضافت يسرا: «بوسي، مش بس كانت زوجة لمحمود عبد العزيز، كانتِ الونس، والسند، والحب اللي مبيخلصش، لحد آخر نَفس في عمره، كانت معاه زوجة على سُنة الله ورسوله، مفكرتش في نفسها لحظة، كان كل همّها هو يكون بخير، حتى وهو بيمشي من الدنيا».
View this post on InstagramA post shared by Youssra يسرا (@youssra)
وأردفت: «اللي عرفها عن قرب، يعرف إنها نفس الطيبة، اللي عمرها ما اتأخرت، ولا تراجعت عن وقفة، ولا بخلت بحنية، هي الحُب اللي مبيطلبش حاجة، والجدعنة اللي بتظهر وقت الجد، والمخلصة بجد، من غير ما تتكلم».
أزمة ورثة محمود عبد العزيز وبوسي شلبيوكان كريم محمود عبد العزيز، أثار جدلا واسعا حول علاقة الإعلامية بوسي شلبي بوالده الراحل الفنان محمود عبد العزيز قبل وفاته، وكتب عبر حسابه الرسمي بموقع تبادل الصور والفيديوهات «إنستجرام»: في الآونة الأخيرة تناثرتِ العديد من التصريحات المغلوطة التي وصلت إلى حد الكذب والافتراء على والدنا الراحل رحمه الله، وقامت إحدى السيدات بإقامة دعاوى قضائية وبلاغات جنائية تتضمن العديد من المغالطات والأكاذيب بأن الوالد قام بمراجعتها بعد طلاقها منه وتارة أخرى بأن المأذون قام بتزوير إشهاد طلاقها».
اقرأ أيضًا«أحبته بجنون».. إيناس الدغيدي تعلق على أزمة بوسي شلبي وأبناء محمود عبد العزيز
خاص| «ماجدة خير الله» تعلق على قضية بوسي شلبي والراحل محمود عبد العزيز.. ماذا قالت؟
بعد إثبات طلاقها.. زوجة خالد الصاوي تكشف عن مفاجأة عن علاقة بوسي شلبي ومحمود عبد العزيز
استئناف المحادثات الأميركية الصينية لنزع فتيل الحرب التجارية