عصام صاصا: معرفش ان صوتي حلو غير من القرآن.. ومكنش في نيتي أغني
تاريخ النشر: 22nd, March 2024 GMT
علق مطرب المهرجانات عصام صاصا، على دخوله المجال الفني قائلًا: "اشتغلت على توك توك اكتر من سنتين، وبدأت انا وواحد صاحبي، ابتدى الحوار من 3 اعدادي، وصاحبي كان بيقعد مع موزعين، وحبوا يعملوا حاجة لأول مرة، فا قلت لهم تعالوا البيت عندي لانهم مش لاقيين مكان، ومعرفش ان صوتي حلو غير من القرآن لكن مكنتش جربت اغني، قلت اقعد اتفرج مش انا اللي هغني يعني".
وقال عصام صاصا، خلال استضافته ببرنامج "أسرار" مع الإعلامية أميرة بدر المذاع على قناة النهار: "دخلت اجرب، ومكنش ف دماغى انى هوصل، وكنت بنزل الاغاني بأسم عصام طه مكنتش ابقى صاصا لسه، وكنا احنا الاتنين بنعمل الاغاني و مفيش تالت يسمعنا، وصاحبي عبدة روقة سبب من أسباب اني ابقى عصام صاصا، والكلام ده من 7 سنين، ومكنش ف نيتي اصلا اني ابقى كده ومعرفش ان اول اغنية تنجح نزلت عاليوتيوب اصلا".
وأضاف صاصا قائلًا: "نقعد نحط الكوبليه في يوم، وفي خيالي كبيري 1000 واحد هيسمعني، لقيتها نزلت على تيك توك ايام ما كان اسمه ميوزكلي، وجابت ملايين واخري افتح الواتساب، وبعدها موقع مهرجانات تواصلوا معايا، ورحت قعدت معاهم، وقالولي هناخد منك الشغل وننزله على يوتيوب وتبقى بتاعتنا، ومكنتش اعرف انهم هيكسبوا فلوس من اليوتيوب ، معرفش انه بيجيب فلوس اصلا".
كما قدم مطرب المهرجانات عصام صاصا لأول مرة، القرآن بصوته على الهواء مباشرة، حيث قدم سورة الفاتحة.
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
المصدر: بوابة الوفد
كلمات دلالية: عصام صاصا الإعلامية أميرة بدر أميرة بدر قناة النهار نجوم الفن عصام صاصا
إقرأ أيضاً:
مظاهرة حب في دار الأوبرا .. الإعلامية سلمى الشماع تروي لحظات لا تُنسى | فيديو
عبّرت الإعلامية سلمى الشماع عن سعادتها الكبيرة بتكريمها من الهيئة الوطنية للإعلام، ووصفت اللحظة بأنها "مظاهرة حب"، قائلة: "مظاهرة حب كبيرة... الحبايب كلهم كانوا موجودين. كانت فرحة زي فرحة الفرح. كل اللي حواليّ مش أغراب، يا إما اشتغلت معاهم، يا إما أنا اللي ربيتهم. كان إحساس رائع، صادق، ومليان شغف. الناس مكانتش بتتكلم لمجرد المجاملة، لكن بكلمات خارجة من القلب، كلها حب وشغف."
وتابعت خلال لقائها في برنامجها "كلمة أخيرة" على قناة ON: “أنا عمري ما حسّيت إني ابتعدت عن أهل المهنة، دايمًا على تواصل معاهم. دلوقتي حاسة إني بقيت أم لكل الشباب اللي بيشتغلوا في الإعلام. إحساسي بيهم اختلف، أوقات بوجّههم بقسوة وبيزعلوا، لكن بعدها باخدهم في حضني”.
وكانت الهيئة الوطنية للإعلام، ممثَّلة في قطاع النيل للقنوات المتخصصة بإدارة الإنتاج المتميز، قد نظّمت احتفالية تكريم للإعلامية الكبيرة سلمى الشماع، بمركز الإبداع الفني بدار الأوبرا المصرية، تقديرًا لمسيرتها الإعلامية الرائدة، وإسهاماتها المؤثرة في تطوير العمل التلفزيوني والثقافي والفني.
نتيجة الصف الرابع الابتدائي.. موعد ظهورها ورابط الاستعلام المباشر