المتهمة الثانية بقضية طبيب النساء في الجيزة: «مكنتش أعرف إنها حامل»
تاريخ النشر: 23rd, April 2024 GMT
تفاصيل وكواليس مثيرة في قضية طبيب النساء في الجيزة، خلال تحقيقات النيابة في القضية، كشفتها والدة فتاة الإجهـ ـاض والتي أجرى الطبيب لها إجهاضا داخل عيادته.
أقوال والدة فتاة الإجهـ ـاض في قضية طبيب النساءقالت المتهمة الثانية في قضية طبيب النساء- والدة الفتاة- “يوم 3 ديسمبر 2023، الساعة 5 المغرب، والعملية كانت تاني يوم الساعة 11 الصبح، في العيادة بتاعت الدكتور في العمرانية، ومحدش كان معانا غير أنا وبنتي نور بس، والدكتور لما قالي ممكن تموت؛ قولت له اعمل العملية”.
وقالت والدة الفتاة- المتهمة الثانية- إنها شاهدت ابنتها نورا تنزف، وذهبت بها إلى طبيب في العمرانية- المتهم- وحينما كشف عليها؛ أخبرها أنها حامل في نهاية الشهر الخامس، وأن الجنين متوفى داخل الرحم.
وأكملت المتهمة في تحقيقات قضية طبيب النساء في الجيزة، “الدكتور قال لازم نعمل عملية وننزل الجنين قبل 24 ساعة، وإلا هتموت من النزيف، وقال إن العملية هتتكلف 10 آلاف جنيه، قولت له اعمل العملية، وفعلا حجز لبنتي في غرفة العمليات في الدور الأرضي، وأنا نزلت جبت الفلوس ورجعت اديتهاله”.
وتابعت المتهمة خلال تحقيقات قضية طبيب النساء في الجيزة، "عمل العملية ونزل الجنين، وبعدها أخدت بنتي، وفي العيادة ادوني الجنين في كيس أسود، ورحت وديت نورا بنتي عند أمي في العمرانية، وأخدت الكيس الأسود ودفنته جنب سور مدرسة في المنيب، مش فاكرة اسمها، وبعدها روحت بيتي، والشرطة قبضت عليا.
«مكنتش اعرف إن بنتي حامل أصلا».. بهذه الكلمات تابعت المتهمة في اعترافاتها، “بنتي ماظهرش عليها حاجة، وهي قالت لي إنها حامل من واحد كانت ماشية معاه وبتحبه، وإنه ميعرفش إنها حامل، ولما قولت للدكتور اعمل العملية؛ قالي إن العملية هتخليها مش بنت؛ عشان الغشاء بتاعها مطاطي، وهي دلوقتي بنت بنوت، لكن العملية هتخليها مش بنت”.
واختتمت المتهمة في قضية طبيب نساء الجيزة، “نورا خلصت العملية وكانت نايمة، وقعدوا على سرير لحد ما فاقت، وبعدها مشيت أنا وهي على بيت ستها، وروحت دفنت الجنين زي ما قولت”.
وقررت محكمة جنايات جنوب الجيزة، اليوم الإثنين، تأجيل محاكمة طبيب نساء وتوليد شهير بالجيزة، لجلسة 20 مايو، في اتهامه بتحويل عيادته إلى وكر لإجراء عمليات الإجهاض، وضبطه، عقب إجراء عملية إجهاض لإحدى السيدات حملت سفاحا.
وحملت القضية رقم 264 لسنة 2024 جنايات قسم الجيزة، وقيدت برقم 3 لسنة 2024 كلي جنوب الجيزة، وتم التحقيق فيها تحت إشراف المستشار محمود غيطاس المحامي العام الأول لنيابة جنوب الجيزة الكلية، والمتهمون في القضية هم: “صبحي ع. س” طبيب نساء وتوليد - “ن. أ” طالبة، “س. ج” و"م. أ" 25 سنة- عاطل.
ووجهت جهات التحقيق إلى المتهم الأول، في قرار إحالته إلى المحاكمة الجنائية، تهمة، أنه حال كونه طبيبا؛ حوَّل عيادته إلى وكر لإجراء عمليات الإجهاض غير المشروعة.
المصدر: صدى البلد
كلمات دلالية: طبيب النساء العمرانية تحقيقات النيابة طبيب نساء الجيزة طبيب نساء فی قضیة طبیب
إقرأ أيضاً:
كندة علوش عن تكريمها بمهرجان أسوان: «بنتي فرحانة بتكريمي وعايزة تحتفظ بالجائزة»
عبّرت الفنانة كندة علوش عن سعادتها الكبيرة بتكريمها ضمن فعاليات مهرجان أسوان الدولي لأفلام المرأة، مؤكدة أن شعورها بالسعادة لم يكن بسبب الجائزة فقط، بل بالحب الكبير الذي لمسته من أهالي أسوان خلال الندوة الخاصة بها.
وأكدت كندة علوش، في لقاء خاص مع الإعلامية شيرين سليمان، ببرنامج سبوت لايت المذاع على قناة صدى البلد، قائلة: "سعدت بالندوة دي يعني زي سعادتي بالتكريم ده، لما دخلت الندوة وشفت إن الصالة كاملة العدد، وشوفت إن كلها من أهالي أسوان، سعادتي كانت لا توصف، إن هم يعني عملوا مجهود وجُم وعايزين يشاركوا وعايزين يسألوا، عشان كده قررت إن إن الندوة تكون تفاعلية بيني وبينهم، أسمعهم مش بس يسمعوني، وهم قالوا وحكوا مشاكلهم وتطلعاتهم وإيه اللي هم عايزينه من المهرجان ده؟ إيه اللي هم عايزينه من السينما ككل؟ فحقيقي سعادتي لا توصف وممتنة لأهالي أسوان وسيدات أسوان اللي جُم مخصوص عشان يحضروا الندوة ويشاركوني يعني".
وتحدثت كندة علوش عن وجود أبنائها خلال مشاركتها بالمهرجان، قائلة: "حياة بقى عايزة تاخد الجايزة، وعجبها شكل الجايزة، فقلت لها ده ليكي هي عايزة هي عايزة تمتلكها يعني، وهم فرحانين يمكن كريم صغير لسه مش مقدّر، بس حياة فاهمة إن احنا جايين ماما هتاخد جايزة، فهي فرحانة بالموضوع ده".
وكشفت كندة علوش، عن برنامج زيارتها في أسوان، قائلة:"عملنا رحلة في النيل، رحنا معبد فيلة، رحنا هيسة، النهاردة هنروح غرب سهيل، هنروح السوق نشتري حاجات وأوريهم القرية النوبية والبيوت، يعني أنا حريصة إن أنا في قعدتي دي أوريهم كل المعالم".
وفي ختام حديثها، أشادت كندة علوش بالمهرجانات التي تُقام خارج القاهرة، قائلة: "سعيدة بالمهرجانات اللي بتتعمل بره القاهرة، يعني القاهرة بلد عظيمة فيها مهرجان عظيم، دلوقتي بقى فيه في الجونة مهرجان عظيم، بس أنا سعيدة بأن الدولة وإن المؤسسات بتدعم المهرجانات اللي هي يمكن تبدو مهرجانات صغيرة، إلا أنها مهرجانات شديدة الأهمية، وبدعو كل الأساتذة الممثلين والنجوم والمخرجين والصناع إن هم يجوا ويشاركوا في المهرجانات دي عشان هي حقيقي بتعمل فرق".
اقرأ أيضاًلبلبة: «عايزة أقدم أعمال تهتم بمشاكل المرأة وذوي الهمم».. فيديو
داليا البحيري: مهرجان أسوان لأفلام المرأة له مكانة خاصة في قلبي.. فيديو
ترامب يبدي تعاطفه مع بايدن بعد سنوات من السخرية