الغناء ممكن يجيب فلوس عن التمثيل بكتير.. أبرز تصريحات ميسرة التلفزيونية
تاريخ النشر: 28th, June 2024 GMT
حلت الفنانة ميسرة، ضيفة على أحد البرامج التليفزيونية، وتحدثت خلال اللقاء عن تفاصيل حياتها الشخصية، ومشوارها الفني.
وقالت:"متجوزتش ولا مرة، علشان كده مقبلة على الحياة، وطلبت الزواج من وائل الدحدوح، لأنه رمز للرجُل الفلسطيني المؤمن بقضيته حتى لو ثمنها ولاده ومراته".
وأضافت:"أتمنى يفتحوا لينا الجهاد في فلسطين وهنروح كلنا، آه مش هقدر أشيل سلاح لكن هقدر أمرّض، الشباب عنده استعداد يروح يجاهد، ومقابلتش راجل ممكن يبقى سند ليا، وعملت فلوس من شغلي في العقارات في لندن".
وتابعت:" أنا اشتغلت في الفن علشان بحبه، ولكنه مبيجبش فلوس،و الغناء ممكن يجيب فلوس عن التمثيل بكتير، والسوبر ستار في مصر هما 1% من تعداد الفنانين في النقابة".
وأشارت:" أعلى أجر خدته في الأفلام كان 25 ألف جنيه، ومفيش نجومية لـ بنت بتوازي نجومية ولد في مصر، ومفيش ورق بيتكتب لـ الست، مفيش غير منى زكي وده ذكاء علشان بتعمل حاجات عن قضايا الستات، وده عملته بعد ما بقت سوبر ستار، وده تقصير من المنتجين والمخرجين".
واستكملت:" مخرجين قليلين اللي بيخرجوا الممثل بشكل جديد، منهم هاني خليفة وكاملة أبو ذكري، ونفسي أعمل حاجة غير إغراء، والحمد لله عملت أدوار شر، ومسلسل عباس الأبيض كان وش الخير على الكل، ومنه عادل إمام خدني في فيلم السفارة في العمارة".
وواصلت:" ممكن أعمل إغراء لو بيخدم الدراما، وأتمنى أعمل دور أم، ومندمتش على بوستي مع عادل إمام في فيلم بوبوس، ومش هعملها تاني".
واختتمت:" مش فاهمة يعني إيه سينما نظيفة، ممكن يكون فيه سينما دون ابتزال، والذكاء سر استمرارية عادل إمام طول السنين دي".
آخر أعمال ميسرة المسرحيةوكان آخر أعمال ميسرة، مسرحية "حب رايح جاي" للمخرج ياسر صادق التى عرضت على المسرح العائم بالمنيل عام 2020، وشاركت فى بطولته إلى جانب رشوان توفيق أحمد صيام ودنيا عبد العزيز ومحمد حسني وديكور محمد هاشم، إضاءة إبراهيم الفرن، ملابس دنيا الهوارى، استعراضات علاء أبو ليلة، ألحان وليد الشهاوي، كلمات دعاء عبد الوهاب
المصدر: بوابة الفجر
كلمات دلالية: ميسرة الفجر الفني
إقرأ أيضاً:
«أنت مُصر على الافتراء».. رسالة شديدة اللهجة من نجم الأهلي السابق أحمد فتوح بعد أزمة الساحل
حرص سيد معوض، نجم الأهلي ومنتخب مصر السابق، على توجيه رسالة شديدة اللهجة للاعب أحمد فتوح، الظهير الأيسر للفريق الأول لكرة القدم بنادي الزمالك، بعد أزمة حضوره حفل الساحل الشمالي.
وقرر نادي الزمالك بقيادة جون إدواد المدير الرياضي داخل القلعة البيضاء، توقيع غرامة مالية على أحمد فتوح وتحويله للتحقيق، بعد أزمته الأخيرة، بسبب خروجه من المعسكر الاستعدادي للموسم الكروي الجديد.
وقال سيد معوض في تصريحات تليفزيونية: «عندي مشكلة مع أحمد فتوح وبقوله أنت ربنا أدالك نعمة كبيرة لازم تحافظ عليها، لكنك مصر على الافتراء».
وأضاف معوض: «اللاعبون في مركز الظهير الأيسر عددهم قليل جدًا، لكن في نفس الوقت فين أحمد فتوح من بعد أمم إفريقيا التي شارك فيها أساسيًا رفقة كيروش؟»
واستمكل: «أخبار أحمد فتوح دلوقتي عبارة عن إية؟، لما يحصل موقف زي حادث السنة الماضية ورب أسرة يتوفى لازم تاخد بالك من نفسك شوية، أنت السنة اللي فاتت ارتكبت جناية لازم تهدى علشان ربنا يسترها عليك».
وواصل معوض: «إحنا مش بنشوف منك حاجة، لاعب دولي بيلعب مباراة كل شهرين ومع ذلك بينضم للمنتخب علشان مفيش لاعبيه تانية في مركزه، لو فيه وفرة في مركز الظهير الأيسر أكيد مش هيروح المنتخب».
أتم: «انتقال فتوح إلى الأهلي صعب جدًا، الأحمر مش هجيب لاعب يشارك في مباراة كل 3 أو 4 شهور، والشخصية مش هتتغير».
حسام موافي: شرب الحشيش لا يحتاج لمصحة.. والترامادول يستوجب الدخول الفوري