عمرو يسري: الفن خد مني سني وعمري ومش ندمان عليه.. وأمي أول مرة تشوفني ممثل بعد 30 سنة في المجال

كشف الفنان عمرو يسري عن أمنياته في الفن، موضحًا أنه ما زال لم يحقق طموحه الفني، مؤكدًا أنه لم يندم على دخول الوسط الفني.

أبرز تصريحات عمرو يسري 

وقال عمرو يسري، خلال حواره مع الإعلامية إنجي هشام في برنامج “المنسي” المذاع عبر شاشة قناة “هي”:"أنا معملتش حاجة علشان احققها، أنا 33 سنة وسط كأني معملتش حاجة، أنا لسه مستني بس الحلم بالنسبالي مبقاش زي زمان، بمعنى إني أنا الفن خد مني سني وعمري ومدانيش مش ندمان عليه ولا عمري ندمت على حاجة أنا عملتها في حياتي في يوم من الأيام، ولا ندمت على أي عمل عملته لأني بعتبر العمل ده ابني واتعلمت واستفدت منه، لكن تيجي تقوليلي غرورك الفني أقولك معملتش أي حاجة أنا لسه بحبي".

 مش بإيدي مسألة مخرجين ورؤية.. عمرو يسري يُعلق على طلب والدته باستمراره في أداء الأدوار التراجيدي

 

وتابع: ممكن أكون حزين مش زعلان بس، ولكن عشان الطاقة الكاملة اللي جوايا متفرغتش والمخزون الفني اللي عندي مطلعش هتقوليلي نفسك تعمل دور إيه هقولك أدوار إيه؟، أنا لما عملت دور 10 مشاهد في شارع 9 كان بالنسبالي عمرو يسري تراجيدي، تعالى وري الناس عمرو يسري التراجيدي كان لأول مرة اسمعها من أمي.

 

واختتم يسري قائلًا: "اتصلت بيا قالتلي أول مرة أشوفك يا عمرو ممثل، تخيلي 30 سنة عارفة إنك ممثلة وبعدين تيجي تقولك أول مرة أشوفك ممثل، مقتنعة جدًا بالدور وبتقولي عمرو استمر على الحته، دي قلتلها مش بإيدي المسألة مسألة مخرجين ورؤية".

 

مواعيد عرض برنامج المنسي 

 

برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر والنصف مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.

 

المصدر: بوابة الفجر