بالأمس دق جرس المنبه مرة ومرتين قبل أن أقوم بوأد صوته كالعادة والاستمرار فى النوم، فى المرة الثالثة انتفضت لتذكرى أن اليوم موعد كتابة المقال. فى دقائق معدودة كنت قد اختصرت طقوسى اليومية وألقيت بنفسى فى أول ميكروباص ينادى رمسيس.. ركبت وبينما أبحث فى جيبى عن ستة جنيهات ونصف تعريفة الركوب رن جرس موبايلى.
- جود مورننج يا فندم مش حضرتك هشام بك مبارك؟
- هو بغباوته بس أنا مش بيه ولا حاجة هشام وبس خلى البساط أحمدى.
- هاهاهاها دم حضرتك خفيف موت زى ما سمعت.
- معلش اعذرنى مش سامعك كويس من دوشة الميكروباص، ممكن بس تدينى فرصة أوصل المكتب؟!
- هاهاها بلاش تواضع واضح طبعا ان حضرتك فى ميتنج خلاص هكلم حضرتك بعد «هاف آن آور» يقصد نصف ساعة!
وصلت المكتب وفى طريقى اشتريت سندوتشين طعمية وقبل أن أشرع فى التهامهما اكتشفت أن الطعمية السخنة الجميلة ليس عليها السلطات المعتادة وانتابنى شعور بالقهر من ذلك البائع الذى خمنى وأوشكت أن أعود له لأخذ حقى منه لولا أن رن جرس الموبايل.
- يا فندم عندنا عروض ماتتفوتش أبدًا، قصر على البحر يرد الروح وبالتقسيط المريح على 9 سنين بحالهم!
- هو انت يابنى عارف بتكلم مين؟
- يافندم وهل يخفى القمر، احنا شركة فاهمة شغلها، عارفين حضرتك كاتب كبير وعشان كده اخترنا لك قصراً الفيو بتاعه تحفة يعنى تقدر تقعد فى البلكونة وتكتب وتبدع بقى يا استاذ وتبسط القراء بتوعك!
- أنا بشكرك على حسن ظنك طبعاً بس عايز أقولك إنى مش محتاج فيو للكتابة يعنى ممكن تلاقينى بكتب فى الميكروباص فى الأتوبيس فى السوق واًنا باشترى الخضار، ولما كلمتنى كنت جاى جرى من البيت علشان المقال يلحق المطبعة لولا بس بتاع الطعمية عكنن عليا وقفلى اليوم!
- طعمية ايه بس يا افندم وميكروباصات ايه، ده احنا عاملين كوليكشن قصور وفيلات مخصوصة للسادة الصحفيين المبدعين، انتو ثروة يا فندم ولازم نحافظ عليكم.
- يا بنى الله لا يسيئك سيبنى اكل ساندوتش الطعمية واشرب كوباية الشاى علشان أبعت المقال لرئيس التحرير لأنى كل أسبوع باكون آخر واحد يسلم مقاله وشكلى بقى وحش جدا.
- ياريت يافندم تدينى رقم سعادته كمان عشان ألحق أحجز له القصر اللى جنب سعادتك!
- سيب الراجل فى حاله علشان يلحق يطلع الجرنان. ولو ممكن تسيبنى أنا كمان «هاف آن آور» أخلص المقال وتكلمنى؟!
لاحظ زملائى السُعاة فى قسم الخدمات المعاونة وكانوا يجلسون فى الطرقة أن صوتى كان مرتفعا فجاءوا يطمئنون، حكيت لهم الحكاية، فاقترحوا علىَ فكرة قررت تطبيقها، وقبل أن تنتهى «الهاف آن آور « كان الشاب يطلبنى مرة أخرى فرددت عليه بعد أن قمت بتغيير نبرة صوتى ونجحت فى تشكيكه.
- هو مش حضرتك برضه الكاتب الكبير هشام بك مبارك؟!
- كاتب مين وكبير مين يا استاذ هو سيادتك بتتمهزأ بيا؟
- سورى الظاهر طلبت رقم غلط هو مين معايا حضرتك؟
- وبتقولى حضرتك كمان؟ متعرفش ان ده تنمر عموما محسوبك هشام السباك أجدعها صنايعى فيكى يا«منتئة»!
- ياه صدفة سعيدة جدا يافندم، أنا عايز أعرض على حضرتك قصر فى الساحل إنما إيه حكاية وكمان سعادتك من الطبقة اللى ممكن متحتاجش تقسيط وتقدر تدفع تمنه كاش!
- يعنى مش عايز اسمه إيه ولا الأبصر إيه ده الصحفى؟
- لا يا راجل وهم الصحفيين دول حيلتهم حاجة، إسمع بقى يا سيدى العرض!
[email protected]
المصدر: بوابة الوفد
كلمات دلالية: هشام مبارك طلة
إقرأ أيضاً:
طلب إحاطة فى النواب لتحويل الساحل الشمالى إلى مقصد سياحي طوال العام
طالب النائب أشرف أمين عضو مجلس النواب من الحكومة وضع السياسات والخطط لتحويل منطقة الساحل الشمالي الغربي لمقصد سياحي عالمي يعمل طوال أشهر العام وليس خلال فترة الصيف فقط ، مؤكداً أن هذه المنطقة اصبحت تمتلك جميع المقومات الطبيعية والبشرية لتحقيق هذا الهدف الذى يحقق مكاسب كبيرة للاقتصاد الوطنى.
وقال " أمين " فى طلب إحاطة تقدم به الى المستشار الدكتور حنفى جبالى رئيس مجلس النواب لتوجيهه إلى رئيس مجلس الوزراء، والسيد وزير السياحة والآثار، والسيد وزير الإسكان والمرافق والمجتمعات العمرانية : إنه يجب وضع خطة استراتيجية لتحويل الساحل الشمالي الغربي إلى مقصد سياحي عالمي على مدار العام ، وذلك بتوقيتات زمنية محددة مؤكداً ان الساحل الشمالي الغربي أصبح يتمتع بإمكانيات طبيعية وجغرافية تؤهله لذلك.
وقال النائب أشرف أمين : إن منطقة الساحل الشمالي الغربي تتمتع بامتداد ساحلي طويل، ومناخ معتدل، وشواطئ خلابة، بالإضافة إلى قربها الجغرافي من مراكز عمرانية واقتصادية مهمة مثل مدينة العلمين الجديدة، غير أن الاستثمار السياحي في هذه المنطقة لا يزال موسميًا ومحدودًا، ولا يرقى إلى مستوى المقومات المتوفرة، ولا يسهم بالشكل المأمول في الناتج المحلي الإجمالي أو جذب السائحين الأجانب.
وطالب الحكومة بوضع خطة وطنية شاملة تتضمن مجموعة من المحاور فى مقدمتها تطوير البنية التحتية والخدمات السياحية على مدار العام والترويج الدولي للمنطقة كوجهة سياحية متكاملة وإصدار حوافز استثمارية للمطورين السياحيين وإشراك القطاع الخاص في إدارة وتشغيل المشروعات السياحية مع ربط الساحل الشمالي الغربي بخطوط مواصلات حديثة (قطارات سريعة – مطارات إقليمية – طرق ذكية) ، والحفاظ على الهوية البيئية والمعمارية للمنطقة ضمن أي تطوير مستقبلي.
وأكد النائب أشرف أمين أن هذا التوجه لا يعزز فقط من الاقتصاد الوطني ويخلق فرص عمل، بل يعكس أيضًا صورة مصر كدولة تمتلك تنوعًا سياحيًا واستثماريًا غير مستغل بالشكل الأمثل.
متسائلاً هل لدى الحكومة الخطط والسياسات لتحقيق هذا الهدف ؟ وماهى التوقيتات الزمنية التى لدى الحكومة لتكون منطقة الساحل الشمالى الغربى منطقة سياحية عالمية تعمل طوال العام ؟ وماهى خطط الحكومة لجذب السياح من مختلف دول العالم لهذه المنطقة ؟ مطالباً من الحكومة استغلال المشروعات القومية العملاقة التى اطلقها الرئيس عبد الفتاح السيسى داخل مناطق الساحل الشمالي الغربي من الإسكندرية وحتى السلوم بصفة عامة ومدينة العلمين الجديدة ومشروع رأس الحكمة بصفة خاصة.
اقتراح أميركي يسمح لإيران بتخصيب اليورانيوم.. ولكن!