عمر كمال يذهب لطبيب نفسي بسبب طليقة أحمد الفيشاوي
تاريخ النشر: 29th, July 2024 GMT
كشف مطرب المهرجانات عمر كمال، خلال لقائه في برنامج «حد النجوم»، عن ذهابه إلى طبيب نفسي للعلاج بسبب علاقته بندى الكامل طليقة الفنان أحمد الفيشاوي.
وقال عمر كمال:«كل فترة لازم أزور الطبيب النفسي وأفضي كل اللي جوايا، السنة اللي فاتت مكنتش كويس ولا في أحسن حالاتي لكن السنة دي أفضل، أنا مكنتش متزن نفسيا وقت علاقتي بـ ندى الكامل طليقة الفنان أحمد الفيشاوي، وهي لما سمعت الكلام ده كان لها رد فعل غاضب طبعا».
وكان آخر أعمال عمر كمال، أغنية قطر جيلك لـ عمر كمال وحسن شاكوش، والتي حازت على إعجاب الجماهير في الوطن العربي، من كلمات مصطفى الجن، ألحان منعم، توزيع إسلام ساسو، والكليب من إخراج حسام مجدي، ظهر خلال الفيديو كليب الراقصة الاستعراضية ليندا.
كلمات أغنية قطر جيلك
واحدة، واحدة يا قطر جيلك عارف إن مافيش بديلك
إنت أصلا مين يجيلك في الدلع ولا الجمال
عادي خليهم يقولوا القمر فوق مين يطوله
ده البطل لحظة وصوله خطوته بتعمل زلزال
بطل ما جاش اللي ينيموا ويقف قصاد سحره ويهزمه
كل اللي يتحدوكي سلموا يا نمبر وان في الجامدين
عرشك ما جاتش اللي تهدده منك مافيش وبيستوردوا
ويا عيني بيحاولوا يقلدوا وبردو جمبك مش باينين
كله يصحى له ويفوق له ده الفرس نازل بتقله
ممكن الملعب يروق له إصحو وحش الكون حضر
مين على الكوكب ده قده كلهم قدامه هدوا
لأ صراحة الله يهدوا ممنوعات والعود خطر
عسل قمر من غير أفورة لا شغل ميكب ولا فلترة
لمبة كده ماشية منورة كشاف جمالك يعمي العين
أسد وعودك عود مفتري تتحسدي لازم تتبخري
فتحتي نفسي ع الجمبري وع الجواز وماليكي يمين
بشويش ع الأرض حبة الشارع مش حمل دبة
خف حبة تزيد محبة إحنا مش قدك يا جامد
حد فيكم يروح يقولوا يهدا بالجمدان ده كله
لو لمحته أنا مش هحله ده اللي خلا مشاعري قامت
ده أنا أزلزل الكوكب زلزلة بس تقولي لي بحبك يا لا
وتحطي لينا صورة ع الحالة وسهم راشق بين قلبين
عاشقك وعشقي مالوش ترجمة يا ملاك رقيق نازل من السما بطلت من بعدك رمرمة ونويت أكمل نص الدين
المصدر: بوابة الفجر
كلمات دلالية: عمر كمال طليقة أحمد الفيشاوي عمر كمال و طليقة أحمد الفيشاوي أحدث أعمال عمر كمال عمر کمال
إقرأ أيضاً:
«يذهب العقل.. الرجولة مش سيجارة».. حسام موافي يحذر الشباب من الحشيش
وجه الدكتور حسام موافي، أستاذ الحالات الحرجة بكلية طب قصر العيني، رسالة مؤثرة إلى أحد الشباب الذين يعانون من إدمان الحشيش، مؤكدًا أن التعلل بالحالة النفسية لا يبرر الوقوع في براثن المخدرات، مشددًا على أن الرجولة لا تقاس بتعاطي الحشيش أو التدخين، بل بتحمل المسؤولية ومواجهة الأزمات بوعي وعقل.
وقال الدكتور حسام موافي، خلال تقديمه برنامج "ربي زدني علمًا" المذاع على قناة صدى البلد، إن هذه الظاهرة باتت منتشرة بين كثير من الشباب، الذين يبررون التعاطي بعبارات مثل "الحشيش مش إدمان" أو "بيتباع في أمريكا"، مؤكدًا أن تلك مبررات خاطئة لا تتماشى مع الدين ولا مع الأعراف المجتمعية، مشيرًا إلى أن الحشيش يذهب بالعقول ويؤدي إلى كوارث اجتماعية ونفسية.
وشدد موافي على أن علاج الإدمان يبدأ بالإرادة، قائلًا: «اللي علمك الحشيش مش راجل، لكن اللي ينصحك تبطل هو الراجل»، محذرًا من تأثير الصحبة السيئة، وداعيًا الشباب لتحمل مسؤولياتهم تجاه أسرهم ومستقبلهم، مؤكدًا أن تحليل المخدرات قد يحرمك من فرصة العمر في وظيفة مرموقة، مضيفًا: «الراجل مش اللي ياخد حشيش، الراجل هو اللي يعرف إنه حرام ويبطل ويفوق».
وتابع: «هل الموت عقوبة، لو عقوبة مكنش الرسول صلى الله عليه وسلم مات، وبعدين خلي بالك اللي يصبر ويحتسب عند المصائب ويرضى بأقدار الله، مش لما والد حد يتوفى، تروح تحشش، الحشيش يذهب العقول، وبالتالي هو حرام، الرجولة تكون قد المسئولية وتسد مكان أبوك، الفلوس اللي بضيعها على الحشيش أنت وأهلك أولى بيها».