جهاز المخابرات العامة بالقضارف يضبط عملات اجنبية كبيرة وعدد من أجهزة الإتصالات
تاريخ النشر: 6th, August 2024 GMT
تمكن جهاز المخابرات العامة في القضارف من ضبط مبالغ مالية، تشمل عملات أجنبية من فئتي الدولار الأمريكي والريال السعودي، بالإضافة إلى العملات الوطنية، بحوزة سبعة متهمين. بلغ إجمالي المبالغ المضبوطة (167) مليون جنيه، بالإضافة إلى عدد من أجهزة الاتصال.
وقف والي القضارف المكلف، اللواء ركن معاش محمد أحمد حسن أحمد، على هذه الضبطية بمباني الجهاز ظهر اليوم، بحضور مدير جهاز المخابرات العامة بالولاية، العميد أمن دفع الله عمر الشيخ، ومدير شرطة الولاية، اللواء شرطة عصام الدين محجوب، ورئيس الإدارة القانونية بالولاية، مولانا عبدالمجيد السماني.
أشاد الوالي المكلف بجهود أفراد جهاز المخابرات العامة في تحقيق هذه الضبطية، ومساهمتهم الفاعلة في المحافظة على الاقتصاد الوطني وردع المتلاعبين بأمن البلاد، مجدداً حرص لجنة أمن الولاية على التصدي لكل من تسول له نفسه المساس باقتصاد وأمن الولاية.
من جهته اكد مدير جهاز المخابرات العامة عزم الجهاز على ملاحقة المجرمين الذين يعملون على تدمير اقتصاد البلاد وتسليمهم للجهات الامنية لتتم محاكمتهم وفق ما كفله القانون، مشيرا الى ان افراد الجهاز يعملون بتناسق تام مع كافة الاجهزة الامنية بالولاية للمحافظة على الامن والاستقرار بالولاية.سوناإنضم لقناة النيلين على واتسابالمصدر: موقع النيلين
كلمات دلالية: جهاز المخابرات العامة
إقرأ أيضاً:
قصة السرير !!
في العام 2017 كان في رحلة علمية لمجموعة من الطالبات جزء منهن من جامعة الأحفاد وجزء من جامعة الأهلية ومأمون حميدة ،،، الرحله كانت متجهه لدوله خليجية معروفة
لحدي هنا عادي..
الماعادي إنو تفاصيل الرحله دي كلها كانت عند جهاز الأمن الوطني كان عندهم معلومات كافية عن الجهات المنظمة للرحله دي وإنها جهه شغاله ( شغل ممنوع ) الجهه دي حاولت تستدرج الطالبات ديل تحت غطاء الرحلة العلمية دي.. من دون علم إدارة الجامعات المذكورة دي..
و بالفعل تم تنسيق القروب بتاع الطالبات ديل ودفعن الرسوم وإتحددت المواعيد المناسبة معاهن حسب جهلهن بالمخاطره دي …
قام جهاز الأمن في مطار الخرطوم وقف رحله المجموعة وإلغي سفريتهم وقبض على الطالبات كلهن ..
قبضوهٍن وودوهٍن موقف شندي..
رجعت لي الرفيقه ( ت. ع) بي تلفون قالت لي يا تبيان أنتي وين؟ قلت ليها قاعده في المكان الفلاني! سالتها مالك الحاصل شنو؟ قالت لي أنا واقعه في مشكله ووصفت لي محلها إنها في موقف شندي مباني جهاز الأمن!
إتصلت لي ( ع. ر) شغال في الجهاز وحكيت ليهو الحاصل وقالي أنا حأشوف الموضوع وأرجع ليك ” المهم بعد ساعتين رجعت لي (ت. ع ) وقالت لي فكوني.. ” وهُم عارفين كل شيء ”
هنا موضوع السرير ده..
صحبتي ( ت .ع ) قالت لي ناس الجهاز ديل ما كويسين؟ قلت ليها مالهم ؟ قالت لي عندهم سراير جوه المكاتب!!
من دون تردد اتصلت علي( ع. ر) وقلت ليهو الزوله دي قالت كذا كذا كذا؟ قالي يا تبيان زولتك دي عيانه ولا شنو؟
السراير دي للأفراد والضباط الشغالين وردية الليل لأنو من واجبات جهاز الأمن إنو ماينوم نهائي يحرسكم ويحرس البلد دي ويحرس زولتك العيانه دي وعشان الجهاز شغال أربعه وعشرين ساعه في جزء من الضباط بينومو في المكاتب عشان يتابعو أوضاع البلد ليل وصباح وأقوليك حاجه عادي الواحد منهم ممكن أسبوع مايشوف اولادو ولا اهلو ولا يمشي مناسبة أو بٍكى بس يكون قاعد في مكتبو وشغال..
ولو ما كده صحبتك دي كانت حتكون في سرير تاني محل كانت ماشه،، وده كلو بي فضل الشباب الشافتهم ديل..
قبل يقفل التلفون قالي
نحن أولاد بلد وأولاد أسر ومربين صاح إنتو كناشطات وشيوعيات غيرو أفكاركم دي عن جهاز الأمن عشان البلد تمشي صاح كفاكم وهمنه ..
وبرضو قولي ليها عندنا ناس بيدقو ولو ما اتصالك لي صحبتك دي كان دقوها لمن الله يغفر ليها وبرضو ده جزء من الشغل قفل فيني الخط !!
أنا كنت مبسوطه إنو الرحله دي فركشت وبعديها تم تعميم منع السفر لكل المجموعة الكانت مشاركة في الرحله دي إلا بإذن من الجهاز وبموافقة الجامعة …
الضابط ده ( ع. ر) كان أطلق سراحي من معتقل مباني الجهاز بري في احداث 2013م ..
أستشهد في معركة سوق صابرين ربنا يرحمو ويغفر ليهو..
في حاجات كتيره ومواقف حصلت غيرت افكاري افكار ناس عن أشياء كنا شايفنها بي عيون غيرنا .. وحقيقة كده نحن شاركنا بي وعي أو بدون وعي في تخريب بلدنا ربنا يغفر لينا بس ..
الخلاني احكي القصه دي تداول بعض الناس لصورة السرير دي للأسف ناس بنعرفهم قاعدين روجو لي فكرة، أنو وجود السرير ده معناه المكان ده مستغل في حاجه غلط ???? ..
——————————–
✍️ تبيان توفيق الماحي أكد
إنضم لقناة النيلين على واتسابPromotion Content
أعشاب ونباتات رجيم وأنظمة غذائية لحوم وأسماك
2025/12/10 فيسبوك X لينكدإن واتساب تيلقرام مشاركة عبر البريد طباعة مقالات ذات صلة الجيش والمليشيات: لكن الدعم السريع وحش آخر2025/12/10 آلهة “تقدم” تعاقبنا بحمل صخرة الكيزان صعوداً وهبوطاً إلى قيام الساعة2025/12/10 كانت الحلويات المتاحة في الدكاكين كلها تعود الى العصر الحجري2025/12/10 (المعلومة والجيوسياسية)2025/12/10 هجليج بين حدثين2025/12/10 جيران السودان ما عدا دولتين هما أسوا جيران جٌبلوا على الغدر ونقض المواثيق2025/12/10شاهد أيضاً إغلاق رأي ومقالات كوزنة المقاومة تكنيك ناجح في خدمة الغزاة 2025/12/09الحقوق محفوظة النيلين 2025بنود الاستخدامسياسة الخصوصيةروابطة مهمة فيسبوك X ماسنجر ماسنجر واتساب إغلاق البحث عن: فيسبوك إغلاق بحث عن
من عالم العقارات إلى الدبلوماسية الفظة.. كيف انعكست النزعة الفوقية في هفوات خطاب توم براك؟