فيديو.. كواليس تحضير أغنية «تيجي نسيب» لـ أنغام
تاريخ النشر: 20th, September 2024 GMT
كشف الفنان أكرم حسني في فيديو عبر حسابه علي موقع إنستجرام، يعرض خلاله كواليس تحضير أغنية«تيجي نسيب» للمطربة أنغام والتى طرحتها مؤخرا ضمن ألبومها الغنائي الجديد.
كواليس التحضيرات لـ أغنية «تيجي نسيب»
شارك أكرم حسني الكواليس، وعلق قائلا: «وم التلات 2 نوفمبر 2021 الساعة اربعة الفجر قام ايهاب عبدالواحد عشان يمشي بعد سهرة طويلة عندي في البيت ايهاب مسابش فيها الجيتار من ايده هو بيغني وكلنا بنغني معاه، عد ما كله مشي جاتلي فكرة أغنية تيجي نسيب فكتبتها وخلصتها على الساعة ستة الصبح، وهموت واكلم ايهاب عشان يجيلي يسمعها ويلحنها بس مكسوف اكلمه.
وتابع أكرم حسني: «من الساعة تسعة للساعة اتناشر ايهاب مبيعملش حاجة غير إنه ماسك الجيتار وعمال يجرب جمل لحنية في دماغه ويطلب قهوة سادة، الساعة اتناشر وعشر دقايق كان خلص اللحن وبيسجله (بصوا الساعة اللي ورا عشان تتأكدوا) ومكانش يعرف اني لما قولتله وهو ماشي الفجر عايزين نكررها قريب إنه ا هتبقي قريب أوي كده، الاغنية راحت للموزع الكبير صاحب اللمسات السحرية حسن الشافعي عشان يحط بصمته عليها وتطلع بالشكل اللي انتوا سمعتوه. اغنية تيجي نسيب اتكتبت واتلحنت في خمس ساعات واستهلكت نص كيلو بن وسط محوج، بس عشان طالعة من القلب ولحنها ملحن عبقري بيحس بكل كلمة ويترجمها ل لحن ربنا كرمنا بأن اللي يغنيها تبقي فنانة معجونة احساس وفن وحلاوة صوت وحضور طاغي ومكانة كبيرة في قلوب جمهورها في كل حتة في الوطن العربي.. انغام».
كلمات أغنية «تيجي نسيب» لـ أنغامتيجي نسيب
تيجي نجيبها في النصيب
تيجي نقول ماحناش لبعض
وبيننا بعد تغيب وأغيب
تيجي نضيع
تيجي إحنا الإثنين نبيع
تيجي نعلق في المشانق
مين مخنوق مين اللي خانق
يالاه نشهد الجميع
إحتمالات الفراق كل يوم بتزيد ما بيننا
حتى لحظات الإتفاق بينا قلت سنة، سنة
الملل لا يحتمل راح الأمل خذ حتة منا
بقى بُعدنا أريح لنا بقى كرهنا باين في عيننا
الملل لا يحتمل راح الأمل خذ حتة منا
بقى بُعدنا أريح لنا بقى كرهنا باين في عيننا
تيجي نسيب
ما تبصليش
في حاجات ما بتتحكيش
إبعد وروح دوس ع الجروح
موت في ناس علشان تعيش
مبروك عليك
مبروك اللمعة اللي في عينيك
مبروك خلاص إنت انتصرت
وأنا انهزمت وانكسرت
(وبإيديك حرام عليك (حرام عليك
إحتمالات الفراق كل يوم بتزيد ما بيننا
حتى لحظات الإتفاق بينا قلت سنة، سنة
الملل لا يحتمل راح الأمل خذ حتة منا
بقى بُعدنا أريح لنا بقى كرهنا باين في عيننا
الملل لا يحتمل راح الأمل خذ حتة منا
بقى بُعدنا أريح لنا بقى كرهنا باين في عيننا
تيجي نسيب
تيجي نسيب
المصدر: بوابة الفجر
كلمات دلالية: أكرم حسني و أنغام كلمات أغنية تيجي نسيب لـ أنغام أغنية تيجي نسيب لـ أنغام أكرم حسني و أنغام و أغنية تيجي نسيب اكرم حسنى أکرم حسنی تیجی نسیب
إقرأ أيضاً:
مقدم البلاغ في بنت مبارك المزيفة: للأسف الناس هي اللي شهرتها |فيديو
كشف هيثم بسام محامي مقدم البلاغ ضد بنت مبارك المزيفة تفاصيل جديدة عن بنت مبارك المزيفة، والتي ظهرت في مقاطع فيديو تتحدث عن بعض الشخصيات زاعمة أنها ابنة الرئيس حسني مبارك.
وقال المحامي في لقاء مع موقع صدى البلد، مروة يسري أو الشهيرة بنت مبارك الزيفة، مكنتش متابع فيديوهاتها لكن لقيت بنت متهمة بالإتجار في الأعضاء وقولت لها ابعتيلي اللينك بتاع مروة، ولقيت فعلا البنت بتتكلم بثقة غير عادية بس طريقة كلامها مفيش عقل يتقبله.
وتابع المحامي، لقيت فيديوهات سابقة وقديمة منها فيديوهات بتغلط في شخصيات ومكنتش منتشرة وعرفت أن البنت بتعمل فيديوهات لـ حب الشهرة، والناس ربطت الشبه بس وقالت أنه صح، والتعليقات كانت غريبة وناس متعلمة صدقت وقالت الشبه هو أكبر دليل.
وأضاف المحامي، السبب في انتشار مروة بنت مبارك المزيفة التعليقات وأنا قدمت بلاغات ضدها لما شوفت الفيديوهات ولقيتها ملهاش أساس من الصحة لأنها بتتهم ناس وفنانين وبلوجرات وقالت معايا مستندات طيب اللي معاها مستندات تروح النيابة مش تطلع تيك توك.
واستطرد تقدمت ببلاغ رسمي ضد مروة بالفيديوهات وطلعت قولت أن البنت بتقول لو اتقدم بلاغ هقدم الدلائل، لكنها طلعت هاجمتني وبتشتمني وتسيء لمؤسسات الدولة وكمان النيابة العامة، ومطلعتش رديت عليها وقدمت البلاغ والنيابة هتحقق وتكشف اللي حصل، ووزارة الداخلية نجحت في خلال 24 ساعة كانت مقبوض عليها.
وأكد المحامي أن الفتاة انتحلت صفة ابنة رئيس أسبق لمصر وقامت بالتزوير ايضا وتكدير الأمن والسلم والإساءة لمؤسسات الدولة، وعقوبات كل تهمة تصل لـ 5 سنوات حبس ومن غير المعقول أن يتم تصديق أقوال هذه الفتاة فلا دلائل على كلماتها التي كانت تدعيها في الفيديوهات.
حسام موافي: شرب الحشيش لا يحتاج لمصحة.. والترامادول يستوجب الدخول الفوري