داليا الياس: أنا زولة بحب الجيش جداً… حب فطري خالص
تاريخ النشر: 20th, September 2024 GMT
أنا زولة بحب الجيش جداً… حب فطري خالص…وجواي يقين وإيمان مطلق بالعقيدة العسكرية… وآليت علي نفسي أن أدعمه وأسانده بكل ما أستطيع في كل الظروف… وتقديري للقوات المسلحة السودانية بكل مؤسساتها قديم وراسخ ولا يتعلق بحرب الكرامة فحسب… وأي زول بيعرفني كويس عارف إني كنت شرطية في يوم من الأيام وإني مابقبل كلمة في عموم القوات النظامية وحتي بعد غادرت الشرطة ظللت أنافح بالقلم والصوت المسموع كلما سنحت السوانح دون من أو أذي.
وما محتاجة أبداً عشان أثبت المحبة دي لي إني ألبس (ميري) ولا أظهر بي (كاكي) في أي موقف عشان يصدقوني مثلاً…!!
(الكاكي) ده شعار دولة لبسه مشروط بي شروط محددة.. ومحتاجنه الجنود وصف الجنود الأحسن مني وأحوج وأجدر!!
وما حسيت للحظة إنو التوب السوداني ولا حتي العباية ولا الكاجول ممكن ينقصوا من شرف ولائي للجيش أو قوتي في حق الوطن والمواطن… ولا حسيت من رجال القوات النظامية إنهم ما مقدرين وقفتي أو ما وصلهم شعوري لأني ملكية!!
إنتوا ما دام عاجبكم الكاكي ده مالبستوه من زمان بي خشم الباب ليه؟! وهسه الفايدة العظيمة الحققتوها بي لبسه شنو؟!
ياجماعة للمرة المليون… الكاكي ليه ناسه وشروطه وهيبته ومعناه وقيمته ياخ… أرحمونا وأرحموا المساكين البيقاتلوا حفيانين وزيهم العسكري باهت ومهرود… أرحموا التعبانين عشرات السنوات ولافين بين المحاور والفِرق والإدارات وشافوا الويل وضاقوا مرارة الغربة من الأهل وضنك الحياة العسكرية وإنت تجي تلقاها باااردة وتلبس ليك كاكي وتتجدع كمان؟!!!
عموماً لو ناس الكاكي سكتوا…. أنا قلتوا!
د(اليا) س
إنضم لقناة النيلين على واتسابالمصدر: موقع النيلين
إقرأ أيضاً:
كلينسمان: منتخب إنجلترا لديه «خوف فطري» من الفوز بالألقاب الكبرى!
لندن (د ب أ)
قال يورجن كلينسمان، نجم ومدرب المنتخب الألماني السابق، إن المنتخب الإنجليزي لديه خوف فطري من الفوز بالألقاب الكبرى.
وذكرت وكالة الأنباء البريطانية (بي ايه ميديا)، أن المدرب السابق جاريث ساوثجيت، قاد الفريق في نهائيين متتاليين لبطولة أمم أوروبا، حيث كان الفريق قريباً من الفوز باللقب في 2021 و2024، لكنه خسر في النهائي أمام إيطاليا وإسبانيا على الترتيب.
وكان المنتخب الإنجليزي قريباً من الفوز في بعض اللحظات بالمباراتين، لكن كلينسمان قال إن الفريق لديه تراجع فطري على أرض الملعب في تلك الفترات.
وأضاف في تصريحات خلال لقاء معه بمدونة صوتية (بودكاست): «هناك شيء ما يحدث في اللحظات الحاسمة، مثل مباراتي نهائي أمم أوروبا، هذا يجعلهم يخافون من أنفسهم، لأنه بمجرد اقترابهم من الفوز في النهائي يقول لهم عقلهم، لا لا يمكننا فعل ذلك».
وأوضح كلينسمان: «أنهم يتقدمون ويتراجعون للدفاع بدلاً من حسم المباراة وتسجيل هدف آخر».
الحية يتحدث عن مهام القوة الدولية ويدعو الوسطاء لمنع انهيار اتفاق غزة