من المحاكم إلى الاعتذار.. القصة الكاملة لـ صلح شيرين عبد الوهاب وشقيقها

شيرين عبد الوهاب.. أثارت أزمة الخلاف بين الفنانة شيرين عبد الوهاب، وشقيقها محمد عبد الوهاب، الجدل خلال الأيام الماضية، وذلك بعد أن قدمت بلاغ ضد شقيقها بسبب استغلاله توكيل بتوقيعها.

بلاغ شيرين عبد الوهاب ضد شقيقها

بداية الأزمة كانت عندما كشفت شيرين عبد الوهاب، خلال مقطع صوتي منسوب لها، عن أن شقيقها محمد عبد الوهاب، استغل توكيل قديم بتوقيعها الشخصي، قائلة: «التصريح اللي نزل، نزل من المحامي محمد شاعر اللي مستولي على السوشيال ميديا ومضاله على عقد بيخليه يستفيد من السوشيال ميديا بتاعتي، وفيه أغاني جميلة جدًّا جدًّا عاملينها مع عزيز الشافعي ومدين، وشوية حاجات بتخلص عشان المشاكل مع الشركة المنتجة، لأن فيه حد كمان قاصد يقعدني في البيت وبنخلص الحاجات دي».

شيرين عبد الوهاب وشقيقها

وطلبت من جمهورها عدم تصديق شقيقها قائلة: «عايزاكم متصدقوش أي حاجة من محمد عبد الوهاب، وإن شاء الله الأغاني لما تنزل تعجبكم، والحقيقة حسام حبيب مشكور أنه بيرد بالنيابة عن أهلي لأن هو اللي بيقول الحقيقة مش أهلي».

وحرصت الفنانة شيرين عبد الوهاب، على تقديم بلاغ رسمي للنائب العام ضد شقيقيها محمد عبد الوهاب، متهمةً إياه باستغلال توكيل قديم ممهور بتوقيعها الشخصي وتعاقد مع المنتج محمد الشاعر دون علم منها.

رد محمد عبد الوهاب على اتهام شقيقته له

وحرص محمد عبد الوهاب، على الرد على اتهامات شقيقته له، ونشر مجموعة من المستندات عبر حسابه على موقع التواصل الاجتماعي «فيسبوك»، قائلًا: «أنا اتطلبت في النيابة واتسألت رسمي وتم إخلاء سبيلي من النيابة علي ذمة القضية لحد ما اتحفظت القضية بس أنتي بقي بشطارتك وبأهل الشر اللي حواليكي اللي خسروكي نفسك وأهلك، خلتيني النهارده أطلع أقول جزء من الحقيقة للناس رغم إن ده آخر حل كنت أحب ألجأ ليه، وده حق ربنا لا ظلم ولا افترى».

شيرين عبد الوهاب وشقيقها

وتابع: «نفس الكلام اللي من سنتين بيتعاد تاني، معرفش لمصلحة مين؟، مع إني بعيد عنك وعن حياتك من سنين قبل الواقعة وسنتين من بعدها، ده قرار النيابة العامة الموقرة في الافتراءات اللي اتوجهت لي، مش بيان من محامي، وأي حاجه هرد بيها هتكون مستند حكومي عليه ختم النسر، مرفق هنا الفيديو بتاريخ 11/11/ 2021 اللي قولتي فيه إنك اتنازلتي ولعبتي دور الضحية، ومرفق برضو المستندات الرسمية اللي بتثبت إن القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك».

شيرين عبد الوهاب تعتذر من شقيقها

واعتذرت شيرين عبد الوهاب، لشقيقها محمد، خلال الساعات الماضية عبر حسابها بموقع «X»، وكتبت: «في ناس كتير مش عارفين سبب الزعل مع اخويا، عشان في يوم خيرني بينه وبين اللي كنت متزواجه، ولأن ربنا أمر الزوجة بطاعة زوجها فأنا قررت إني أرضي ربنا، بس انت صح وانا اسفة علي كل حاجة قلتها ليا وانا معملتش بيها لاني بعتك بأرخص تمن، يارتني كنت سمعت كلامك يا غالي».

شيرين عبد الوهاب وشقيقها رد محمد عبد الوهاب على اعتذار شقيقته

ورد محمد عبد الوهاب، على اعتذار شقيقته، عبر حسابه بموقع «فيسبوك»، وكتب: «أولًا انتي اختي الكبيرة وامي التانية وانا تحت رجلك مفيش ام واخت كبيرة تتأسف لابنها انا تحت رجلك وانتي تاج راسي انا بس بعدت عشان اصون كرامتي والمشاكل مكنتش مشاكلك انتي كانت مشاكل حد ثاني جمبك الله يسهله المهم عندي انك توقفي علي رجلك وتكسرى الوطن العربي كله كعادتك وانتي بالفعل كسرتي الارض ربنا يحفظك ويحفظ بناتك».

اقرأ أيضاًأول رد من حسام حبيب على التسجيلات الصوتية عن شيرين عبد الوهاب وشقيقها

بعد تحريرها محضر ضده.. أول رد من شقيق شيرين عبد الوهاب على اتهامها له

«أخويا باعني وكلام حسام مظبوط».. أول تعليق من شيرين عبد الوهاب بشأن أزمة التسريبات

المصدر: الأسبوع