سحر مؤمن زكريا.. هكذا خدع تربي البساتين لاعب الأهلي «نص التحقيقات»
تاريخ النشر: 7th, October 2024 GMT
مؤمن زكريا.. حصل موقع «الأسبوع» على نص تحقيقات القضية رقم 6904 لسنة 2024 جنح الخليفة، المُتهم فيها 5 أشخاص بنشر و إذاعة أخبارًا كاذبة عبر لقاءٍ تلفزيوني، تفيد عثوره والمتهمون الأربعة الآخرون على أعمال سحر تخص اللاعب مؤمن زكريا بإحدى الجبانات بمنطقة الخليفة، مما ألقى الرعب في نفسه.
وجاءت نص أقوال المتهمين كالتالي:
س/ ما قولك فيما هو منسوب إليك من أنك معهم وآخرين بإذاعة أخبار وإشاعات كاذبة عمدا بقصد تكدير الأمن العام وإلقاء الرعب بين الناس وإلحاق الضرر بالمصلحة العامة على النحو المبين بالأوراق؟
ج/ محصلش
س/ ما الذي حدث إذا وما هي ظروف ضبطك وعرضك علينا؟
ج / اللي حصل أن تقريبا الأربع اللى قبل اللى فات في مقابر عيلة مراتى أمنية في الإمام الشافعي الخليفة رحت أجيب مراتی لقیت رمضان ابن خالها بيحفر عشان يطلع صبارة عند الترب وهو بيفحت بالخشبة لقى كيس أسود فطلعه، وقالی افتح صور فيديو ده عمل، وأنا فتحت الكاميرا بتاعة موبايلي وصورت، ولقيت العمل عبارة عن لفتين ورق مربوطين بسلك وقماشة رسمة العروسة عليها دبابيس وحاجات كتير ومكتوب عليها حاجات كتير وصورة كابتن رمضان، وقالي تعالى نروح نجیب جرادل ميه عشان نبطل العمل، وجاب جردل ميه وملح وجردل تاني فيه ميه، قعد يقرا عليها قرآن، وقالي صور فيديو وصورت فيديو، وقفلت كلمنا ابتسام مرات محمد إمام وشهرته زيكا، فجت هي و زیکا وساعتها زيكا قال إنه يعرف مصطفى ابن خالة مرات مؤمن زكريا وكلموه، وبعدين قالى إنه هيكلم كابتن مؤمن، وبعدين هيكلمو وبعدها مصطفى جه على القرافة وريناله الحاجة، وبعدين قالى إن تليفوناتهم مقفولة، وأول ما تعرف توصلهم هنوصلهم، وبعدها بساعتين كلم زيكا وقالهم إنهم في إسكندرية وجايين بعد يومين، وبعد يومين چه کابتن مؤمن ومعاه أشخاص و2 شيوخ، والشيوخ نزلت أبطلت العمل وقروا قرآن، وبعد كدة كابتن مؤمن مشي، ورمضان عرف اللي حصل لواحد صاحبه اسمه مودي، ومودي ده كلم صحفي وسجل لرمضان ومقلوش أنه صحفي، و قاله إنه أخو مودي، وعرف اللي حصل ونشر من ورا رمضان، ويوم السبت الساعة ٧.
س/ ما الذي حدث إذا وما هي ظروف ضبطك وعرضك علينا؟
ج/ اللي حصل ان رمضان ابن خالى تربى في مقابر سيدى عقبة من فترة لقى أعمال سحر وكان تقريبا يوم ١٤، او ١٥ / ٢٠٢٤/٩ - في ترب هو مشرف عليها وكانت خاصة بالكابتن مجدى عبد الغنى وبعدها كابتن مؤمن زكريا جه هو وشيوخ وفكو الأعمال ديه وبعدها رمضان حكى الموضوع ده لصيدلى اسمه محمد زغلول والموضوع ساعتها انتشر في المنطقة وبعد كدع بسمة أخت رمضان بعتت لمحمد مدير أعمال المذيعة ريهام سعيد وحكيتلها على الموضوع بتاع الأعمال بتاع كابتن مؤمن زكريا، وقالتها أنا ممكن اطلع مع المذيعة ريهام سعيد واحكى الموضوع بتاع كابتن مؤمن زكريا مقابل أنى أخد 100 ألف جنيه، وبعدين يوم السبت اللى فات كنت قاعدة أنا وباسمة لقينا تليفون بسمة بيرن ردت ولقت رمضان أخوها بيقولها إن الحكومة أخدته وأنهم بيدورو علينا، ساعتها أنا وبسمة اتصلنا بمدير أعمال ريهام سعيد وقلتلها عاوزين نطلع مع ريهام سعيد عشان نبرأ نفسنا، وبعدها أنا رحت أنا وبسمة وجوزى محمد عمر وحكيم على مدينة الإنتاج الإعلامى، وبعدين رحنا القسم يوم السبت الساعة ١١.٣٠ بالليل واتعرضنا النهاردة على النيابة وهو ده كل اللي حصل.
اقرأ أيضاًبعثة بيراميدز تتوجه إلى تركيا لخوض معسكر إعداد قبل انطلاق الموسم الجديد
لم يحدث منذ 22 عاما.. اصطدام 28 سيارة في سباق كأس ناسكار 2024
المصدر: الأسبوع
كلمات دلالية: النيابة مؤمن زكريا جهات التحقيق الامن امن القاهرة مؤمن زکریا کابتن مؤمن ریهام سعید اللی حصل
إقرأ أيضاً:
جارته تضررت منه.. ضبط المتهم بارتكاب أفعال خادشة للحياء في البساتين
نجحت أجهزة وزارة الداخلية في ضبط أحد الأشخاص بالقاهرة لقيامه بأفعال خادشة للحياء، وتم إخطار اللواء طارق راشد مساعد أول وزير الداخلية لقطاع أمن القاهرة.
وتبلغ لقسم شرطة البساتين بمديرية أمن القاهرة من ربة منزل، بتضررها من جارها بالعقار المواجه لمسكنها (عامل) لقيامه بأفعال خادشة للحياء حال توقفه بشرفة الشقة سكنه.
عقب تقنين الإجراءات تم ضبطه، وبمواجهته اعترف بارتكاب الواقعة، وتم اتخاذ الإجراءات القانونية.
اقرأ أيضاًمحكمة النقض تحدد موعد نظر طعن «أم شهد» شريكة سفاح التجمع على حكم حبسها 10 سنوات
الداخلية تكشف لغز العثور على بقايا خيول وحمير في الإسكندرية
ضبط كمية من مستحضرات تجميل مجهولة المصدر ببورسعيد
كم عمر الدرع وأبناء درع السودان وهل لديهم ثقافة حرب عمرها يتجاوز العشرين عام