تامر حسني يوجّه رسالة والده: انتقمت له.. كان هيبقى مطرب عظيم لولا أعداء النجاح

وجّه الفنان تامر حسني، رسالة خاصة لوالده حسني شريف عباس، عن طريق نشره ديو جمعهما، عبر حسابه الرسمي على «إنستجرام».

تامر حسني يوجه رسالة لوالده

وعلق تامر حسني، قائلا: «أبويا حبيبي اتغرب غصب عنه وبعدنا سنين وسنين، بس عمري ما نسيت إن هو السبب في وجودي والسبب في موهبتي، كان بيغني زمان وكان مطرب عظيم بس مكملش لظروف نفسية سيئة مع أعداء النجاح وظروف صحية من عند ربنا».

تامر حسني يحقق حلم والده

وأضاف: «أبويا قال الحمدلله عشان كده انتقمتله وأخدتله حقه من حلمه اللي مكملش، وبعون الله حققتهوله وكملتهوله ونص، ثانيا الأغنية دي يمكن مأخدتش حقها في النجاح عشان كده غنيناها في برنامج رحلة صعود في 2014 لأن كلامها فعلا بيعبر عن حال الدنيا الفترة دي والناس اللي بتجبرها الظروف إنها تتغرب وتعيش بعيد عن أهاليها».

وتابع تامر حسني: «يارب رجع كل غايب لأهله ولولاده ولناسه يارب شدة وتزول من على وطنّا يارب يارب يارب اللهم آمين».

View this post on Instagram

A post shared by Tamer Hosny (@tamerhosny)

المصدر: الوطن