المجازر والمشاعل.. مهر العبور والوصول
تاريخ النشر: 26th, October 2024 GMT
انتهاكات وجرائم حرب المليشيا والمرتزقة والاشتراك الجنائي من قبل عملاء قحت الخيانة ليس جديدا فهو من طبيعتها ومنهجها وضمن أهداف خططها.
فما حدث ويحدث هو انتقام من الشعب الذي صمد وانحاز لله والجيش الوطن وهو محاولة اخيرة لقطع الطريق امام النصر القادم بقوة وعزة السودان.
ولكن دعونا ننبه الي المقصود من وراء تصعيد وتيرة القتل واهانة كرامة الإنسان السوداني في قري شرق الجزيرة.
تعمل المليشيا على تحقيق عدد من الأهداف بارتكابها لهذه الجرائم.
1/ كسر ارادة الشعب السوداني وكبريائه وهو الذي حدد موقفه منها وناصبها العداء وصمد أمامها بشموخ وجلد.
2/ تمزيق اهل السودان وضرب وحدته وذلك بتفريق جهده وتقسيم وحدته في المقاومة ليصبح جزر معزولة يمكن التهامها. فتخرج الأصوات والاقلام من لغة الوطن الواحد الي قريتي وقريتك ومنطقتي وحلتك وتحقيق ردة تجاوزتها معركة الكرامة باختلاط دماء اهل السودان في الفاشر وبابنوسة وحجر العسل واامناقل والدندر والخياري.
المجزرة ليست ضد اهل الجزيرة فحسب ولكن ضد كل أبناء السودان فهو شعب واحد وجيش واحد وكل السودان جزيرة الخير.
لست قلقا على الهدف الاول ١ فالارادة السودانية قوية على الانكسار لحد السيف ولكني قلق على الثانية من قبل الدهماء وأصحاب العقول الصغيرة والنفس القصير والرأي الفطير.
كما أن الثانية تعتبر مدخلا مناسبا ونفق للمنافقين للايلاج لغرف المليشيا للتشكيك في قدرة الجيش بحسم المليشيا وهزيمتها.
3/ المجازر مقصود منها بدرجة كبيرة إخراج الجيش من خططه واستراتيحيته التي الحقت الهزيمة بالمليشيا وحاصرتها واسيقنت أنفسهم من الموت هم والشريك المدني قحط فهم من وراء ذلك يريدون من الجيش والشعب ارتكاب حماقات والتعامل بردك الفعل الذي يخرجهم من خط النصر وسحق المليشيا ومندلتها.
4/ فات الاوان على التدخل الدولي كما تاهت سفن ولسلي لانقاذ غردون في نهر النيل فالفظائع عنصر إدانة وحمولة جرائم زائدة وليست مادة للتعاطف الدولي رغم محاولات قحت للترويج بعبثية الحرب واخفاءها عمدا مع سبق الاصرار والترصد وعدم تسمية مليشيا الدعم الصريع المجرم الفعلي والحصري الاطاري للجرائم ضد أهلنا في قري الجزيرة فاي هوان وضعف وتواطؤ يرتكبه الاقزام. وهم يتقافزون هنا وهناك.
ما يجب أن يعلمه المجرمين الاندال ان الشعب وجيشه ماضي في سحقكم واخراجكم من أرض السودان.
شعار الكرامة كرامة اهل السودان فكل أجزاءه لنا وطن موتوا بغيظكم.
سوف يرى انسان الجزيرة من اهل السودان وجيشه قوة ونصرة وتداعي الجسد الواحد والدم الواحد والروح الواحدة.
الشعب والجيش رغم الفظائع سيكون رابط الجاش وبكامل اهليته وقواه العقلية سيدير الحرب ويوصلكم الي مثواكم الاخير وسيعطيكم حقكم ومستحقكم من الجزاء والعقاب وسيعلم الذين ظلموا اي منقلب ينقلبون.
ان دماء الأبرياء ستكون لعنة على المليشيا وقحطها وتتنزل نور وامن وشموع ومشاعل تنير طريق النصر القادم والذي نفس محمد بيده نراه عين اليقين مثلما انكم تكذبون.
العاقبة ستكون فتح ونصر للسودان وأهله فابشروا وشمروا وليس ذل وانكسار.
الا ان لموت المليشيا سكرات.
اللهم الا هل بلغت اللهم فاشهد.
د الرشيد محمد إبراهيم
المصدر: موقع النيلين
كلمات دلالية: اهل السودان
إقرأ أيضاً:
ظهور المتمرد/ حميدتي في ليبيا مع قواته
ظهور المتمرد/ حميتي في ليبيا مع قواته..
سماحت النبق في الطبق.
من ما يؤكد الفشل و الهزيمة هو الظهور
الباهت بين جنوده في خارج السودان
وحسب الكثيرين تأكد هذا الجمع في ليبيا.
ما لفت انتباهي شيئين في خطابه بانه انهزم تماما امام الجيش السوداني و الشعب.
قال حميتي نقول لي اهل الشمالية سوف نأتي و لكن دون الشفشافة و االحرامية و كأنما جاي يزور صديق او جاي يحضر (عقد)
كما اكد انه لا يعرف هؤلاء..
أنا بقول ليك يا حميتي صحي الشفشافة من كل السودان ولكن بعض
من هؤلاء الشفشافة كل السودانيين بعرفوهم هم منو.
طيب يا حميتي الشفشافة ديل جزوا منهم من حواضنك و منهم اهلك بي شحمهم ولحمهم عربات المواطنيين و مغتنياتهم من الخرطوم العاصمة السرقتوها و قلتوا اهل الخرطوم فلول
سرقوها شفشافتك و صيجوا بيها الي دار رزيقات و الان في الاسواق الثلاجات و المكيفات .
طلعت جرارات مشحونة من الخرطوم سمحت ليها قواتك و شالوها قواتك
وممكن تسأل الناظر محمود موسي مادبو و الوكيل الفاضل سعيد مادبو و بعض العمد من الإدارة الاهلية
هم المسؤلين أمام الله قبل المجتمع
لانو بعض من أولادنا بنعرفهم و بعرفهم مجتمع شرق دارفور تمام
ما مرق الناظر محمود و لا الوكيل زي ما بمرقوا و بعبوا العيال الصغار للحرب ضد السودانيين ما قالوا لي عيالهم الشفشافة ما تدخلوا لينا عربات المواطنيين و مغتنيات الشعب من اهل الخرطوم و عموم السودان
تاني حاجة الشفشافة الان مع اخوك الجنرال طاحونة في نيالاء و هو القال ليهم اسرقوا الخرطوم هي كلها فلول
المسروقات و صلت مناطق الحواضن و وصلت تشاد و كينيا و جنوب السودان شالوها مرتزقاتك يا حميتي
والله العظيم الكل يعرف لك مستشاريين و قادة من الدعم نهبوا المؤسسات المالية و البنوك و منازل التجار و الاعيان نهبت قواتك يا حميتي عمارة الدهب و كل اسوق الخرطوم و ام درمان و بحري.
ما تتكلم يا حميتي عن الأمانة و الاخلاص و الولاء ما تقول ما بتعرفهم
انت عارف الناس السرقت و اغتصبت
وقتلت خليك حصيف يا حميتي
انت عارف تماما.
انت اول من تخون العهد انت اول من تمردته علي قائدك في تاريخ السودان مافي نائب تمرد على رئيسة..
والله الذي لا نعبد مخلوقا سواه لن تستطيع دخول الخرطوم أبدا..
انت و قواتك لفظك الشعب السوداني
قبل المؤسسة العسكرية الجيش
انت بينك وبين الشعب السوداني الي امد الاخرين هو الحق الذي قتلتم فيه الشعب و نهبتم و دمرتم انت ومن سندك ستسؤلون يوما امام الله قبلها سوف نسألك وانت واقف امام القضاء
و اظن إن بك و خطابك نوع من الجهالة او الاستهتار بي عقول الناس..
وما هذا الظهور لك إلا مثل
المثل الذي يقول (سماحت النبق في الطبق)
ظهور باهت وقوات لا اظنها اكثر من التي خاضدت المعارك وجغمت.
راح ضحيتها ابنائنا الذين فقدناهم و ما زلنا نفقدهم.
نصر الله جيشنا
جيشا واحد و شعبا واحد
يا العزة للوطن الكبير يا الموت بأم خشما عفن
الاثنين/23/يونيو/2025م
الأمير/محمد إبراهيم مادبو موسي ✍️