بتعامل باحترام واحتراف.. نجم الزمالك السابق يهاجم مسئولي النادي

وجه علي ياسر لاعب الزمالك السابق ، رسالة إلى مسئولي الزمالك بعد علق باب القيد.

وكتب ياسر من خلال حسابه الشخصي اكس :" (وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا) بعد إغلاق القيد حابب اقول حاجه بس بعد ما قطعت إعارتي مع نادي مودرن سبورت(فيوتشر) لحد النهارده الصبح كنت مفكر اني متقيد في نادي الزمالك زي ما اتقال ليا بعد محاولات كتيرة من التواصل مع مسؤلين النادي قبل اغلاق القيد  لا حد سأل فيا ولا اتواصل معايا عشان اعمل ابسط حقوقي اني انزل اتمرن حتي بعد ما رحت النادي اسأل علي موقفي و اني محتاج اعرف هعمل ايه لأني قاعد ف البيت بقالي شهرين و هقعد ف البيت لحد شهر يناير

وتابع: “اتفاجئت إن النادي استغنى عني قبل ما القيد يقفل بدون علمي لا حد كلف نفسه ثانية يكلمني يقولي علي حاجه ولا حد كلف نفسه ثانية يرد عليا عشان اعرف موقفي  بعد ما اتقال ليا قبل كده من مدير الكورة اني متقيد في النادي لحد دلوقتي انا قاعد ف البيت بسبب  تعاملي بإحترام واحتراف زي ما اتربيت و اتعلمت من ونا صغير بس ف الكورة ساعات بيجوا علي المحترم والمتربي شوية و دايما هيفضل عندي قناعة ان ف الكورة زي ما في الحلو في الوحش وده جزء كبير من الكورة فبكل الظروف هنعدي بيه ونستحمله عشان دي الحاجه الي الواحد بيعرف يعملها و بيحبها، والله يعلم اني محب ومشجع لنادي الزمالك منذ الصغر و اني كنت اتمني اتوج مع نادي الزمالك ب كل شئ لان ده حلمي منذ الصغر لكن بعض الناس كان لها رأي آخر”.

 

واختتم ياسر قائلا: لكن حابب أشكر الجمهور واللاعيبة والمدربين الي وقفوا معايا و سندوني في اول ظهور ليا مع نادي الزمالك و فضهري من ونا صغير داخل جدران نادي الزمالك ودايما كانوا اخواتي الكبار ودايما كنت بتعلم منهم و نسأل الله التوفيق فما هو قادم ليا و لنادي الزمالك وشكرا".

المصدر: صدى البلد