أول تعليق لرامي صبري بعدما طالبه أحمد الفيشاوي بعد الغناء.. "مكنش بيهزر"

حل الفنان رامي صبري ضيفًا مساء أمس الخميس مع الإعلامية أسما ابراهيم في برنامج حبر سري المذاع على قناة القاهرة والناس، وناقش خلال الحلقة عدد من الأمور التي أثيرت حوله مسبقًا ومنها طلب أحمد الفيشاوي منه بالتوقف عن الغناء.

وقال رامي صبري خلال لقائه: "ليه قلت عليا متغنيش تاني، ورجعت قلت في نفس الحلقة عايزينه يفضل يغني، هو لاسع كده كده دا معروف، هو بيفهم في المزيكا مش بيغني لكن فنان، لو بيهزر ميهزرش معايا مش بحب حد يهزر معايا".

وتابع: "أحمد الفيشاوي مكنش بيهزر كان بيتكلم بجد، أنا ينفع أقوله ميمثلش تاني أنا مالي، نفس الفكرة طبيعي أتضايق منه بس أحمد حبيبي مفيش مشكلة".

جدير بالذكر أن أحمد الفيشاوي قد تحدث عن رامي صبري في لقاء سابق في نفس البرنامج ردا على سؤال "مين المطرب اللي تقوله كفاية غناء" وقال: "رامي صبري عشان بيقلد عمرو دياب، عندنا عمرو دياب مش محتاجين رامي صبري أوي".

آخر أعمال رامي صبري 

من الجدير بالذكر أن آخر أعمال المطرب رامي صبري هي أغنية كداب التي طرحها مؤخرًا عبر مختلف منصات الاستماع العربية ومنصة الفيديوهات الشهيرة يوتيوب ونالت أغنية كداب نجاحًا واسعًا وأصبحت تريند رقم 1 عبر يوتيوب بعد فترة قصيرة من طرحها، وتم طرحها ضمن أغاني ألبوم أنا جامد كده كده، وجاءت أغنية كداب بتوقيع الملحن عمرو الخضري ومن توزيعه وكلمات عمرو المصري، وألحان وتوزيع عمرو الخضري، ماستر عمرو محروس.

المصدر: بوابة الوفد