شوبير ينتقد أداء اللاعبين الأجانب المحترفين بالدوري.. ويكشف البديل عنهم| تفاصيل
تاريخ النشر: 24th, November 2024 GMT
علق الإعلامي الرياضي أحمد شوبير، على تراجع مستوى اللاعبين المحترفين بالدوري المصري، وعدم النظر للاعبين الشباب رغم مستوياتهم المميزة.
وقال شوبير، في تصريحات إذاعية: “اللعيبة الأجانب بيجوا يقعدوا احتياطي وأغلبهم نص كوم، مشكلتنا مش بندي الفرصة خالص في الأندية عندنا للاعيبة الشباب”.
وتابع: “معظم الأفارقة المحترفين في الدوري المصري بدلاء مع فرقهم، وموضوع الشباب ده محير الحقيقة هندي الولاد الشباب فرصة امتى”.
وحقق نادي المصري الفوز على نادي الزمالك بهدف نظيف، على ستاد الجيش ببرج العرب، في إطار مباريات الجولة الثالثة لمسابقة الدوري المصري الممتاز.
وسجل هدف المصري الوحيد اللاعب محمد الشامي في الوقت بدل الضائع من زمن الشوط الأول.
وبتلك النتيجة يرفع المصري البورسعيدي رصيده للنقطة 7 نقاط في المركز الثالث، وتوقف رصيد الزمالك عند النقطة 6 بالمركز الخامس.
المصدر: صدى البلد
كلمات دلالية: الدوري المصري احمد شوبير الدوري المصري الممتاز الإعلامي الرياضي أحمد شوبير اللاعبين المحترفين
إقرأ أيضاً:
هجوم عنيف من شوبير على منتقدي أداء نجله في الأهلي.. ماذا قال؟
هاجم الإعلامي أحمد شوبير نجم الأهلي والمنتخب السابق منتقدي مصطفى شوبير حارس مرمى الفريق الأول لكرة القدم بالنادي الأهلي.
وقال شوبير في تصريحات إذاعية “جميل إن أنا أمسك قضية وأجيب محللين، حلو إننا نقول ونحلل الأخطاء، الغريب إن موضوع مالهوش لازمة يأخد 3-4 أيام غريب شوية”
وأضاف “غريب يعني لاعب لعب ولاعب قعد احتياطي عادي يعني، ده حق المدرب ولا أنا بتكلم غلط، وبعدين يا جماعة أنا بتكلم كحارس مرمى، حارس المرمى مش ماسك ريموت كنترول تلاعبه بطريقتك”
وتابع شوبير: “في كتير جدًا من السادة المحللين والمدربين السابقين يطلع يقولك حاجات غريبة جدا يقولك (أصله كان لازم يضرب باليمين عشان يضرب العكسية في الشمال ولما يضرب العكسية تقوم تسند الجوانية والجوانية تزق التحتية)، ومتفهمش حاجة إنت بقي”
وذكر: “عندنا بعض السادة المحللين بتكلم على حراسة المرمى بالتحديد، يقولك الركبة اليمين كانت متنيه فالايد الشمال مندفعتش بحنية، أو بالقوة الكافية التي تجعل من قوة الدفع الذاتي، إيه ياعم الدنيا مش صعبة أوي كده ومش هحرك حد بالريموت يعني”
وواصل “في ناس بتعرف تقول كلام تقيل وصعب وفي ناس سهلة وسلسة، بيعجبني كابتن أحمد ناجي، بيحلل الأمور ببساطة ورواقة وهدوء، وأيضًا عصام الحضري، انا بختلف كتير مع الحضري، لكن خبراته وتاريخه بيشرحلك الحالة كده”
وأكمل: “عمومًا أتمنى مش كل واحد قدام الكاميرا أو المايك يعمل فيها أنه خبير التحليل والأمور تبقى أسهل من كده بشوية”
السودان.. عقبات أمام عودة الطلاب إلى المدارس في الخرطوم