أنت المفروض كبير.. المخرج أحمد البنداري يحذر من التعامل مع محمد سعد
تاريخ النشر: 5th, December 2024 GMT
كتب المخرج أحمد البنداري، منشورا مطولا عبر حسابه الشخصي على موقع التواصل الاجتماعي فيسبوك، حذر من خلاله التعاون مع الفنان محمد سعد.
سيناريو فيلم الدشاشوكتب أحمد البنداري، في منشوره عبر فيسبوك: «فيلم الدشاش ده اصلا اسمه كعب داير و كان مترشحله نجوم تانية يا ريتني كنت روحت لأي حد فيهم.. المهم عن طريق صديق مشترك وديته لمحمد سعد تحت اسم "الحاوي" و كان سعد ترشيحي انا رغم تحذير ناس كتير من التعامل مع سعد كنت مصمم عليه و شايفه نقلة ليا و ليه».
وتابع أحمد البنداري: «المهم بعد ٣ شهور شغل عليه من اللف على المنتجين بالتوازي شغل على التصور البصري كله directors treatment و visual file و شكل الشخصيات واللبس والديكور وطريقة الإخراج والمونتاج والـ color pallet وستوري بورد كاملة علشان أروح للنجم بتصور كامل للفيلم مش رايحين نهزر يعني.. المهم بعد مكالمات ومواعيد كتير روحتلة البيت أنا والمؤلف (اللي مش بالوم عليه لأنه بقاله كتير مستني فرصة من نجم المفروض انه كبير)».
واستطرد أحمد البنداري، قائلا: «المهم.. المفروض السيناريو كان عاجب سعد جداً ومتحمسله جداً خصوصاً انه كوميدي دراما مش فارس كوميدي زي كل افلامه.. وكان في شركة كبيرة ومنتج كبير موافق على الفيلم بحذر طبعاً لسمعة محمد سعد مع المخرجين أنه لكني طمنته وقولتله ماتقلقش سعد عاجبه الفيلم ومتفقين على الخطوط العريضة كلها وكان شرط سعد الوحيد أن المنتج مايعترضش على أجره الكبير.. ده كان كلامه بالحرف».
وأضاف أحمد البنداري: «المهم المنتج ده كلم سعد واداله أكتر من ميعاد وسعد لغى كل المواعيد لأسباب مختلفة.. لحد ما في يوم كلم هو المنتج وقاله أن الفيلم مش عاجبه وأن السيناريو ضعيف وأنه عايز يبقى يحدد معاه ميعاد على فيلم تاني (لما نجم المفروض كبير يقول لمنتج أن الفيلم اللي بقالي شهور مجننه معايا فيه أنه فيلم ضعيف ووحش هو قتلي فرصي مع المنتج ده وقتها) المهم.. لما المنتج كلمني وقالي استغربت جدا لأن ده عكس كلامه ١٠٠٪».
محادثات الواتسابوتابع أحمد البنداري، قائلا: «المهم بعدها كلمتة قالي نفس الكلام انه الفيلم مش عاجبه ماحبتش اطول في المكالمة خصوصاً أن ده حقه أنه يعجبه فيلم أو ما يعجبوش مع أنه مقالش كده من الأول بالعكس والحمد لله على نعمة التكنولوجيا الواتساب كله موجود.. بس الغريب أني أكتشف بعد كدة أن الدشاش هو الحاوي مع مخرج تاني ومنتج تاني ليهم كل الإحترام و التقدير والتمنيات بالتوفيق.. مع الفارق في نجم كبير جدا مش هقول اسمه روحتله بفيلم.. شوفت منه صراحة ووضوح في اللي عاجبه واللي مش عاجبه وقاري الفيلم كويس مش حد قاري وحاكيله الفيلم ده غير التزام رهيب في المواعيد مع أنه حقيقي مش فاضي لحد آخر ٢٠٢٥ يعني ممكن مانشتغلش الفيلم ده أصلاً مع بعض لكن عرفني ليه الراجل ده محافظ على نجوميته بقاله ٢٠ سنة تقريباً لأنه بيسمع للأخر وبيقرأ كويس وملتزم لأقصى الحدود».
واختتم أحمد البنداري، منشوره قائلا: «ربنا يوفق الجميع وده كان تحذير لأي صانع أفلام من التعامل مع محمد سعد من غير ما يكون مأمن نفسه ومجهوده ١٠٠٪ لأن مجهودك والتزامك وصدقك دول شرفك في الشغلانة دي.. وهما اللي هيخلوك تعرف تحط صوابعك في عين التخين وتقوله كده غلط وعيب وما يصحش كده أنت المفروض كبير والكبير مابيلفش ويدور.. عموما انا بعد الموقف ده و موقف شبيه حصلي السنة اللي فاتت بدعي و بقول يا رب ٥ مليون دولار ونبطل شغل».
المصدر: صدى البلد
كلمات دلالية: محمد سعد الفنان محمد سعد فيلم الدشاش أحمد البنداري المزيد المزيد أحمد البنداری محمد سعد
إقرأ أيضاً:
الأحلام لا تتحقق إلا إذا بذلت جهدا.. محمد سامي يعلق على أحدث صوره
نشر المخرج محمد سامي، صورة جديدة له عبر حسابه الشخصي بموقع إنستجرام بجانب سيارته وعلق عليها قائلا: “الأحلام لا تتحقق إلا إذا بذلتَ جهدًا، كل خطوة للأمام مبنية على جهد لا يراه أحد”.
View this post on InstagramA post shared by Mohamed Sami (@directormohamedsami)
وبشأن أزمته مع الفنانة عفاف شعيب، قال شعبان سعيد المحامى بالنقض، أن الحكم الصادر لصالح موكله المخرج محمد سامي بالبراءة فى اتهامه بسب وقذف الفنانة عفاف شعيب، نهائي ولا يوجد درجات تقاضي أخري.
تطورات قضية محمد سامي وعفاف شعيبوأشار "سعيد"، إلى ما نص عليه القانون رقم 57 لسنة 59 بشأن حالات وإجراءات الطعن بالنقض، والذي حدد الحالات التى لا يجوز فيها الطعن بالنقض أمام المحكمة ومن هذه الحالات الأحكام الصادرة فى الجنح المعاقب عليها بالغرامة التي لا تجاوز 20 ألف جنيه.
وأكد أن الحكم الصادر لصالح موكله لا يجوز للخصم الطعن عليه بطريق النقض، وما تردد خلال الساعات القليلة الماضية، هو محض شائعات وأكاذيب لا أساس لها من الصحة، وتفتقد لأي سند قانوني.
كانت محكمة جنح مستأنف أكتوبر، قضت ببراءة المخرج محمد سامي، من اتهامه بإهانة الفنانة عفاف شعيب، وتوجيه ألفاظ من شأنها خدش شرف واعتبار الفنانة علانيةً. وقضت المحكمة بقبول الاستئناف شكلًا وفى الموضوع بإلغاء الحكم المستأنف فيه والقضاء ببراءة المتهم.
ردا على ترامب.. ماكرون “لا يجب مناقشة وضع القرم حاليا”