عشت فترة صعبة.. منة فضالي تعلن إصابة والدتها بالسرطان
تاريخ النشر: 30th, December 2024 GMT
فاجأت الفنانة منة فضالي، جمهورها بالكشف عن إصابة والدتها بالسرطان، خلال منشور عبر حسابها الشخصي بمنصة "إكس".
وكتبت منة فضالي، "سنة كان فيها الحلو والوحش برضو بس دايما بقول الحمدلله علي كل حاجة تيجي بس دايما لازم يكون عندنا امل في الحياه مهما كان اللي بنمر بي دايما نقول يا رب و ربنا كبير ممكن ظروفنا مش شبه بعض وحياه كل شخص غير التاني بس في الاخر كلنا واحد واحنا اللي بنغير و بنختار حياتنا اللي احنا عاوزنها".
وأضافت منة فضالي "اللي عاوزه اقولو من كل ده ان مفيش حاجه حتتغير غيرنا احنا بنموت و بيتولد غيرنا في مجتمع و تفكير تاني غيرنا نحاول نحمد ربنا علي اي حاجه ربنا مديهالنا أنا ب البنسبالي كانت سنه فيها شغل اه و سفر و حاجات كتير".
وتابعت "بس كان فيها اوحش حاجه اني أمي جالها سرطان و عشت فتره صعبه برغم انها كانت في المستشفي كنت بصور في نفس الوقت و مكنتش بنام يعني في الاخر الحمد لله علي كل شئ".
وقالت "كل سنه وانتم طيبين و سنه سعيده عليكم يا رب و علي كل أحبابكم وكل اللي نفسه في حاجه تتحقق يا رب شكرا لكل حد وقف جنبي او ساعدني من بعيد او قريب".
واختتمت "شكرًا لكل الناس اللي اشتغلت معاهم و يا رب دايما اكون عند حسن ظنكم في شغلي شكرا لجمهوري و الفانز و الإعلاميين و كل الناس اللي بتشجعني دايما".
ومن جهة أخرى، تشارك الفنانة منة فضالي، في رمضان 2025، في بطولة مسلسل "سيد الناس"، مع نجم العمل عمرو سعد، والمخرج محمد سامي.
المصدر: صدى البلد
كلمات دلالية: وعكة صحية مسلسل سيد الناس منة فضالى اصابة والدتها بالسرطان المزيد منة فضالی
إقرأ أيضاً:
أتعس يوم في حياتي.. هالة صدقي تحيي ذكرى وفاة والدتها
أحيت الفنانة هالة صدقي، ذكرى رحيل والدتها بكلمات مؤثرة.
وكتبت هالة صدقي عبر انستجرام: “الله يرحمك يا أمي.. زي النهارده كان أتعس يوم في حياتي، لكن أسعد يوم ليكي، لأنك تخلصتي من العالم المليء بالحروب والكذب والمنافقين. حتى لو بعدتي بجسدك، إلا إن روحك الطاهرة متلازمة معايا طول الوقت”.
وأضافت: “أشكرك لأنك ربيتيني وربيتي ولادي أحسن تربية، ومش بس إحنا، ده كمان ربيتي أجيال منهم قضاة وأطباء ومهندسين ووزراء، أشكرك على دعائك ورضاكي اللي يمكن هو اللي بينقذني من كل شر لحد النهارده”.
وتابعت: “بفكرك لما كنتي دايمًا تقوليلي: أوعي تخافي من أي حد، لأن أي حد بيحاول يضرك، ربنا بيجيبه الأرض.. فاطمني. الله يرحمك يا أجمل وأعظم أم”.
كم عمر الدرع وأبناء درع السودان وهل لديهم ثقافة حرب عمرها يتجاوز العشرين عام