داليا تطلب الخلع: ميول زوجي غير طبيعية ويسبني أثناء العلاقة

وقفت داليا أمام محكمة الأسرة في الكيت كات بعد زواج استمر عام ونصف فقط، وقد حضرت طالبة الخلع من زوجها الذي يكبرها بثلاث أعوام بسبب ميوله الغير مألوفة وأفعاله الغريبة التي يقوم بممارستها معها، بعد مرور 4 أشهر على الزواج.

زوجة أمام محكمة الأسرة بالبساتين تطلب الخلع لسبب غريبآمال تطلب الخلع من زوجها: "بهدلني قدام الجيران وفضحني"علياء تطلب الخلع في محكمة الأسرة: رفض يدفع لي إشتراك الجيمأماني تطلب الخلع في محكمة الأسرة: رفض يسهرني في رأس السنةداليا تطلب الخلع من زوجها في محكمة الأسرة

داليا فتاة عشرينية، في عامها السادس والعشرين، تزوجت قبل 18 شهر، من شاب يدعى عمرو يكبرها بـ ثلاث سنوات، إلا أنها وبسبب أفعال زوجها التي وصفتها بالخادشة للحياء والمخلة تقدمت إلى محكمة الأسرة في الكيت كات بدعوى خلع للتخلص منه.

سردت داليا قصتها مع زوجها عمرو قائلة «إنها تزوجت قبل عام ونصف، من شاب يكبرها بـ 3 سنوات، حيث كان والدها يعمل مع والده في الخارج، وحين عاد والدها في إجازة أخبرها بطلب إبن صديقه الزواج منها، وجلست مع الشاب وتم خطبتهما على أن يتم الزواج بعد فترة بسيطة».

تابعت داليا في قصتها مع زوجها «كنا بنجهز في الفترة دي شقتنا والعفش والحاجات دي، وطول فترة الخطوبة مكنش في أي مشاكل ولا كان واضح أنه مش محترم، وكان طبيعي ومحترم جدا معايا، لكن مشاكلي بدأت بعد 4 أشهر من الزواج، حيث كان يطلب منها بعض الممارسات الغريبة».

أضافت داليا قائلة «أنا من الكسوف مكنتش عارفة أرد أو أمنعه، ده بالإضافة للألفاظ والحاجات اللي كان بيعملها، وكنت مستغربة وكنت بقول معلش ما أنا زوجته وفي الحلال وممكن يكون ده طبيعي يعني بين الأزواج، لأن بحكم سني مكنتش فاهمة حاجة».

وأكملت داليا قائلة «بعد حوالي سنة من الجواز وطبعا طول السنة دي كان كل مرة بيحصل فيها علاقة زوجية كنت بسمع أبشع الألفاظ وكمان الحركات كانت مخلة جدا، وكنت بستحمل لأنه في الطبيعي مش كدة، لكن بعد السنة دي طلب مني أننا نتفرج على أفلام خارجة وده في الأوقات اللي فيها ظروف ومينفعش نمارس العلاقة».

واختتمت داليا في حديثها «بعد فترة كان رجع لعقله تقريبا ومبقاش يطلب ده لكن كنت بسمعه كتير وهو في الأوضة ومشغل اللاب وبيتفرج على الأفلام دي، لحد ما طلب مني أنه يمارس ميول مش طبيعية معايا وقولت له ليه يعني ما أحنا بنقيم العلاقة الزوجية، وساعتها أتخانقت معاه وجبت له القديم والجديد وقولت له هعرف أهلك راح ساب البيت، وأهلي وأهله حاولوا يصلحوا بيني وبينه بس أنا كنت خلاص عايزة أطلق، وفي النهاية هو رفض روحت رفعت عليه قضية خلع».

المصدر: صدى البلد