"كانت أغنيتي".. أحمد جمال يفجر مفاجأة عن مطرب شهير (إيه الحكاية؟)

كشف المطرب أحمد جمال، عن مفاجأة حول أغنية "خليني في حضنك" للمطرب تامر عاشور، الذي طرحها في عام 2022 وحققت نجاحًا منذ صدورها حتى وقتنا هذا.

وأكد المطرب أحمد جمال، خلال حلوله ضيفًا على برنامج "آخر الأسبوع" الذي يذاع عبر شبكة قنوات أبو ظبي، ان أغنية خليني في حضنك للمطرب تامر عاشور كان من المفترض ان يقدمها هو وطلب من الشاعر حسام سعيد تغيير بعض الكلمات فيها ولكنها في الآخر ذهبت لمطرب آخر.

وأضاف: "بحب تامر عاشور على المستوى الشخصي والفني وهو من الناس القريبين جدًا مني وأغنية خليني في حضنك كانت أغنيتي وقمت بتعديل بعض كلماتها مع الشاعر وبعد كده ذهبت له على الجاهز".

تفاصيل أغنية خليني في حضنك

كلمات أغنية "خليني في حضنك" كتبها الشاعر حسام سعيد وألحان عمرو الشاذلي، وتوزيع أدهم دهيمة وإلهامي دهيمة.

وتقول  كلمات أغنية "خليني في حضنك":

خليني ف حضنك يا حبيبي.. ده في حضنك بهدى وبرتاح

أنا كل مشاعري معاك راحوا.. وكمان قلبي لقلبك راح

ولا بضحك وأفرح من قلبي.. غير لو جنبي أنا كانوا عينيك

لو تبعد عني ولو ثانية.. بتجنن يا حبيبي عليك

وبتحلى الدنيا في عيني

وأنا جمبك فا ماتبعدنيش

حُبك فعلاً بيخليني

أتمسك بالدنيا وأعيش

وفي حضنك بيروح خوفي

وده وعد ومُلزم أنا بيه

مهما تكون يا حبيبي ظروفي

قلبك عمري ما هاجي عليه

أنا مكسب عمري إني قابلتك.. غيرت ف عيني الأيام

طمنتني ع الباقي في عمري .. حققتلي كل الأحلام

أول ما عيونك دي بشوفها.. مش بعرف أشوف غيرها خلاص

إنت هدية ربنا ليا..  إنت حبيبي وأغلى الناس

المصدر: بوابة الوفد