لازم يشوف مصلحته.. أحمد الطيب يفتح النار على إدارة الزمالك

علق الناقد الرياضي أحمد الطيب علي أزمة تجديد عقد أحمد سيد زيزو لاعب الفريق الأول لكرة القدم بنادي الزمالك مع إدارة ناديه حتى الان.

وكتب أحمد الطيب من خلال حسابه الشخصي على موقع التواصل الاجتماعي فيس بوك: "زيزو لو طلب أقل من 150 مليون فى السنة.  (الدولار ب 51 جنيه ) يبقى خايب ومش عارف مصلحته.. اللعيب الكبير اللى تأثيره على نادى بحجم الزمالك من حيث القيادة و الأداء، و صناعة الأهداف و إحراز الأهداف ياخد اكتر من كده !! لعيبة أقل من زيزو بمراحل بياخدوا بالدولار مالا يقل عن  2 مليون دولار فى الموسم.

. خاصة هو  فرى !!! يعنى زيزو لو طلب 100 مليون يبقى ده انسان جميل ومحب عاشق للزمالك و جماهيره و راعى الظروف جداً.. الناس دى لما بتبطّل كورة ما حدش بيعرفهم !! فى مرض فى عمليات جراحية فى ظروف المعيشة.. اللى بتتصعّب.. زيزو لم يبالغ ابداً.. و انتم شايفين اشباه لاعبين ايوة اشباه لاعبين بياخدو 200 مليون فى الموسم، بخلاف الاعلانات، و مستقبل جيد، زيزو جميل و أبوه لازم يدوّر على مصلحة ابنه.. طبعاً - وده لا يمنع تقديره و حبه للزمالك و جماهيره و بعدين انت كمشجع.. مالك ب 100 مليون او 400 مليون..      انت المهم تتفرج على فريقك.. بأداء كويس و نتائج كويسة، رغم الذبح العلنى فى قرارات تحكيم.. كويس انك عايش و صامد و بتاخد بطولات.

ووجه الإعلامي أحمد شوبير، رسائل نارية لـ مجلس إدارة نادي الزمالك بشأن التجديد مع نجم الفريق أحمد سيد زيزو، وباقي نجوم الفريق الذين ستنتهي عقودهم مع نهاية الموسم الجاري.

وقال شوبير في تصريح إذاعي عبر برنامجه المذاع على «أون سبورت إف إم»: “الزمالك بيقول إن كل الأقاويل في ملفات التجديد مع لاعبي الزمالك ليس لها أي أساس من الصحة، لكن أنا بقول يا جماعة كل اللي اتقال طلع من الاجتماع بتاعكم”.

وأضاف: “بعدين بسمع كلام يجننك، زي ما تقال إن والد زيزو طلب عمولة كذا، يطلع والد زيزو يرد أنه مقالش الكلام ده، وإن هما عرضوا عليه فيلا في الساحل الشمالي تمنها 30 مليون جنيه ومتتصرفش فيها إلا مع نهاية مدة العقد".

المصدر: صدى البلد