علق أحمد شوبير، لاعب الأهلي السابق والإعلامي الحالي، على البيان الصادر من نادي الزمالك بخصوص أزمات الحكام في الدوري المصري.
وتحدث أحمد شوبير عبر برنامج حارس الأهلي على قناة الأهلي، حيث قال: "من حق كل نادي إنه يعمل بيان، الصبح بيان والظهر بيان والعصر بيان وبالليل بيان والفجر بيان يعني خمس بيانات في اليوم مفيش مشاكل خالص".
وتابع: "لكن لما تصدر بيان حضرتك لا تخطأ في حق الأخرين، قول عايز حقي أنا اتظلمت أنا القصه دي محدش يقدر يقولك حاجة".
وأضاف: "لكن كل التلميحات وتقول أنا عتريس عتريس عتريس، عتريس خلص من زمان، ثاني يا عتريس؟"
وأردف: “خلاص انت عتريس ويارب تفضل عتريس طالما انت شايف كده فاحترام الناس ده شئ محترم، لان في ناس في مناصب ومتحدثين رسميين عاملين صفحات سيئة يطلعوا يكملونا على الأخلاق".
وأتم شوبير: “لازم كل واحد يعرف حدوده قبل ما يتكلم لان أنا هنا مش بغلط في حد ولازم نقدر بعض”.
المصدر: بوابة الوفد
كلمات دلالية: أحمد شوبير الأهلي نادي الزمالك الدوري المصري قناة الاهلى
إقرأ أيضاً:
أحمد شوبير يوجه تحذيرا هاما لمسئولي الزمالك .. اعرف السبب
حذر الإعلامي أحمد شوبير مسئولي نادي الزمالك من تكرار تجربة لاعب الزمالك السابق البولندي كونراد ميشالاك، مع الروماني أندري كورديا المرشح للانضمام للفريق خلال موسم الانتقالات الصيفية الجاري.
وقال أحمد شوبير عبر تصريحات إذاعية: «بعض الوسطاء قالوا إن فيه لاعب روماني على رادار الزمالك اسمه أندري كورديا، هو جناح هجوم فريق الطائي السعودي السابق، ودلوقتي هو لاعب حر، وكان بيلعب من قبل في ستيوا بوخارست عنده 26 سنة مركزه جناح يمين والزمالك بيدور على لاعيب في المكان ده».
وتابع شوبير: «كورديا معروض حاليا على المدرب البلجيكي لفريق الزمالك يانيك فيريرا، وهو قيمته السوقية 1.3 مليون يورو، ولعب 65 مباراة مع فريق الطائي السعودي سجل 17 وصنع 13 هدفًا، أنا شايف الأرقام بتاعته كويسة مش بطالة».
وأضاف شوبير: «أتمنى الزمالك يذاكر كويس ويهدى عشان الزمالك مش حمل أزمة تاني يعني الأزمة اللي حصلت بتاعة ميشالاك أرجو ألا تتكرر، يعني ميشالاك جه ومشي ومحدش حس بيه إللي شعرنا بيه بس إن عنده مشكلة وله مستحقات وكده، فلا يجب الحكم السريع وينتظر مسؤولو الزمالك ويدرسوا الصفقة جيدا من كل الجوانب».