أحمد موسى ينفعل على الهواء ويوجه رسالة نارية لـ ترامب بشأن إيقاف المساعدات

رد الإعلامي أحمد موسى، على تصريحات الرئيس الأمريكي دونالد ترامب، حول تهجير الشعب الفلسطيني والسيطرة على قطاع غزة، مؤكدا أن ترامب يُريد جعل غزة قاعدة أمريكية كُبرى في الشرق الأوسط.

وقال «موسى» خلال تقديم برنامجه «على مسئوليتي» المذاع على قناة «صدى البلد»، إن المساعدات العسكرية الأمريكية ليست ضمن اتفاقية السلام، إحنا فيه شراكة استراتيجية بين البلدين ولا أمريكا هتستغنى عن مصر ولا مصر هتستغنى عن أمريكا، باختلاف الرؤساء.

أحمد موسى: لن يكون هناك أمان لإسرائيل إلا بوجود دولة فلسطينيةأحمد موسى: أتمنى ألا يذهب الرئيس السيسي إلى أمريكا لهذا السببترامب بيوزع أرض أجداده.. أحمد موسى ينفعل على الهواءكله هيتعور| رسالة شديد اللهجة من أحمد موسى لـ ترامب على الهواء

وتابع أحمد موسى: «إحنا متعودين على الضغوط الأمريكية، والإبتزاز، لكن مش قابلينهم، والمساعدات اللي بيعطوها إلينا غيروا أسمها وبعدين مبقتش تيجي، إحنا في سنة 7 مليار دولار خسارة قناة السويس ولا تراجعنا خطوة».

إحنا دولة كبيرة وشعب عظيم

وأضاف : «إحنا دولة كبيرة وشعب عظيم، لـ أمريكا أولوية في عبور قناة السويس، إحنا نتعاون مع بعض من غير ضغوط، ليه تعمل مدة وتتغط علينا إحنا مش هنسيب أرضنا، ولا الرئيس ولا الشعب ولا الجيش يقدر يسيب 1 سنتيمتر، شهدائنا يقولوا ايه، مهما عمل ترامب مش هنسيب 1 سنتيمتر».

مصر مش بتخاف غير من ربنا

وأردف أحمد موسى: «مصر مش بتخاف غير من ربنا، ورئيس مصر مش بيخاف غير من ربنا، واللي أعرفه ومتأكد منه أن مفيش واحد هيسمح بكدة مهما حصل، كفاية إحنا عندنا ضغوط عظيمة، خلينا نحافظ على السلام كفاية ضغوط على شعبنا وجيشنا».

مصر بلد لازم الكل يحترمها

وواصل: «دي بلد لازم الكل يحترمها، اللي يتكلم عنها لازم يتكلم عنها بتقدير واحترام، مش رضى أمريكا هيودينا الجنة، حصل ايه قبل كدة وهتفضل مصر قوية وعظيمة، ولن تتراجع عن الثوابت التاريخية، شوفتوا بيان الخارجية إمبارح بيتكلم عن القدس الشريف اللي بيتكلم عن عاصمة الدولة الفلسطينية، ولسة نتنياهو مجرم الحرب لسه بيقول إحنا مستعدين لكل السيناريوهات».

هما مش عايزين سلام

وعقب أحمد موسى: «بالمناسبة مفيش سلام، هما مش عايزين سلام، خد غزة علشان يدورها ويحولها لقاعدة عسكرية وهما كده عايزين سلام، من سنة قولت الكلام ده بيتعمل النهارده، مكنوش رايحين يستكشفوا الأجواء، غزة هتتحول لأكبر قاعدة عسكرية أمريكية في الشرق الأوسط».

هذا هو المخطط الأمريكي

واختتم أحمد موسى: «هذا هو المخطط الأمريكي، وكلنا على قلب رجل واحد، كبير وصغير وأخطر تحديات موجودة جاية، مش هنخلي المخطط ده يمشي وعلى جثثنا كلنا، ومصر تدينا حصة ده كلام، وده مش كلام سياسة ده كلام لن نسمح بيه على الإطلاق، ولن نقبل من ترامب ولا غيره يتكلم عننا كده، إحنا كنا فاكرين الراجل هيعمل سلام زي الفترة الأولية، لكن ظهر الوجه الحقيقي، يا عالم يا عرب خلوا بالكم الجميع إيد واحدة ولا يخاف أبدًا قوتنا أننا نكون مع بعض، مفيش حاجة أسمها العالم العربي هيقدم تنازلات إحنا أكبر دولة مش هنقدم تنازلات».

المصدر: صدى البلد