سالي عبد السلام: أنا من غير طارق أبو السعود ولا حاجة.. وبموت في إسعاد يونس
تاريخ النشر: 6th, March 2025 GMT
قالت الإعلامية سالي عبد السلام، إنّ الإذاعي طارق أبو السعود له فضل كبير عليها، مواصلة: "هو اللي اداني فرصة، وآمن بيّ وصدقني، وأي شغل بمضي عليه، لازم يكون له صدقة جارية فيه، وأروح أدي له الوصل، ويا رب أكون ولد صالح".
وأضافت خلال حوارها مع الإعلامية بسمة وهبة، مقدمة برنامج "العرافة"، عبر قناتي النهار والمحور: "أنا من غيره ولا حاجة، بعد ربنا هو اللي اداني الفرصة، ربنا يراضيه".
كما تحدثت الإعلامية سالي عبد السلام، عن الإعلامية إسعاد يونس قائلة: "بموت فيها، هي جميلة ورائعة، تُسعد كل من حولها، وهي باب الرزق في التلفزيون، ولما حطيت رجلي عندها البرامج بقت تتحدف عليّ، وكانت عاوزاني أمثل، وقالت لي يا خسارة، بس بابا مرضاش يخليني أمثل".
المصدر: صدى البلد
كلمات دلالية: سالي عبد السلام طارق أبو السعود الإعلامية سالي عبد السلام إسعاد يونس المزيد سالی عبد السلام
إقرأ أيضاً:
"ماسك الفحم".. سالي شاهين تحذر من وصفة منزلية تسبب كارثة صحية (تفاصيل)
روت الإعلامية سالي شاهين، تجربتها مع وصفة تجميل منزلية، وصفتها بأنها كانت "كارثة حقيقية"، وذلك خلال تقديم برنامجها "ست ستات" المذاع عبر شاشة “DMC”.
شاهدت سالي شاهين وصفة عبر التلفزيون وأرادت تجربتها بنفسها، قائلة: "كارثة حصلت لى وأنا بتفرج على التليفزيون، واحدة طلعت واثقة في نفسها جداً، وأنا بحب الوصفات الطبيعية أوي".
وأضافت: “الوصفة كانت خلط أقراص الفحم المطحونة مع الجيلاتين الحيواني لعمل قناع للوجه، بيزيل الحبوب والبقع ويمنح البشرة مظهراً أصغر سناً لكن النتيجة كانت كارثة عكس ما توقعت".
وتابعت: "دخلت لأمي، قالت لي فيه إيه يا بنتي؟ إيه الرعب ده؟ كنت سودة خالص! قلت لها ده ماسك وهبقى قمر بعديها، لحد ما المشكلة الحقيقية بدأت وأنا بحاول أشيل الماسك ما كانش عايز يطلع خالص، وقعدت أشد فيه، معرفش طلع بالجلد ولا لأ... وشي كله احمر وورم وقعدت كده تلات أيام".
واختتمت سالي شاهين روايتها بنصيحة للمشاهدين قائلة: "أي وصفة جديدة لازم تتجرب الأول على حتة صغيرة من الجلد، ومحدش يتهور زي ما أنا عملت".
مصرع شاب صعقا بالكهرباء فى حوش عيسى بالبحيرة