المخرج الوحيد في تاريخ مصر اللي مفشلش .. تامر حسني يدعم محمد سامي بعد اعتزاله
تاريخ النشر: 20th, March 2025 GMT
دعم الفنان تامر حسني المخرج محمد سامي ، بعد اعلان الاخير قرار اعتزال الدراما التليفزيونية ، خلال الساعات الماضية .
وقال تامر حسني في تعليق علي منشور محمد سامي باعتزال الدراما التليفزيونية قائلًا : أوعى تكون عايز تبعد عشان أي إحباط جايز يكون فعلًا في بعض المشاهد اللي الناس انتقدتها وأنا شخصيًا استغربتها شويه وقولت جوايا أنك مش محتاج تعملها أصلًا لأن عندك الحقيقي والأهم بس على رأيك الفنون جنون أحيانًا فكره مجنونه تنال الإعجاب وفكره لأ… بس ده ميخليناش ننسى إنها بعض مشاهد مش بعض أعمال لأنك بالفعل المخرج الوحيد في تاريخ مصر اللي مفشلش ولا مره ويمكن الحظ محالفكش أوي في عمل ولا 2 على مدار 14 سنه ودي حاجه مينفعش الجمهور ينساهالك.
وتابع تامر حسني : أنت قدمت مسلسل آدم اللي جمع كل المصريين وكل الوطن العربي يتفرجوا عليه زي ماتشات الكوره بسبب أنه أتكلم عن قضية تخص كل الوطن وكان بدايه لصوره جديده أول مره كانت بتتقدم في مصر وبعدها سبق الإصرار وحكاية حياه اللي كانوا نقله كبيره في ديكورات الدراما المصريه وبعدين الأسطوره والبرنس وجعفر العمده اللي حققوا نجاحات ساحقه وكانوا أعلى نسبة مشاهدات في الدراما بشكل عام وبعدهم نعمة الأڤوكاتو وإش إش وسيد الناس اللي برضو كل واحد فيهم يا أعلى مشاهده يا تاني أعلى مشاهده هزعل منك لو هتمشي محبط وأنت أنجح حد … الشجره الخضراء الجميله ساعات بيطلعلها.
و أستكمل تامر حسني : ورق أصفر بسيط عادي بيتقص وبتفضل شجرة كبيرة وجميلة وده التطوير الطبيعي للبني آدم واللي بيمر بيه أي ناجح بيطور وعنده شخصيه بدليل مسلسلاتك بيتقال عليها مسلسلات محمد سامي وتركيز الناس معاك دليل على حبهم لأعمالك ورغم إن بعضهم بينتقدوها بس متابعينها حرف حرف ونقدهم ليك بيبقى على قد حجمك وهي دي ضريبة الناجحين الكبار … سافر وكمل حلمك وأنت منتصر بتاريخك وأوعى تُحبط وأنا عارف إن محمد سامي اللي أكتشفته أنا وقدمته للصناعه وهو عنده 27 سنة لا يمكن هيتهز ممكن يزعل يومين ويراجع نفسه في مشاهد أنا مبسوط منك أنك بمنتهى الشجاعه الأدبيه أعتذرت على تقديمها خد راحه شويه وإرجع أقوى من الأول وأنا واثق من اللي هتسافر عشانه أنه قرار هيضيف نقله كبيره لمشوارك.
المصدر: صدى البلد
كلمات دلالية: تامر حسني الفنان تامر حسني محمد سامي تامر حسنی محمد سامی
إقرأ أيضاً:
نجل سامي مغاوري لوالده: مين زيك يا سيد الناس
شارك الفنان كريم مغاوري صورة له مع الفنان سامي مغاوري علي صفحتة الرسمية على موقع التواصل الاجتماعي إنستجرام.
وكتب كريم مغاوري: "مين زيك يا سيد الناس، يا تاج راسي، وإعجازي وفرحتي، حيت الدنيا وانا طفل لقيتك انت الامان، لما بخاف تطمني وتمسح دمعتي بحنان يا اعظم أب".
وتالق الفنان سامي مغاوري في رمضان 2025 في مسلسل الكابتن.
مسلسل "الكابتن" من تأليف عمرو الدالي، قصة أيمن الشايب، وإخراج معتز التوني، ويتكون المسلسل من 15حلقة ويعرض ضمن خريطة الشركة المتحدة للخدمات الإعلامية.
تناول المسلسل حكاية درامية اجتماعية تحمل طابعاً كوميدياً في اطار فانتازي، ويقدم أكرم حسني في العمل شخصية طيار، يتعرض لمفارقات كوميدية.
شارك في بطولة "الكابتن" نخبة من النجوم، منهم بجانب أكرم حسني وأية سماحة، أحمد عبد الوهاب، الفنانة القديرة سوسن بدر، رحمة أحمد، سامي مغاوري، ميمي جمال، محمد رضوان، عمر شوقي، أحمد الرافعي، محمد رضوان ، وئام مجدي، ومجموعة كبيرة من النجوم.
زيادة 5% فورًا من المرتب القادم.. الحكومة تزف بشرى سارة لملايين الموظفين