الأوقاف: صلاة العيد.. فرحة من غير عشوائية

قالت وزارة الأوقاف المصرية: "صلاة العيد يوم بهجة وعبادة، بنجتمع فيه على التكبير والتهليل، وده مشهد من مشاهد تعظيم شعائر ربنا، فلازم يكون بالشكل اللائق، زي ما ربنا قال: "ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ" (الحج: 32)".

هل ظهرت علامات ليلة القدر 29 رمضان؟.. هنيئًا لما فاز بهادعاء آخر يوم رمضان .

. يغفر ذنوبك ويحقق لك ما تريدكيف كان يودع النبي شهر رمضان.. كلمات من قالها ظفر بإحدى الحسنييندعاء آخر رمضان .. ردد أدعية وداع شهر الصيام تجعلك من الفائزين بخيري الدنيا والآخرة

وأضافت: “لكن للأسف، بقت بتتكرر مشاهد مش لائقة في صلاة العيد، زي الزحمة الشديدة، والاختلاط العشوائي بين الرجال والنساء، وبعض الناس اللي بتصلي في غير اتجاه القبلة بسبب الزحام”.

وتابعت: “سيدنا النبي ﷺ علّمنا النظام واحترام الصلاة، وده معناه إن الصلاة ليها نظام واضح، ولازم نحترمه عشان نحافظ على روح العبادة والخشوع”.

واستطردت: "من الزحمة والعشوائية، ساعات بنلاقي ناس بتصلي في اتجاه غلط! وده خطأ كبير لأن استقبال القبلة شرط لصحة الصلاة، وربنا قال:
"فَوَلِّ وَجْهَكَ شَطْرَ الْمَسْجِدِ الْحَرَامِ" (البقرة: 144).

وسيدنا النبي ﷺ قال:
"إذا قُمتَ إلى الصلاةِ فأسبغِ الوضوءَ، ثم استقبِلِ القبلةَ فكبِّرْ" (متفق عليه)".

وأوضحت: “يعني لازم نهتم إننا نصلي في الاتجاه الصح، وده مش هيحصل إلا لو التزمنا بالنظام وتجنبنا الفوضى”.

وأكدت وزارة الأوقاف أنها حرصت على تجهيز عدد كبير من الساحات والمساجد في كل المحافظات لتضمن أن الصلاة تتم في أجواء منظمة، ومن أهم الترتيبات:

أماكن محددة للرجال وأماكن للنساء، فلازم نلتزم بيها.

كل واحد يروح أقرب ساحة ليه بدل ما يتكدس في مكان بعيد بدون داعي.

اتباع تعليمات المشرفين والمنظمين عشان الصفوف تبقى منتظمة والصلاة تطلع بالشكل اللائق.

صلاة العيد مش مجرد تجمع والسلام، دي عبادة عظيمة لازم نحافظ على قدسيتها. كلنا مسئولين عن نجاحها، فبلاش الزحمة العشوائية، وبلاش الفوضى، ونلتزم كلنا بالنظام اللي هيخلينا نصلي في راحة وخشوع.

المصدر: صدى البلد