واحد ناعي صحبه القتله الدعم السريع قال قتلته آلة الحرب العمياء !!
تاريخ النشر: 3rd, April 2025 GMT
واحد ناعي صحبه القتله الدعم السريع قال قتلته آلة الحرب العمياء !! وبعداك شتائم في الحرب وانو الحرب اصلا حاجة كعبة وكدة ! كأنما اكتشف الذرة واحنا كنا قايلين الحرب حاجة حلوة وبوزعوا فيها حلاوة !!
ياجماعة الناس ديل شنو ؟ بشر طبيعيين كدة ولا دا مرض ولا شنو بالضبط البخلي البني آدم يصل للمرحلة دي .
يعني صحبك الأتقتل دا ما عايز تدين الجهة القتلته ! ما قادر تقول ضدها كلمة واحدة ! بتبني الجريمة للمجهول ليه وانت عارف انو قتله الدعم السريع .
الحرب زاتها الحاجة الكعبة دي عندها قواعد ومبادئ واتفاقات دولية بتتنفذ فيها ؛ كلها وبدون استثناء انتهكها الدعم السريع . كدي عاين لكل الحروب الفي العالم في خلال الخمسين سنة الفاتو ووريني ياتو حرب في الدنيا تم فيها إحتلال بيوت المواطنين واستيطانها ؟ أو اختطاف البنات وبيعهم ؟ ياتو حرب فيها إغتصاب واستعباد جنسي بالارقام المخيفة دي ؟ ياتو حرب تم فيها دفن الناس احياء وتصويرهم كمان بكل فخر ؟ ياتو حرب فيها تعذيب لالآف الاسري جوع وعطش حتي الموت ؟!
فبالله يا عزيزي المثقف المرهف الحس لما تجي تكتب جملة إدانة اكتب الفعل والفاعل والا جملتك ناقصة واحسن تسكت خالص وتستمع بعمالتك للنهاية .
اللهم آرنا في الجنجويد وكل من ناصرهم عجائب قدرتك وبأسك وانتقامك ????
Suzy Khalil
المصدر: موقع النيلين
كلمات دلالية: الدعم السریع
إقرأ أيضاً:
تركوا جثثهم وهربوا.. درموت يسرد تفاصيل معركة الجيش السوداني ضد الدعم السريع
متابعات- تاق برس
أعلن قائد ثاني الفرقة 22 مشاة بابنوسة، العميد حسن درمووت، أن قواته الباسلة تصدت لهجوم ضخم حشدت له مليشيا الدعم السريع المتمردة عناصر من الضعين ونيالا والدبيبات. مضيفا أن المتمردين هاجموا مدينة بابنوسة في معركة استمرت زهاء 4 ساعات.
وأكد درموود في مقطع صوتي، بحسب شبكة الطابية أن قواته كبدت المليشيا خسائر كبيرة وأعطتهم درسا لم يروه أو يسمعوا به من قبل، وأضاف “النصر تحقق بفضل الله، لا فراسة مننا ولا فلاحة”
وقال إن موقفهم ممتاز ومعنوياتهم عالية رغم شراسة المعركة، وتابع: “الحمد لله انتصرنا والمليشيا تركت جثثها وهربت، جثث كثيرة جدا لا يتخيلها العقل البشري”.
وكشف درموود عن تدمير أكثر من 40 عربة للمليشيا، بينهم 8 سيارات بمدفع 23 وراجمة واحدة، متمنيا أن يكتمل النصر بطرد المليشيا من كل السودان.
الجيش السوداني. درمووت. مليشيا الدعم السريع. بابنوسة. السودان.
الأمم المتحدة.. ثمانون عامًا : السقف الأخير للعالم المفتوح على المجهول