جهز كباية قهوتك بمزاج و تعال ، و عليك الله القهوة ازبطها كويس ، خليك زول فنان و اعملها بي فن ، دائما بقول للناس انو اي زول ناجح في شغلو معناها زول فنان ، و الفنان ما شرط يكون مغني او تشكيلي او نحات او اياً من وسائط الابداع المعروفة ، الفنان الحقيقي هو الزول المبدع في مجالو ، الزول الخلاق و المبتكر البكون دائما عندو رؤي و تصورات فريدة .
المعلمين كتاااار لكن في معلم قادر يوصل ليك المعلومة بسهولة و يخليك تعشق مادته الصعبة و ده بنقول عليهو زول فنان ، كذلك عندنا دكاترة عاملين ذي السحرة ، تدخل عيادتهم و انت ما قادر تمشي و تطلع منو و انت بتنطط بدون اي ما تاخد اي علاج لانو دكتور فنان قدر يشتغل على نفسياتك ، كمان في السواق الفنان و ست الشاي الفنانة و الطباخ الفنان ، و عندنا ناس فنانين بتصرفاتهم و سلوكياتهم و اجتماعياتهم ، الزول الإجتماعي زول فنان بدون شك ، و العسكري الشاطر زول فنان ، هسه في زول عندو شك إنو البرهان ده ما زول فنان ؟ إحنا المفروض نربط وصف الفنان بالوصف الوظيفي لاي زول مبدع في مجالو ، يعني نقول اللواء فنان الفلاني او الدكتور فنان العلاني .
الموضوع ده تمهيد لحاجة مهمة عايزين نرسلها للحكومة و للاخ وزير الإعلام المحترم .
اخونا خالد الاعيسر وزير الإعلام كتب ليهو مقال طويل و عريض على صفحته الرسمية في شكل رسائل اتكلم فيها عن انو بعد معركة الكرامة مافي زول تاني يفكر يتمرد على الدولة لانو الشعب اصبح في حالة مواجهة للمفاهيم الغلط دي و إنو لازم نتجاوز الماضي و نفتح صفحات جديدة و نقبل الاخر بدل ما نقعد نشغل نغمة المظالم التاريخية ، المهم اختصرت ليكم مقال الاعيسر و رسالته ، اها قمت انا جيت كتبت نصيحة محترمة للسيد الوزير و قلت ليهو فيما معناه انو انت الوزير الوحيد القادر إنو يترجم رسائله لارض الواقع ، و بعد عشرة دقائق لقيت نفسي من المحظورين رغم انو كلامي كان في صفحتي الشخصية و كان باسلوب محترم .
يا جماعة لامن وزير المالية يكون عندو نصائح للشعب بتتعلق باهمية اورنيك ١٥ مثلا بيقوم يحول الموضوع لوزير الاعلام عشان يتعمل في قالب توعوي ، و لامن وزارة الداخلية تكون عايزة تعمل توعية من مخاطر المخدرات او السرعة الزائدة بتلجاء لوزارة الإعلام و هكذا ، كل مجلس الوزراء و كل الحكومة بترسل رسائلها للشعب من خلال الإعلام ، حتى الاستخبارات العسكرية لامن يكون عندها حاجة مهمة بتمررها من خلال الإعلام الرسمي ، و بدل ما يقعد الاعيسر يكتب لينا مقالات عن ضرورة تقبل الآخر و مخاطر التمرد على الدولة و اهمية تغيير المفاهيم المغلوطة يفترض انو دي اساسا هي اهداف و سياسات وزارته المفترض تتحول لبرامج تلفزيونية و حملات توعوية و تتشكل في قوالب مختلفة و متنوعة عشان توصل لكل الشعب السوداني ، زمان امهاتنا بختو لينا كبسولات الدواء في لب العيش عشان نبلعها ، و الإعلام دورو إنو يخت لينا كبسولات التوعية في قوالب جميلة عشان تصل لكل الناس ، لكن اخونا الإعيسر فاهم الموضوع غلط و مفتكر انو قادر يغير المفاهيم و يصحهها من خلال مقالات على صفحته الشخصية .
المرحلة الجاية مرحلة إعمار و بناء للمعاني قبل المباني و امثال الإعيسر وطنيين مخلصين مااافي شك لكن ما عندهم اي نوع من الابداع و الإبتكار ، محتاجين وزراء فنانين يااااااخ
نزار العقيلي
المصدر: موقع النيلين
إقرأ أيضاً:
حسام الغمري: الإخوان الإرهابية كتبوا دستور مصر في الخارج عشان يسهلوا احتلالها
قال حسام الغمري، الإعلامي والباحث السياسي، إن جورج كلوني فضح جماعة الإخوان الإرهابية، وصرح بأن زوجته أمل علم الدين شاركت في صياغة الدستور.
وأضاف الغمري في مداخلة هاتفية مع برنامج "الساعة 6" على قناة "الحياة"، أن هذه التصريحات تكشف ملامح صفقة 2011، منوها أن المطلوب في 2011 هو احتلال مصر احتلالا ناعما بواسطة جماعة الإخوان الإرهابية.
وأشار إلى أن كتابة الدستور المصري في الخارج، كان المطلوب أن يضمن هذا الدستور عمل جماعات وأحزاب ومنظمات حقوقية تتلقى تمويلات من الخارج وتعمل بحرية لصناعة القرار المصري لصالح الخارج.
وأوضح أن من ملامح هذه الصفقة الذي عقدها الإخوان مع مشغليهم في الأجهزة الخارجية الذين يمولون الإخوان لصناعة الفوضى، هو أن يكتب الدستور المصري في الخارج بأوامر من مشغلي جماعة الإخوان من الأجهزة الخارجية، وترشيح شخصيات مثل أمل علم الدين لصياغة هذا الدستور بحيث يضمن حرية عمل الجمعيات لتتلقى التمويلات من الخارج للتأثير على القرار المصري لصالح المحتل.
السلم والثعبان2 يتصدر شباك التذاكر في السينمات السعودية .. تفاصيل