إلى المسؤولين العراقيين وحلفاءهم من رجال الدين !

بقلم : د. سمير عبيد ..

شگد بگتو..
وشگد أفسدتو
وشگد هنتو الناس اللي ما تنهان!
ملختو الخيمة ..
وماظلت قيمة ..
وجوعتو الناس لخاطر إيران !

جبتو التعبانين ..
وجبتو المنبوذين …
وخليتو انجوم إعله أچتاف الغمان!
الأطفال نسيتوها..
والنسوان انفختوها…
بوتوكس وفلتر للعوبة وأم صنان!

علناس تكبرتو..
وعلشرفاء تجاوزتو…
وما خليتو أي قيمة لأي انسان !
الدولة هشمتوها…
والخزنة انهبتوها…
وخليتو الوادم بس تردح لفلان وعلتان !

الدين ماظل دين …
وشوهتو نهج أحسين.

.
وتاجرتو بكل ممنوع وما مريود!
وأسستو أصنام اتعبدوها
وأجبرتو الناس يتبعوها ..
وجنستو أفغان وباكستان وحتى اهنود!

الزلزال اتقرر …
ايام ونتحرر …
من ظلم الحجي وظلم الغلمان!
ما يبقى ولا واحد ..
لا ظالم لا جاحد …
الكل ينجر بالقانون وفرمان !
الكل يخضع للقانون وسجان!
———
والتغيير القادم..
خاطف قاصف حميّان!
ونحچيها طگ بطگ
ومو كذبة نيسان !

سمير عبيد
٤ نيسان ٢٠٢٥

سمير عبيد

المصدر: شبكة انباء العراق