زيزويخرج عن صمته: لم أوقع لأى نادى والزمالك مش عايز يجدد عقدي من شهور
تاريخ النشر: 8th, April 2025 GMT
أكد أحمد مصطفى "زيزو" نجم الزمالك إنه لم يوقع لأى نادى مؤكداً أنه يحترم القلعة البيضاء .
وكتب زيزو عبر "أستورى إنستجرام" عبر حسابه الرسمى :"الحمد لله أنا راجل بحترم كل الناس لكن للأسف عدم ردي علي المعلومات المغلوطة والتزامي الصمت زاد عن حده وكل ساعة خبر عن توقيع أو تجديد عقد زيزو وكل واحد بيغازل الشريحة اللي عايزها من الجمهور".
وتابع: "بكل وضوح أنا لم أوقع لأي نادي سواء داخل أو خارج مصر اللي حصل على توقيعي يتفضل يعلن إذا كان كلامه صحيح ، كمان اللي عنده دليل على توقيعي لأي نادي برضو يتفضل يطلعه على الملأ الناس لازم تعرف كويس".
وواصل: " أنا بقدر جدا الكيان الكبير اللي بلعب فيه ولا يمكن أنكر فضله عليا لكن فيه حاجة أنا مكنتش حابب أتكلم فيها خالص لأنه للأسف الأمور في الإعلام كلها في إتجاه واحد ليه محدش اتكلم عن حقوقي المشروعة زي أي لاعب في الدنيا ".
واكمل:"ليه محدش اتكلم إن الناس سابتني بقالها شهور طويلة ومش عايزين يجددوا عقدي ليه محدش اتكلم عن المستحقات المتأخرة اللي ليا بقالها كثير ومش لاقي حد".
واختتم:"محدش كمان اتكلم إن ربنا سبحانه وتعالى أنعم عليا بعروض مقابلها المالي 10 أضعاف العرض اللي موجود ورغم كل ده قلت وهفضل أقول أنا منتظر كلمة النادي. ورد لإعتبارات كتير مش لتجميل الصورة.
و شارك استورى أخرى و قال :"الجماهير لازم تكون عارفة الحقيقة.. زيزو مش بيزايد.. ولا بيتاجر.. لكن لازم الطرف الثاني يكون عايزني أكمل.. وتكون فيه استجابة لحاجه من المعروض عليا على الأقل.. لكن للأسف الكلام معايا حاجة.. واللي بيتقال للإعلام حاجة تانية.. أنا مينفعش اجرح في حد ولا أتكلم في حق حد.. لأن اللي بيتقال في الجلسات عيب يتقال برة.. على الأقل من ناحيتي.. أنا مستني رد النادي لحد آخر يوم في الكونفدرالية.. وأتمنى ربنا يكرمنا بيها أنا وزمايلي. وأي كلام هيتقال غير كدة في موضوع التجديد أو التوقيع قبل الموعد ده . هيكون كلام غير صحيح. ورسالتي الودية جدا للمسئولين في النادي اللي أنا بحترمهم جميعا.. أتمنى الحوار في مسألة تجديد العقد يكون بيني وبينكم.. مش عن طريق الإعلام.. وأنا كنت ولا زلت واضح معاكم في كل اللي اتكلمت فيه من أمور عادلة تساعدنا على اننا نكمل الطريق. شكرا على تفهمكم موقفي ".
المصدر: صدى البلد
كلمات دلالية: الزمالك أحمد مصطفى زيزو الأهلى توقيع عقد سعودى المزيد
إقرأ أيضاً:
والد شهيد المنوفية باكيًا: "عايز أحضر يوم الشهيد"(فيديو)
نعى الإعلامي مصطفى بكري، حسن الجزار شهيد المنوفية، الذي ضحى بحياته من أجل إنقاذ 13 فتاة من الغرق.
وأجرى الإعلامي مصطفى بكري زيارة لأسرة الشهيد في منزلهم بالمنوفية، لتقديم واجب العزاء والاستماع إلى مطالبهم.
تفاصيل الواقعةوقال أحمد الجزار، والد شهيد المنوفية، خلال حواره مع الإعلامي مصطفى بكري، ببرنامج "حقائق وأسرار" المذاع على فضائية "صدى البلد"، مساء الخميس، "حسن كان عايز يشاعدني اشتغل في الأول في أعمال البناء، وبعد إنهاء الجيش أكمل دراسته وأخد شهادة دبلوم وبعدها اتجوز، حسن مكانش بيعرف يعوم وأول ما شاف الحادث اتصل بينا قبل الحادث يوم الثلاثاء وكلم والدته لمدة ساعة، جالي تليفون إنه دخل المستشفى قولتلهم يبقى مات ؟ قالولي لأ".
وتابع "أول ما وصلت مكان الحادث شوفت 7 عربايت إسعاف وسيارات شرطة وسيارات إطفاء، شوفت شبشبه مرمي قدام المياه، هو ضحى بنفسه وشال 13 فتاة، في اللحظة الأخيرة بعد ما أنقذ آخر فتاة أحد الشاب بياخد ايده عشان يخرجه ملقهوش اتفاجئ إنه غرق ورجال الإنقاذ بيتفرجوا عليه".
ولم يتمالك والد الشهيد حسن الجزار دموعه وهو يروي اللحظات الأخيرة في حياة نجله "خرج من المياه وشه أبيض، استعوضت ربنا وقولت إنا لله وإنا إليه راجعون، أنا مش عايز حاجة، قدم بطولة وعمل كل حاجة بس راح، والله العظيم كان بيشيل معايا كل حاجة، رغم إنه كان شغال باليومية".
بكاء والدة الشهيدكما عبر عن أمنيته بحضور يوم الشهيد الذي يشهده الرئيس عبد الفتاح السيسي، "عايز أحضر يوم الشهيد وبعد كده أموت".
كما نعت والدة حسن الجزار نجلها باكية "شهيد الرجولة والبطولة مش هتيعوض بكنوز الدنيا، مش هيتعوض خالص، مكناش في حنيته وإخلاصه".
عمل بطوليوقدم الإعلامي مصطفى بكري العزاء للأسرة مؤكدا أن ابنهم قدم عملا بطويا "اللي قام بيه حسن عمل بطولي هيخلد في تاريخه وتاريخ العيلة، وجزاءه عند ربنا لأنه ضحى بنفسه، وده دليل على شهامته وأصالته، أنا معاكم ومتابع، وهفضل متواصل معاكم وأصريت أكون معاكم بنفسي، مش جايين نعزيكم بس جايين نقولكم ابنك بطل ولك أن تفخر".
كما وجه الإعلامي مصطفى بكري الشكر لوزير التعليم لاعتزامه إطلاق اسم الشهيد حسن الجزار على إحدى المدارس، قائلا "حابب أشكر السيد محمد عبد اللطيف وزير التربية والتعليم اللي أكد أنه يدرس إطلاق اسم الشهيد على إحدى مدارس المنوفية".
القوات الروسية تسقط 77 طائرة مسيرة أوكرانية الليلة الماضية