«عايزني أشرب سجاير وبيلمس جسمي».. فيديو استغاثة فتاة من تحرش سائق يقلب السوشيال ميديا

التحرش بالفتيات.. عادت من جديد انتشار وقائع تحرش سائقي تطبيقات النقل الذكية بالفتيات، على الساحات، بعد واقعة حبيبة الشماع وفتاة التجمع، وما أعقبها من حوادث كثيرة مشابهة، ومؤخرا ظهرت فتاة تستغيث وتحذر المواطنين عبر مواقع التواصل الاجتماعي من استقلال السيارات التابعة لأحد التطبيقات الذكية، خاصة بعد تعرضها لمحاولة خطف وتحرش من قِبل السائق، فضلًا عن محاولته إجبارها على التدخين وملامسته أجزاء من جسدها.

وتداول رواد «السوشيال ميديا» منشورًا لفتاة يتضمن: «يا جماعة بلاش حد يركب إندرايفر.. أنا النهاردة رايحة الجامعة زي الطبيعي، وطلبت إندرايفر.. ركبت معاه لاقيته بيقولي أنتي بتدخني.. قولتله لأ وسكت.. وبعدين في نص الطريق لاقيته بيلف وشه وبيديني علبة السجاير وبيلمس رجلي.».

سائق يتحرش بفتاة أثناء استقلالها سيارته

وتابعت: «اتخضيت طبعًا.. وقلتله.. أنا قلتلك مش بشرب ومش هدخن.. فضل يتحايل عليا عشان أخد سيجارة منها، ويقولي شميها ريحتها نعناع».

التحرش بالفتيات

واستكملت الفتاة: «ومعاه كوباية.. عمال يقولي اشربي شاي.. والله أعلم فيها إيه.. جيت أفتح الباب عشان أنط لاقيته قافل الباب عليا.. نظراته كانت وحشة جدًا قعدت أتكلم معاه عشان أعرف أنزل.. وقولتله ممكن لو فاضي ترجع تاخدني.. عشان أقدر أنزل.. وقعد يسألني إنتي عايشة لوحدك ولا معاكي حد.. ».

ضحية التحرش تنتهز فرصة للهروب

وانتهزت الفتاة، ضحية التحرش، فرصة وجود سيدة تتجول مطالبة بمساعدة المارة، وقالت للسائق: «هنزل أدي حد غلبان فلوس في الشارع»، مضيفة: «مكنش راضي، وقالي هقف وهي تجيلك بس أنتي متنزليش.. قعدت أقوله لا.. هي مش هتقدر تقوم.. نزلني.».

التحرش بسيدة

واستطردت: «المهم كان عنده إصرار إني أشم السجاير أو أشربها.. ونزلت جريت على حد كان واقف.. وهو جه اتخانق معاه وخلاه يمشي، والحمد لله ربنا ستر.. قعد يرن عليا بعديها.. والراجل اللي وقفته رد عليه وقاله.. هنعملك محضر.. وزعقله جامد.. والحمد لله ربنا عداها على خير.. ومش هتتكرر تاني إني أركب اندرايفر.. ».

فحص واقعة التحرش بفتاة داخل سيارة

وتفحص الجهات المعنية تلك المنشورات المتعلقة باستغاثة فتاة من تعرض سائق لها وتحرشه بها ومضايقتها دون وجه حق، وجار اتخاذ الإجراءات اللازمة.

اقرأ أيضاًمُسن يتحرش بفتاة في «ميني باص» بالوايلي.. والأمن يتدخل

«استنى لما أهلي نزلوا من البيت».. أقوال طفلة اتهمت خالها بالتحرش بها في المرج

المصدر: الأسبوع