بعد تريند مجدي.. مصطفى تكشف حقيقة زواجها من محمد صلاح وطارق العريان
تاريخ النشر: 25th, April 2025 GMT
كشفت الفنانة ريم مصطفى عن حقيقة زواجها من محمد صلاح وطارق العريان خلال الفترة الماضية، وقالت خلال تصريحات مع الإعلامية مني الشاذلي في برنامج معكم أنها تعرضت للعديد من الشائعات من زواج وطلاق علي غير الحقيقة.
وقالت ريم مصطفي في تصريحات لها، إن من ضمن الشائعات أنها كانت السبب في طلاق الفنانة أصالة من المخرج طارق العريان وأنها تزوجته بعدها.
وقالت ريم مصطفى: فى شائعة تانية أنى تزوجت من النجم محمد صلاح لاعب ليفربول ودي شائعة بحبها ودى احلي شائعة لكن عمرى ما قابلته.
وتابعت ريم مصطفى، أن الموضوع شائعة ومش صح لكن شائعة مش لذيذة وأنا طول الوقت بسمع شائعات كثيرة وأنا شخصية بحب البيت بكون موجودة قاعدة تحت البطانية وبسمع في شائعات.
وتابعت ريم مصطفى: أنا مركزة في حياتي الشخصية وقافلة على نفسي والناس عارفة أن الكلام ده مش صح ومفيش من الكلام ده وبعد شائعة ارتباطي بالمخرج طارق العريان قابلت أصالة وهي عارفة أن الموضوع شائعة.
وعن أولادها قالت ريم مصطفى: عندي عمر وعلي هما في ظهري طول الوقت.. وعن الشائعات اللى طلعت علي كانوا في ظهري وقالولي ده تمن النجومية والشهرة.
وكشفت ريم مصطفى عن تفاصيل زواجها وطلاقها انها استمرت مع زوجها والد أبنائها 11 سنة وانفصلت بعدها وأنها خلال الفترة الماضية حصلت على العديد من الكورسات في الهندسة الحياتية وطاقة الجسد وفهمت ليه بنسجد لله وفائدة قراءة القرآن والصلاة
وقالت ريم مصطفى إنها اخدت كورس تمثيل وبعدين رقص بلدي شرقي علشان تاخد طاقة انوثة، كما حصلت على كورس علم الأرقام وهو علم تقيل قوي لان كل حاجة في حياتنا ليها ارقام.
وعن لون عينها، قالت ريم مصطفى: "ده لون عيني مش لينسزز ودي بشرتي وده لون شعري".
ريم مصطفى تكشف أول قصة حب في حياتهاوعن أول قصة حب في حياتها، قالت ريم مصطفى خلال تصريحات مع مني الشاذلي: كانت من طرف واحد وقعدت أحب شخص اسمه هيثم وكنت بروح العب في نادي الجزيرة وحاول يتعرف علي لكن قعدت احبه سنة ومعرفش راح فين اللى يعرف هيثم يا جماعة يقوله .
ريم مصطفى تكشف مواصفات زوجها المستقبليوعن مواصفات زوجها قالت ريم مصطفى: “يكون صديق ودماغه كبيرة.. أنا صغيرة مكنش عندي نضج في الاختيار”.
ريم مصطفى تكشف اسرار حياتها في الطفولةوأضافت ريم مصطفى، أن جدتها اسمها عواطف وعلمتها ان الست تبقي بـ 100 راجل وفى نفس الوقت تبقي ضعيفة وكانت تنام بجوارها في السرير حتى بعد الزواج، ولديها 4 أشقاء وكانت جدتها تقول ريم في حتة تانية.
وتابعت: جدتي كانت كبيرة العائلة والكل يعمل ليها 100 حساب وكانت لها طقوس يعني لو انا رجعت ووضعت الهدوم على السرير ألاقي هدومي في الشارع وهي ربتني تربية صارمة حتى لبس البيت ليه احترامه وكانت ست بيت وجزء من اهتمامي بنفسي اخدته من جدتي وماما واخواتي واسرتي ومرتبين على اللبس والأناقة ودائما جدتي تشتمني بالفرنساوي وعندي حتة بكيزة هانم في نفسي.
ريم مصطفى: ارتبطت بعلاقة توكسيكقالت الفنانة ريم مصطفى انها ارتبطت بعلاقة توكسيك لعدة سنوات وممكن تعمل كتاب وأنها بعد العلاقة التوكسيك نضجت والعلاقة لم تكن بزوجها الأول والد أبنائها "علشان ملقاش الموضوع تريند".
وتابعت ريم مصطفى عن العلاقات التوكيسك: لما تلقي الشخص نرجسي بتبقي علاقة مش صحية وهو الشخص معندوش ثقة فى نفسه ويلوم عليكي وانا كنت مقتنعة خلال العلاقة اللي مريت بيها اني المشكلة عندي مش عنده وانا الحمد لله خرجت من العلاقة دي علشان أنا شغلي ونفسي قدامي طول الوقت واعرف ناس كتير متزوجين ومخلفين في علاقة توكسيك والعلاقة دي دمرتهم نفسيا.
وعن ارتباطها بشخص في المستقبل، قالت ريم: أنا مش عايزة ادخل تجارب فاشلة أو مؤقتة عايزة شخص يضيف سعادة ويكون مرتاحة وشخص يضيف حياة سعيدة لي، يا اما خليك في بيتك ومش عايزة شخص يجي بمشاكله روح عالج نفسك الأول.
ريم مصطفى تكشف عن برجهاوعن برجها قالت ريم مصطفى: أنا برج الجدي وعنيدة وواثقة في نفسي جدا وبحب اخد حقي بأيدي ومخلصة متقلبة المزاج اليوم الواحد أمر باكتر من مود واقدم تضحيات كتيرة ومبندمش ومبحبش الصبر وطموحة ومسامحة وبنسي .
المصدر: صدى البلد
كلمات دلالية: ريم مصطفي الفنانة ريم مصطفى محمد صلاح طارق العريان محمد صلاح
إقرأ أيضاً:
حقيقة اعتداء نجم الزمالك فى دوري المظاليم| تفاصيل صادمة
كشف زياد ميسي لاعب نادي ألو ايجبت أحد أندية القسم الثاني حقيقة إعتداء إبراهيم صلاح نجم نادي الزمالك السابق والمدير الفني السابق للفريق على عناصر من فريق القناطر الخيرية.
قال زياد ميسي لاعب نادي ألو ايجيبت عبر حسابه الشخصي فيسبوك:
أنا زياد لاعب نادى جى وهحكى على الحصل فى المباراة بالحرف الواحد والله شاهد على ما أقول.
تابع: أنا نزلت الشوط التانى وكانت النتيجة تأخر فريقى 2-0 نزلت وكنت موفق وأحرزت الهدف الأول وبعدها فوجئت أن بدأ جمهور الخصم يحاول يأثر عليا بالشتيمة وتصاعد الأمور أن كمان بدأ أحد أفراد الجهاز الفنى وبعض اللاعيبة الخصم محاولة إستفزازى بالكلام لمحاولة التأثير عليا نفسيا.
أضاف: وبعدها بدأت الأمور تتصاعد كل ما ألمس الكرة أكني الجمهور حطنى فى دماغة أنا بالذات.. شتيمة وإشارات خارجة من الجمهور ووصلت لحد تهديد "هنوريك لما تجيلنا القناطر" لحد ما أحرزت هدفى التانى وهدف التعادل عشان أشير للجمهور بإشارة (السكات فقط) دون أى تجاوز أو شتيمة منى مثلا زى ما تشتمت واستمرو فى التجاوز لحد لما أحرزنا الهدف الثالث بعدها.
واصل: وفى آخر دقائق المباراة وفى كورة مشتركة دخل أحد لاعبى الخصم دخول عنيف جدا حرفيا مكنتش حاسس برجلى من الألم وفضلت واقع على الأرض مش قادر أقوم وفى الهجمة دى أحرز الخصم هدف التعادل بعدها لقيت حد نازلى وبمنتهى الغل مكنش فى المباراة قعد يجر فيا من رجلى الوجعانى ولاقيت واحد تانى بيضربنى بالرجل فى ضهرى ونازلين فيا ضرب وأنا مش قادر أقاوم حتى من الألم بسبب الإصابة ومقدرتش أكمل الماتش بسببها وفريقى لعب ١٠ لاعيبة.
وأكمل: مديرى الفنى كابتن إبراهيم صلاح لما شاف المنظر ده واللاعب بتاعة بيتهان وبيحصل فية كدا لقيتة بيجرى على الشخص ده عشان يدافع عنى وده المشهد اللأسف إتقص و إتحول من إن كابتن إبراهيم بيدافع عن حد شايفة بيموت قدامة من الألم وناس عمالة تضرب وتفترى علية وهو مصاب ومش قادر حتى يدافع عن نفسة.
واختتم حديثه قائلا: المشهد إتقص بطريقة فجة أكنه رايح يضرب ناس من الباب للطاق ودى شهادة منى أمام الله وجمهور الكرة المصرية الأكيد ميرضهوش إن حد محترم زى كابتن إبراهيم إلي عمره فحياتة ما عمل مشكلة طول مسيرتة الكروية يتظلم ويتم الإفتراء عليه بالطريقة دى.
يذكر أنه تم إقالة إبراهيم صلاح نجم نادي الزمالك السابق من تدريب فريق ألو إيجبت كما تم إيقافه من جانب لجنة المسابقات 8 مباريات وتغريمه 10 آلاف جنيه.
صلاح يقود تشكيل ليفربول أمام نوتنجهام في الدوري الإنجليزي