كندة علوش عن حاتم صلاح: ممثل تقيل أوي مش بس كوميديان

حلت الفنانة كندة علوش، ضيفة على الإعلامية لميس الحديدي في برنامج “ كلمة اخيرة ” المذاع على قناة “ أون ”.

كندة علوش عن كواليس إخواتي: بنخاف على بعض بجد وبنشتغل بروح واحدةكندة علوش: دوري في إخواتي مغامرة من المخرجكندة علوش عن دورها في "إخواتي": كنت حابة تبقى العودة بدور يترك أثربعد شفائها.. كندة علوش تكشف موقفها من العودة إلى السينما

 وتحدثت كندة علوش عن الثنائية مع الفنان حاتم صلاح في مسلسل إخواتي، قائلة:"  التجربة كانت مفاجأة حتى لي شخصياً، وقبل مسلسل (إخواتي)، كان حاتم صلاح بالنسبة لي، ولناس كتير، معروف كممثل كوميدي بس.

لكن بعد شغلنا مع بعض، اكتشفت إنه مش بس كوميديان، ده ممثل تقيل جداً."

وأضافت:"في المشاهد الدافئة، حاتم حساس جداً.. عنده مشاعر حقيقية مش مصطنعة. حتى في الكوميديا، هو مش بس بيضحكك، هو بيلعب على الكوميديا بوجه عام وكوميديا الموقف "
وتابعت:"كنت حريصة إن الناس تحب (الثنائية) بينّا، وكمان المخرج كان حريص على ده، رغم إن الشكل العام للكابل كان غريب: هي كوافيرة، وهو حانوتي، وبيبيع جثث! لكن كان فيه حالة طريفة بينهم، زي (الناقر ونقير)، والناس حبّوا ده جداً."

وعن ردود فعل الجمهور، قالت :"في الحلقات الأخيرة، لقيت الناس بتعمل كليبات لينا من مشاهد المسلسل، وبيشاركوها على السوشيال ميديا. ماكنتش متوقعة الحب ده، بس بسطت جدًا إن الناس تعايشوا مع (الكابل) ده."

أما عن أول مشهد جمعهما، فكشفت كندة:"أول مشهد صورناه مع بعض كان مشهد ضرب، وأنا كنت متحمسة جداً، وفعلًا ضربته بجد وسببّت له شوية آثار جانبية مش لطيفة!"
وأضافت ضاحكة:"كنت شايفة إن ناهد، في لحظة الغضب، مش هتعبر عن ده بكلام.. كانت لازم تضرب!"

طباعة شارك كندة علوش الفن اخواتي حاتم صلاح اخبار التوك شو

المصدر: صدى البلد