الدرديري لـ رابطة الأندية: هو بيراميدز ملوش ضهر؟
تاريخ النشر: 23rd, May 2025 GMT
علق الناقد الرياضي عصام الدرديري علي قرار رابطة الأندية المصرية المحترفة، بسبب تفضيل النادي الأهلي على حساب بيراميدز، وذلك في سياق رفض طلب الأخير تأجيل إحدى مبارياته.
وكتب الدرديري عبر حسابه الشخصي على فيسبوك: "بيراميدز ملوش ضهر؟ ولا لازم يبقى اسمه الأهلي علشان الدوري يتفصل على مزاجه؟".
. والنحاس يستمر حتى نهاية الدوري
وأوضح الدرديري أن بيراميدز مقبل على "3 نهائيات في 10 أيام"، وقد طالب بتأجيل مباراة سيراميكا "يومين بس" لالتقاط أنفاسه بين مباراتي نهائي دوري الأبطال.
واستنكر الدرديري رد الرابطة قائلاً: "عارف رد الرابطة؟ 'لا… عندنا أولويات' أيوه، أولوية إن زيزو يلحق يسافر مع الأهلي يلعب كأس العالم للأندية".
وختم الدرديري منشوره بلهجة شديدة قائلاً: "يعني البطل الحقيقي يتحرق… علشان 'المخصوص' يبقى جاهز يتصور في أمريكا الرسالة واضحة.
المصدر: صدى البلد
كلمات دلالية: الدرديري الاهلي بيراميدز
إقرأ أيضاً:
ابراهيم سعيد باكياً: بناتي شهدوا ضدي وسجنوني
ماجد محمد
انهار إبراهيم سعيد، نجم منتخب مصر والأهلي والزمالك السابق، عقب خروجه من السجن، مشيرًا إلى أن بناته “جوليا ولي لي”، البالغتين من العمر 20 و21 عامًا، كانتا سببًا رئيسيًا في سجنه، بعدما شهدا ضده في المحكمة.
وقال إبراهيم سعيد: “أنا في ابتلاء.. بس عندي سؤال لدار الإفتاء، إزاي أتعامل مع بناتي اللي حبسوني؟ اللي من دمي! ده أنا اللي مطلّعلهم البطاقة. شهدوا ضدي في المحكمة، وجابوا شهود زور قالوا إني عندي 7 فيلات ومرتب شهري 2 مليون جنيه!”.
وأضاف: “أنا لو معايا الفلوس دي، هسجن نفسي ليه؟ كنت سايب لهم فيلا وعربية وأغلى برندات، ومدارس من أفضل ما يكون، وعمري ما أذيتهم، كنت دايمًا بحبهم وبدلعهم، بس للأسف اتحرضوا من والدتهم عشان يسجنوني”.
وتابع : “كانوا طالبين إني أبيع شقة والدتي وأرميها في الشارع علشان ياخدوا فلوسها أو أتحبس، لكن اخترت السجن على إني أظلم أمي، رغم إنها كانت هتوافق علشان أخرج، لكن أنا رفضت”.
واختتم: “الظلم وحش وربنا كبير، وكنت واثق إن الحق هيرجعلي، والحمد لله خرجت. بس أنا عاوز حقي من اللي شهدوا زور ضدي.. وربنا يهدي بناتي ويسامحهم، مش قادر أدعي عليهم، مفيش أب بيدعي على عياله”.
مسؤول أممي يرجح عودة ملايين الأفغان لبلادهم ويحذر من التداعيات