متعالي ودعيت عليه وأنا بصلي.. محمود حمدان يشن هجوما على أحمد آدم
تاريخ النشر: 3rd, June 2025 GMT
شن المؤلف محمود حمدان هجوما على الفنان أحمد ادم بالتزامن مع شكوي الأخير بقلة الأعمال الفنية التى تعرض عليه كما تداول رواد التواصل الإجتماعي ، حيث روي موقفا معه فى بدايات الفنان مؤكدا انه كان مغرور ومتعالي بشكل كبير .
وكتب محمود حمدان عبر حسابه الرسمي بموقع فيسبوك ، سنة ٢٠٠٧ اخدنا الدكتور جلال الشرقاوي علشان نمثل في مسرحيه لاحمد ادم ، كنا مجموعه من شباب اكاديميه الفنون ولسه في بداية طريقنا ، احمد ادم كان مغرور ومتعالي بشكل غريب ، كنا قبل العرض بيوم وبنعمل بروفه جنرال ، دخلت اعمل دوري ومن حظي السئ ان اللي كانوا قاعدين في الصاله ضحكوا ، احمد ادم وقف البروفه وقدام كل الناس سمعني أسوأ كلام يقوله فنان محترف لشاب لسه بيشق طريقه ( انت هتاخد فرصتك بس مش معايا مع حد تاني ، تقف مكانك متتكلمش ) ولم يكتفي بذلك .
واستكمل محمود حمدان : "قالي مش هتشتغل يلا امشي ، خرجت من المسرح والدموع مكتومه جوايا ، واصحابي بيحاولوا يواسوني ( مصطفي ابو سريع وحسني شتا وابراهيم السمان ومحمد العمروسي ) ، روحت صليت ودعيت علي احمد ادم وانا منهار من البكاء ،
انا لما قريت الخبر ده افتكرت اللي عمله معايا سبحانك يارب ".
واختتم محمود حمدان، معلقا: "من ٥ سنين كلمني منتج صديقي علشان اكتب فيلم لادم وقولتله لو هتديني ١٠٠ مليون مش هكتبله
الان بدعيله ربنا يفك كربه ويسامحه ويكرمه ، وانا مسامح".
وكانت آخر أعمال الفنان أحمد ادم هو مشاركته بفيلم تاني تاني مع الفنانة غادة عبد الرازق الذى طرح العام الماضي.
وتدور أحداث فيلم "تاني تاني" حول 5 شخصيات رئيسية، حيث تظهر غادة عبد الرازق بشخصية "هدي" التي تعمل موظفة في بنك وهى أرملة ولها إبنة، أما أحمد آدم فيجسد دور زكى (زيكو) وهو أرمل ويعمل في البورصة، فيما يلعب بيومى فؤاد شخصية لبيب (بيبو) الذى يعمل رجل أعمال ويعود إلى مصر بعد إنفصاله عن زوجته الأمريكية.
مسلسل فهد البطل
وكان اخر مشاركة للمؤلف محمود حمدان هو مشاركته فى ماراثون رمضان بمسلسل فهد البطل، وهو من تأليف محمود حمدان، وإخراج محمد عبد السلام.
ودارت أحداث فهد البطل، في إطار شعبي مع خط درامي صعيدي، ويشارك في بطولته أحمد عبدالعزيز، ميرنا نور الدين، لوسي، عصام السقا، محمود البزاوي، يارا السكري، وصفاء الطوخي، صفوة، عزت زين، عايدة رياض، حجاج عبدالعظيم، أحمد عبدالله محمود و مجموعة كبيرة من النجوم.
المصدر: صدى البلد
كلمات دلالية: احمد ادم المؤلف محمود حمدان خالد جلال محمود حمدان احمد ادم
إقرأ أيضاً:
تامر عبدالمنعم عن أزمة أحمد آدم: 3 سنين بتحايل عليه ينزل مسرح وهو رافض
علق الفنان تامر عبدالمنعم، على أزمة الفنان احمد ادم إذ نُسب إليه، مؤخرا، تصريحات عبر مواقع التواصل الاجتماعي بأن الأدوار التي تُعرض عليه قليلة.
وكتب تامر عبدالمنعم عبر "فيسبوك": “قرأت مؤخرا ما يكتب عن النجم أحمد آدم، والحقيقة استغربت جدا لأني واحد من المقربين جدا منه، وتشرفت بالشغل معاه لسنوات سواء في السينما أو في المسرح، وشوفت بعيني نجاحه وشفت بعيني أسلوبه في التعامل مع الصغير قبل الكبير، وأعرف مدى ثقافة أحمد آدم، وبُعد نظره وقراءته للأحداث وتوقعاته اللي على فكرة كلها تقريبا ثابت من 2011 لحد انهاردة”.
وأضاف: "أحمد آدم يا سادة لمن لا يعرفه كرامته عزيزة أوي واعتزازه وتصديقه في نفسه وموهبته مالهمش حدود، وعشان كده أنا على يقين أنه لا يمكن يصرح التصريح المتداول بتاع مش لاقي شغل، لكن صدقت على طول تصريحه بتاع أنا أحمد آدم برضه أنا شخصيا بقالي 3 سنين بتحايل عليه ينزل مسرح وهو رافض، سواء خاص أو عام أو في الخليج، أنا شخصيا عرضت عليه مرة واتنين أنتج له مسلسل وهو همه كله الورق" .
وتابع: "النجوم الكبار أصحاب التاريخ عيب نسيئ ليهم كده، ونفتري عليهم عشان نشوه صورتهم لمجرد أن كان ليهم مواقف إيجابية مع الدولة ومؤسساتها الوطنية، أحمد آدم مش هيحط عيل في دماغه سنة 2007، عشان قال إفيه باختصار أن اللي عاوز يطلع كارد آدم الكوميدي كان يقول قصاده إفيه، وبعدين الباشا اللي يستدعي أنه دعا على ادم في 2007 وكان وقتها ممثل مغمور، يجي 2025 يشمت في آدم وهو بقي مؤلف مغمور برضه دي أكيد الدعوة ضربت في وشه، صديقي وأخي الغالي أحمد آدم لا تلتفت للهيافات واستمر وياريت توافق نعمل مسرح بقي".
دعاء عيد الأضحى