تامر حسني يكشف تفاصيل حالة نجله بعد دخوله المستشفى «صورة»

كشف الفنان تامر حسني، عن تفاصيل الحالة الصحية لنجله آدم خلال الساعات القليلة الماضية، وذللك بعد دخوله إلى العناية المركزة، وتدهور حالته الصحية، الأمر الذي أثار حالة من القلق لدى الكثيرين من محبيه.

وأشار تامر حسني، عبر حسابه الرسمي بموقع التواصل الاجتماعي «فيسبوك» إلى تفاصيل الحالة الصحية لنجله، قائلا: «أنا مش عارف أشكركم إزاي على كمّ الدعوات اللي دعيتوها، لربنا لشفاء آدم ابني اللي جاتلي منكم هنا وعلى تليفوني».

كما أضاف تامر حسني: «تليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونة عادية بس، وبقولكم كده عشان تبقوا حريصين مع نفسكم أكتر ولولادكم، ومش كل سخونة تقولوا ده شوية برد».

وتابع تامر حسني: «خلاص لا روحوا اكشفوا كويس، واعملوا سونار على البطن و الزايدة مرة و2 عشان برضو ساعات مش بيبان، ولازم الدكتور يضغط بطريقة معيّنة، تقريباً أقوى شوية عشان يعرف، لإني سمعت كتير اليومين دول إن الزايدة خادعة».

وأردف: «اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب و يعدي مرحلة الخطر

يارب، بحق “كن فيكون"».

وتابع: «اشفيه وعافيه، هو و كل ولادنا، بس هو راجل و هيتحمل وإن شاء الله ربنا يكرمه و يعافيه و يحفظه هو و إخواته و يحفظ كل ولادكم يارب، وأحب أقول تاني شكراً من كل قلبي على دعواتكم، أنا شايف قلب كل حد فيكم و هو بيدعي بصدق، متشكر أوي يا جماعة شكراً لكل اللي اهتم وسأل عن ابني و دعاله هنا أو على التليفون، واللي طلعوله صدقات لشفائه من غير ما يعرفونا شخصياً، أنا مش لاقي كلام أشكركم بيه و أنا برضو بدعيلكم».

اقرأ أيضا:

«حلال فيك».. تامر حسني يكشف موعد طرح أجدد أغانيه

من ألبوم «لينا معاد».. أغنية حبيبي تقلان لـ تامر حسني تتصدر التريند عقب طرحها| فيديو

بـ 3 ملايين جنيه.. فيلم ريستارت تامر حسني يتصدر الإيرادات في أول أيام عرصه

المصدر: الأسبوع