عمرو الليثي ومصطفى قمر يدعون لنجل تامر حسني بعد وعكته الصحية
تاريخ النشر: 12th, June 2025 GMT
حرص عدد من نجوم الفن والإعلام على مساندة تامر حسني بعد تعرض نجله لوعكة صحية ومن أبرزهم عمرو الليثي ومصطفى قمر.
ونشر الإعلامي عمرو الليثي عبر صفحته الرسمية على "فيسبوك" منشورًا جاء فيه: "ادعو الله أن يشفي آدم ابن أخي الغالي تامر حسني، وأن يرفع عنه ويخفف آلامه.. اللهم اشفه شفاء لا يغادر سقما"، وقد لاقى هذا الدعاء تفاعلًا واسعًا من المتابعين الذين شاركوه الدعاء لآدم وتمنوا له الشفاء العاجل.
كما نشر مصطفى قمر من خلال حسابه الشخصي بموقع تبادل الصور والفيديوهات إنستجرام خاصية إستوري معلقًا: "ربنا يقومهولك بالسلامة ياتيمو کلنا بندعيله ياحبيبي بحبك يا آدم يا ابني الغالي بإذن الله تقوم وتشفى وتبقى زي الفل قلبي معاك ياتامر وبإذن الله يشفي شفاء لا يغادر سقما ياحبيبي".
تطورات الحالة الصحية لـ آدم تامر حسني
كشف نجم الجيل تامر حسني تطورات الحالة الصحية لنجله آدم وذلك عبر صفحته الرسمية بموقع التواصل الإجتماعي "فيسبوك" حيث نشر قائلًا: " أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية بس".
وتابع: "وبقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد، وخلاص لا روحوا اكشفوا كويس واعملوا سونار على البطن والزايدة مرة و٢ عشان برضو ساعات مش بيبان ولازم الدكتور يضغط بطريقة معيّنة، تقريبًا أقوى شوية عشان يعرف، لإني سمعت كتير اليومين دول إن الزايدة خادعة".
وأضاف: "اطمنوا كذا مرة قبل لحظة انفجارها عشان بجد مشاكل بتحصل بعدها كبيرة وحزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب ويعدي مرحلة الخطر، يارب، بحق “كن فيكون”.
أشفيه وعافيه، هو وكل ولادنا
بس هو راجل وهيتحمل وإن شاء الله ربنا يكرمه ويعافيه ويحفظه هو وإخواته ويحفظ كل ولادكم يارب".
واختتم قائلًا ؛ "وأحب أقول تاني شكرًا من كل قلبي على دعواتكم، أنا شايف قلب كل حد فيكم وهو بيدعي بصدق
متشكر أوي يا جماعة شكرًا لكل اللي اهتم وسأل عن ابني ودعاله هنا أو على التليفون، واللي طلعوله صدقات لشفائه من غير ما يعرفونا شخصيًا، أنا مش لاقي كلام أشكركم بيه وأنا برضو بدعيلكم وبقول لكم مثلها وأضعاف أضعافها، وربنا يحفظكم ويحفظ أولادكم قادر يا كريم".
المصدر: بوابة الفجر
كلمات دلالية: تامر حسني عمرو الليثى مصطفى قمر تامر حسنی
إقرأ أيضاً:
أغير سكرين موبايلي فين.. خالد سرحان يسخر من خناقة عمرو دياب وتامر حسني
علق الفنان خالد سرحان متابعيه، على الأزمة التي حدثت بين عمرو دياب وتامر حسني، حين علق تامر على فكرة نشر عمرو دياب ترتيبه على اليوتيوب، وظهر تامر أنه في الترتيب الرابع، حينها انفعل تامر وأكد أنه ليس الترتيب الرابع.
ونشر خالد عبر حسابه بـفيسبوك لقطة شاشة من أحد تطبيقات الأغاني الشهيرة يظهر فيها أن عمرو دياب ترتيبه رقم 1، وعلق عليها ممازحًا جمهوره ليركز الجميع بنظره على ترتيب الهضبة،وعلق : "إيه أحسن مكان أغير فيه سكرين الموبايل فين يا جماعة لو سمحتوا؟.. حاولت ابين الكسر في الصور على قد ما اقدر".
أثار الفنان تامر حسني الجدل بمنشور غاضب مستنكرا فعل أحد المطربين ،وذلك بعد أن أشار الهضبة عمرو دياب أن ألبومة “الجديد لينا “معاد تصدر الترتيب الرابع بالتريند ،رغم أن الألبوم ليس في هذا الترتيب.
وكتب تامر حسني عبر حسابه على إنستجرام باستخدام خاصية القصص القصيرة: “مش غريبة شوية لما الفنان الكبير اللي بحبه وبقدره، ينزل صورتي عنده في الاستوري بكذا طريقة أن أنا رقم ٤!!؟ وهو عارف إن ألبومي مش 4، بدليل ترتيب تريند اليوتيوب اللي ألبومي كله احتله، وكنت رقم 1 من أول يوم في الأسبوع الأول من نزوله”.
وأضاف تامر حسني: “برضو ناس جمعتلي النتائج دي بس منزلتهاش عموما، هو ترتيب وبيتغير كل شوية، لينا ولزملائنا المطربين لما بينجحوا … الفكرة إن “ألبوم لينا معاد“ أنا تعبت فيه، والناس بتتكلم عنه بكل خير وده الأهم، فمش محتاج أعمل كده”.
وتابع تامر حسني: “أنا لما كنت تقريبا ١٠ أيام رقم 1 في أسبوع نزول الألبوم “لينا معاد”، زي ما انتوا شايفين أهوه في الفيديو اللي اضطريت أنزله أغانيا في التريند أعلى وهو كان تحت… احتراما ليه ولمحبينه منزلتش صورته وهي تحت، ولا نزلت أي خبر يقول إن ألبومي متصدر عليه، كنت بحتفل مع جمهوري دون المساس بصورة أو اسم أي فنان احتراما لمجهوده… بس مش عارف ليه هو يعمل كده، لأنه أكبر من كده ومش محتاج يعمل كده!! وعموما، ألف مبروك”.
أسعار الحديد والأسمنت اليوم الثلاثاء 29 يوليو 2025