شوبير يكشف تفاصيل مفاوضات الزمالك مع ثلاثي أهلاوي
تاريخ النشر: 18th, June 2025 GMT
كشف الإعلامي أحمد شوبير تفاصيل مفاوضات الزمالك لضم 3 لاعبين خلال الميركاتو الحالي، سبق لهم اللعب للنادي الأهلي من قبل.
وقال أحمد شوبير، في تصريحات إذاعية: "الزمالك حاليًا معلوماتي بتقول إن في مفاوضات مع لاعيبةج مصريين إكس الأهلي يعني إيه؟، لعبوا مع الأهلي قبل كدا، طيب مين أبرز اللاعيبة اللي الزمالك ممكن يضمهم من الأهلي ودا طبيعي".
وأضاف: "اللاعيبة هما أحمد عبدالقادر ومحمد شريف، طيب أيهما أسهل في التفاوض، ورقيًا شريف، لأنه لاعب حر معندوش مشكلة، ولو وافق هيمضي، لكن شريف قال لا أنا مستني ومش مستعجل، وكلامه كان واضحا إن أولوياته النادي الأهلي، وبالفعل الأهلي كان تواصل معاه، لكن الموضوع وقف بسبب السفر لكأس العالم، والطرفان ينتظران البطولة تخلص، دا بالنسبة لموضوع شريف".
وأكمل: "أحمد عبدالقادر الزمالك عايزه جدا، لعيب مهم ولعيب مراوغ وهداف، لكن لسا في وقت مع النادي الأهلي في عقده، وهيبقي مستحيل ضمه، غير في حالة واحدة وهى إن الأهلي يبيعه، ومعرفش هل الأهلي ممكن يبيعه للزمالك وإحنا وصلنا للعقلية الاحترافية دي ولا لأ، معنديش فكرة".
وتابع: وبيرسي تاو معندوش مشكلة طبعا لأنه في الأول وفي الآخر هو لعيب محترف، لكن أرقامه كبيرة جدا على الزمالك، لعيب برضه مهم بس مرتبه مع الأهلي أو قطر أو لما كان في أوروبا، كان غاليا جدا، وبرضه النادي مش عايز يضم لعيبة كبيرة في السن شوية، وبالتالي فرصته قد تكون الأقل مع الزمالك مش عشان مستواه لكن زي الفلوس وزي السن.
المصدر: صدى البلد
كلمات دلالية: الإعلامي أحمد شوبير الزمالك الميركاتو الأهلي أحمد عبدالقادر بيرسي تاو
إقرأ أيضاً:
بين عرض الزمالك وانتظار الأهلي.. محمد شريف:«مش بنام كويس.. ومش عايز أخد قرار أندم عليه»
تحدث محمد شريف، مهاجم النادي الأهلي السابق والخليج السعودي، موقفه من العروض المقدمة له من الأندية المصرية، وذلك بعد نهاية عقده مع الخليج، عب انتهاء الموسم المُنصرم.
وشهدت الفترة الأخيرة، تقديم نادي الزمالك بأكثر من عرض للتعاقد محمد شريف، إلا أن اللاعب ينتظر أي عرض من الأهلي.
وقال محمد شريف في تصريحات تليفزيونية مع الإعلامي مهيب عبد الهادي في برنامج «اللعيب»:«بقالي كام يوم مش بنام كويس، بس أنا هادي جدًا ومعايا وقت، أكيد في بالنسبالي أولويات بس مش عايز احسمها دلوقتي».
وتابع:«أي قراراه هاخده هكون دارسه كويس خاصة لأنه في قرارات ممكن تندم عليها بعد ما تأخدها، عشان كدا لسا القيد مفتوح لحد نص شهر تمانية يعني ومعايا وقت احسم الأمر».
يذكر أن محمد شريف قد شارك مع الخليج السعودي، في 15 مباراة بالموسم الماشي، سجل خلالها 3 أهداف فقط.
قبول دفعة جديدة من المجندين بالقوات المسلحة مرحلة أكتوبر| اعرف الشروط والتفاصيل