«زعلت لما سمعت كده».. شيكابالا يكشف مفاجأة بعد اعتزاله كرة القدم

تحدث محمود عبد الرازق شيكابالا، قائد الفريق الأول لكرة القدم بنادي الزمالك، عن كواليس الأيام الأخيرة، قبل اعتزاله كرة القدم بشكل رسمي.

وأعلن شيكابالا، مع الإعلامي إبراهيم فايق على قناة «أم بي سي مصر»، منذ قليل الاعتزال رسميًا قائلًا:«قولتلك يا إبراهيم من سنة إن دي هتكون دي آخر سنة ليا، قعد معايا ناس كتير بس أنا كنت واخد القرار خلاص».

وأضاف:«سنة الحياة وده طبيعي في الكرة، هيجيلك وقت يكون خلاص، وإن شاء الله الزمالك يقدملنا 100 شيكابالا تاني، وجمهور الزمالك يستاهل ده، وإن شاء الله وإن شاء الله يطلع شيكا جديد».

وتابع: «اللي زعلني إني سمعت أخبار كتير منها مثلا إني سمعت أن كلمت عضو مجلس إدارة عشان أجدد عقدي وعقدي باقي فيه سنة تانية أصلا وأنا اللي أخدت القرار».

وأضاف: «كنت مقرر إني أعلن بعد رحيل عبد الشافي، ولسا مصمم أن عبد الشافي أعظم من دخل أوضة اللبس وخسارة كبيرة للزمالك، ولما روح بعد ما الناس احتفلت فيه كلمني وقالي وقتها مكنتش مصدق أن الناس بتحبه كدا».

المصدر: الأسبوع