ميدو: الزمالك على الطريق الصحيح ونعاني منذ سنوات

علق أحمد حسام ميدو، نجم نادي الزمالك السابق، على ما يحدث داخل نادي الزمالك خلال الأيام القليلة الماضية، مع انطلاق مهمة جون إدوارد المدير الرياضي الجديد.

وكتب ميدو على حسابه بموقع «إكس»: اللي بيحصل في الزمالك دلوقتي عظمه وطول عمري بحلم ان فريق الكورة يتقفل عليه ويبقى معسكر الزمالك كأنه ثكنه عسكرية وأنا متفائل خير إن فريق الكورة على الطريق الصحيح.

وأضاف: بقالنا سنين بنعاني من تسريب اخبار الفريق بقالنا سنين بنعاني من الناس اللي فاكرين الزمالك ورث شرعي وان الشغل فيه حق مكتسب حتى ولو ماعندكش اي مؤهلات أنا والله ما ليا مصلحة مع أي حد جوه النادي دلوقتي ولا حتى بتكلم مع اي حد جوه النادي لا بكلم حد ولا برد على حد وقررت ان الفترة الحالية ارجع مشجع بس ارجع اروح ماتشات الزمالك من غير ما يكون ما بيني ومابين اي مسؤول في النادي اي كلام.

وأتم: وأنا كزمالكاوي مبسوط جدا ومتفائل ان ان شاء الله الزمالك بنظامه الاحترافي الجديد هيكون منافس قوي على كل البطولات اللي هيشارك فيها الموسم ده.. #الزمالك_أولًا

المصدر: الأسبوع