قبل افتتاح المتحف المصري الكبير 2025.. مي عمر توجه رسالة من أمام الأهرامات

أعربت الفنانة مي عمر، عن سعادتها بافتتاح المتحف المصري الكبير خلال الساعات القليلة الماضية، والمقرر انطلاقته السبت المقبل الموافق لـ 1 نوفمبر 2025.

وشاركت مي عمر، عبر حسابها الرسمي بموقع تداول الصور والفيديوهات «إنستجرام» أحدث ظهور من أمام الأهرامات، مشيرة إلى سعادتها بحدث افتتاح المتحف المصري الكبير، قائلة: «من وأنا طفلة صغيرة، كان عندي حلم أزور الأهرامات وأحس بعظمة المكان ده و فعلًا زرتها لأول مرة من أكتر 20 سنة، وقتها كانت لحظة سحرية عمري ما نستها».

كما أضافت مي عمر: «النهاردة، بعد كل السنين دي، رجعت أزور الأهرامات من تاني، ومن اللحظة الأولى انبهرت بالتطور الرهيب اللي شفته. شفت قد إيه المكان اتحول لمزار سياحي عالمي بمعنى الكلمة، المكان بقى منظم، جميل، راقي وكل تفصيلة فيه بقت بتحكي مش بس عن تاريخنا، لكن كمان حاضرنا اللي بنفخر به».

View this post on Instagram

A post shared by Mai Omar (@maiomar_)

وتابعت: «ده كله بفضل المجهود الكبير اللي اتعمل، والقيادة اللي آمنت إن مصر تستحق تكون في المكانة دي، كل التقدير والاحترام لفخامة الرئيس عبد الفتاح السيسي، اللي بيشتغل بكل إخلاص علشان يرفع اسم مصر، ويخلي كل مصري يحس بالفخر في كل خطوة وفي كل لحظة، شكرًا لأنك رجّعت لمصر هيبتها، وجمالها، ومكانتها اللي تستحقها، مستنية من كل قلبي لحظة افتتاح المتحف المصري الكبير، لحظة هنعيش فيها فخر جديد، ونشوف حضارتنا العظيمة وهي بتتجدد قدام عيون العالم كله».

تفاصيل حفل افتتاح المتحف المصري الكبير

ويُقام الحفل يوم السبت المقبل في الأول من نوفمبر، بحضور نخبة من الملوك والرؤساء، وأبرز الشخصيات العالمية، على أن يبدأ المتحف في استقبال زائرين بدءا من يوم 4 نوفمبر.

بث مباشر لحفل افتتاح المتحف المصري الكبير

يمكن مشاهدة حفل افتتاح المتحف المصري الكبير من أي مكان عبر الحساب الرسمي للمتحف على منصة «تيك توك» من خلال الرابط الإلكتروني للمنصة.

كم تبلغ مده احتفال المتحف المصري

ويُعقد حفل افتتاح المتحف المصري الكبير يوم 1 نوفمبر المقبل في تمام الساعة السابعة مساءً، على أن يستمر لمدة ساعة ونصف، يتبعها جولة للرؤساء والملوك داخل قاعات المتحف.

اقرأ أيضا:

مرتديًا ملابس إخناتون.. محمد صبحي يحتفي بافتتاح المتحف المصري الكبير

هدى الإتربي: فخورة بحضارتنا الفرعونية العظيمة وافتتاح المتحف المصري الكبير

«القومي للترجمة» يحتفي بالحضارة الفرعونية تزامنًا مع افتتاح المتحف المصري الكبير

المصدر: الأسبوع