عمرو مصطفى: "مراتي يتعملها تمثال.. ومعظم الموزعين اللي تعاونوا مع عمرو دياب كنت أنا سبب وجودهم معاه"

تحدث الفنان والملحن عمرو مصطفى، للمرة الأولى عن بداياته الفنية، مؤكدًا أنه لم يدرس الموسيقى بشكل أكاديمي، وأن اعتماده الأساسي في التلحين قائم على الإحساس والمشاعر.

تصريحات عمرو مصطفى 

 

وخلال لقائه مع الإعلامي معتز الدمرداش، تحدث عمرو مصطفى عن طريقته الخاصة في صناعة الموسيقى، مشددًا على أن الموهبة هي الأساس الحقيقي لأي نجاح فني، معلقًا: "أنا مش دارس موسيقى، ومعرفش السلم الموسيقي ولا النوتات ولا المقامات الموسيقية ولا الهوا، اللي بيشغلني مشاعري، واللي يعرف تشغله مشاعره يوريني، وأنا مبسوط ومش عايز أتعلم، واللي يعرف يعمل زيي يعمل".

علاقة عمرو مصطفى وعمرو دياب 

 

وتطرق عمرو مصطفى للحديث عن تعاونه مع الهضبة عمرو دياب، كاشفًا عن طبيعة العلاقة الفنية التي جمعتهما منذ بداية مشوارهما، قائلًا: "أنا وعمرو دياب من أول ما دخلنا المزيكا ناقر ونقير، ولما بقوله يمين من قلبي والله ويعمل هو حاجة تانية، هو دماغه كده، ومعظم الموزعين اللي تعاونوا مع عمرو دياب كنت أنا سبب في وجودهم معاه".

كما تحدث عمرو مصطفى عن زوجته بكلمات مؤثرة، معبرًا عن امتنانه الكبير لدورها في حياته الشخصية والمهنية، واصفًا إياها بالداعم الحقيقي له بعد رحيل والدته.

علاقة عمرو مصطفى بزوجته

 

وقال عمرو مصطفى: "مراتي لازم يتعملها تمثال، وأنا هعملها تمثال في البيت الجديد، لأن هي دي بعد أمي الله يرحمها هي اللي شكلت عمرو مصطفى واللي كانت بتوقفني، دي كل حياتي معاها، وولادنا بيدرسوا في لندن وهي أم مثالية ودي من الرزق اللي ربنا إداهوني، وأنا أول ما شفتها قلتلها هتجوزك وبعد أسبوعين كان الفرح، كانت جدعة أوي ولما رحت أطلب إيديها قعدت مع خالها لأن والدها متوفي، ودفعت المهر لـ خالها وأنا ماشي رجعتهولي وعرفت من وقتها إن دي مراتي".

المصدر: بوابة الفجر