ياسمينا العبد توجه رسالة لـ «المتحدة» بعد نجاح مسلسل ميد تيرم

حققت الفنانة الشابة ياسمينا العبد نجاحًا كبيرًا خلال دورها بمسلسل «ميد تيرم»، الذي جذب قطاعا عريضا من الجمهور أثناء عرضه، وقد أعربت عن سعادتها بنجاح العمل من خلال رسالة نشرتها عبر صفحتها الشخصية بموقع «انستجرام».

ياسمين العبد تعرب عن سعادتها بنجاح «ميد تيرم»

وقالت ياسمينا العبد في رسالتها: «أنا كنت متأخرة في البوست ده لأني حقيقي مش عارفة أعبّر عن مشاعري بعد نهاية المسلسل، مش عارفة أقول إيه ولا أشكركم إزاي، المسلسل ده أقرب حاجة عملتها لقلبي، أنا بجد مش قادرة أوصف التعب والمجهود اللي اتبذل من أكبر شخص لأصغر شخص، اللي ورا الكاميرا قبل اللي قدام الكاميرا بس الحقيقة إن كل شخص اشتغل في المشروع ده كان جزء أساسي من نجاحه، وإحنا بنقرأ وبنحضّر عمرنا ما كنا نتخيل إننا نوصل للتوب 1 على شاهد وWatch It، ولا إننا نوصل لمليار مشاهدة يعني إيه الرقم ده أصلًا؟».

وتابعت قائلة: «كنت خايفة جدًا وأنا بشتغل على المشروع ده لأني ما كنتش عارفة هل هكون قد التحدي ولا لأ لولا مريم الباجوري، واحدة من أهم المخرجين دلوقتي، ما كانش هيبقى فيه مسلسل أصلًا… بشكرك على ثقتك فيّ وثقتك في الشباب، وبنشكرك على العظمة اللي انت فيها، أنا فخورة إني كنت جزء من أول عمل درامي ليكي، بحبك جدًا».

وأضافت: «كل النجوم اللي كان ليا الشرف إني أشتغل معاهم، شكرًا على شغلكم اللي فوق العظمة، إنتوا كسّرتوا الدنيا!!!! عمري ما اشتغلت مع ناس مليانة بالشغف بالشكل ده والكيميا اللي كانت بينا كانت توفيق كبير من ربنا.. .انتم عيلة حقيقية بجد».

ياسمينا العبد توجه رسالة لـ «المتحدة» بعد نجاح ميد تيرم

ووجهت ياسمينا العبد الشكر للشركة المتحدة على منحها الفرصة لبطولة المسلسل، قائلة: «بشكر المتحدة على الفرصة دي وعلى ثقتهم فيّ شكرًا لـ أحمد فايق، وعبد الله غلوش، وأحمد شفيق على الدعم، ويا رب اللي جاي يبقى أكبر وأحلى كمان، وبشكر وزارة التعليم العالي على الدعم والتركيز العظيم، شكرًا إنكم مؤمنين بطاقة الشباب وبمشاكلنا، بشكر محمد صادق وورشة براح على الورق اللي شفنا نفسنا فيه».

أبطال مسلسل ميد تيرم

وشارك في بطولة المسلسل نخبة من النجوم الشباب، بجانب ياسمينا العبد، أبرزهم جلا هشام، زياد ظاظا، يوسف رأفت، دنيا وائل، إلى جانب عدد من مواهب برنامج "كاستينج"، منهم: أمنية باهي، إسلام خالد، مريم كرم، ميشيل مساك، وسيف محسن.

اقرأ أيضاًمفاجأة غير متوقعة.. تفاصيل مسلسل «ميد تيرم» الحلقة 30

موعد عرض الحلقة الأخيرة من مسلسل ميدتيرم

المصدر: الأسبوع