مش بحب أبوه.. الحضري يتغزل في مصطفى شوبير
تاريخ النشر: 12th, February 2026 GMT
أشاد عصام الحضري حارس مرمى الأهلي والمنتخب السابق بمصطفى شوبير، حارس الأهلي مؤكدا أنه حارس موهوب ولديه إمكانيات مميزة ولكنه يعاني من بعض العقبات التي قد تعرقل طريقه.
وأكد الحضري في تصريحات عبر بودكاست “في التسعين” قائلا"مصطفى شوبير؟ أنا بحبه بس مش بحب أبوه وقولت كدة"
وأضاف “أنا بقول حب الناس، الناس هتحبك، أنت مش بتحب الناس الناس مش هتحبك، أنا بتكلم بشكل عام يعني مش هو”
وتابع: “ممكن مصطفى شوبير يوصل لمكانة كبيرة في حراسة المرمى لو قفل دماغه وركز وممكن ميوصلش لو ضحية حد بيدفع التذكرة وحاجات وخلافات قديمة مع ناس وجماهير وإعلاميين”.
المصدر
المصدر: صدى البلد
كلمات دلالية: الاهلي الحضري مصطفي شوبير
إقرأ أيضاً:
سامر أبو طالب يهاجم رامي صبري: مش بيرد على الرسايل
رد الملحن سامر أبو طالب بقوة على تصريحات الفنان رامي صبري، بعدم تعاونه مع بعض الملحنين والشعراء لغياب التجديد وتقديم أفكار مختلفة، مؤكداً أن الأخير "لا يفتح الشات ولا يرد على رسائل المبدعين".
وظهر سامر أبو طالب في فيديو متداول عبر حسابه بـ فيس بوك، وقال من خلاله : بقالنا كام يوم، زمايلي الملحنين والشعراء حاسين إن في تجاهل، وطلعوا اتكلموا وقالوا كلام من قلبهم، وأنا ضميت صوتي لصوتهم، والتجاهل هنا مش بنشحت من حد إنه يبص علينا أو يسمعنا، لأ، بنتكلم على إننا لما بنبعت لحد عارفنا ومسجل رقمنا، وفي بينا قعدات واشتغلنا مع بعض وبينا نجاحات، وفكرة إنك متردش أصلًا مش حلوة في حقك كـ نجم أو صانع، ممكن تقول مش عاجبني أو أي رد عادي، ده تقدير منك.
وتابع سامر أبو طالب: بحب رامي صبري على المستوى الشخصي والفني، ومحدش جاب سيرتك أصلًا لا من قريب ولا من بعيد، أنت من الناس اللي طلعت هاجمتنا وقالت معندناش جديد، لأ إحنا متطورين ومتجددين، وبشوف أنا نفسي متميز في حتتي وألحاني، أنت بس اللي مبتفتحش الشات عشان تشوف غيرك بعتلك إيه، قبل ما تتهمنا شوف بس.
وختم سامر أبو طالب: محدش جاب سيرتك أصلا لا من قريب ولا من بعيد، وأنت من الناس اللي مبتردش ولا بتفتح الشات، وإحنا متطورين ومبدعين، وأنا أشتغلت مع نجوم كبار زي الهضبة وتامر حسني وتامر عاشور.
وقد انتقد رامي صبري العديد من المبدعين الذين اشتكوا من قلة عملهم، وقال خلال ستوري عبر حسابه بـ انستجرام: عدم الرد على ملحنين ومؤلفين أو مبدعين بشكل عام، هو عدم التجديد، وإن مافيش أفكار مختلفة، مش عارف الناس مضايقة ليه من الاستوري بتاعتي رغم أنها حقيقة وأنا مش هعمل حاجة إلا لما تكون مختلفة وجديدة والمشكلة أن المطربين مش كتير يمكن ١٠ على عكس الشعراء والملحنين.
محللون يشرحون دلالات الظهور الدولي الأول لوزير الدفاع الأفغاني بموسكو