المشدد 15 عاما للمتهم بإجبار زوجته علي ممارسة العلاقة مع صديقه
تاريخ النشر: 9th, September 2023 GMT
قضت محكمة جنايات جنوب القاهرة، بمعاقبة زوج بالسجن المشدد 15 عاما، لاتهامه باغتصاب زوجته وإجبارها علي ممارسة العلاقة مع صديقة بحلوان.
كان المستشار محمد محسن- المحامي العام لنيابات كلي حلوان، قد أحال الدعوى إلى محكمة الجنايات المختصة بدائرة محكمة استئناف القاهرة لمعاقبة المتهم "هشام.ع.م" 37 عاما عامل، وذلك علي خلفية التحقيقات في القضية 16779 لسنة 2022 جنايات قسم حلوان.
حصل موقع "الفجر" علي نص اعترافات المجني عليها "نادية.س.ا" 32 سنة ربة منزل، أمام النيابة العامة، في قضية الاغتصاب الزوجي، من قبل المتهم "هشام. ع" زوجها، والذي قام باحضار صديقة لمسكن الزوجيه ومكنه من مواقعة زوجته المجني عليها عنوه بأن كبتها مهددا إياها بسلاح أبيض مطواه.
في السطور التاليه سنعرض اعترافات المجني عليها أمام النيابة العامة بحلوان:
س / ما تفصيلات الواقعة محل التحقيق؟
ج / اللى حصل ان هشام على محمد متجوزاه من ۱۲/۲۰/ ۲۰۰۹، وفي شهر ۱۲ اللى فات لقيت جوزي ده بيقولى ان أبو يوسف ده هيجي ينام معايا، وأنا كنت رافضه، ورغم كده جابه غصب عني، وخلاه ينام معايا غصب عني بالقوة وكانوا يمسكوني عشان ابو يوسف ده ينام معايا، وبعدها مشي ساعتها ومجاش تاني، وانا قولت لهشام ميجيش تاني ومتعملش كده تاني، وبعدين في الشهر يناير اللى فات ده لقيته جاب أبو يوسف ثاني عشان ينام معايا برضوا غصب عني، لكن معرفش ايه اللى حصل وهشام قاله قوم أطلع بره وخرج بلبس هدومه بره فعلا ومشي.
وأكدت المجني عليها: بعدها حصلت مشكله بينا لقيته بيطلب في يوم الساعة 4 الفجر، إنه عاوز ينام معايا كزوجي وقتها وانا كنت تعبانه لقيته قلب وشه والقعني هدومي وقالى خليكي عريانه كده انتي بتحبي كده، وبعدها انا روحت على بيت أهلى من يوم ٢/٦/ ۲۰۲۲، ومن ساعتها مرجعتلهوش تاني وبعدها طلقني في ١٢ / ٢ / ٢٠٢٢ لما اتنازلتله عن كل حاجه عشان مش عاوزه أعيش معاه بعد اللى عمله فيا وده كل اللى حصل.
س / متي وأين حدث ذلك؟
ج/ انا اطلقت منه 2022/2/12 كنت في بيت أهلى، وهو طليقي ده خلى ابو يوسف يجيلي البيت ينام معايا فبيت الزوجيه مره فشهر ۱۲ / ۲۰۲۱ ومرة فاخر شهر ٢٠٢٢/١.
س / ما صلتك بكلا من هشام على محمد ابراهيم واحمد ابراهيم أحمد مصطفي؟
ج / هشام كان جوزي لحد ما طلقني فى ۲/۱۲/ ۲۰۲۲، وأحمد ده شهرته ابو يوسف مليش صلة بيه، لكن كان بيجيلي البيت بنام معايا لما جوزي كان بيجيبه.
س / هل حررتي ثمة محاضر بشأن تلك الواقعة؟
ج/ مكنتش عارفه اعمل حاجه
س/ هل قام المدعو /احمد ابراهيم أحمد مصطفي بمعاشرتك معاشرة الأزواج؟
ج / أيوة هو عاشرني معاشره الازواج
س /وهل نتج عن ذلك الفعل حمل؟
ج / لأ لأني بقالى كثير باخد برشام منع الحمل
س / وما هي مدة التعدى عليكى من قبل المدعو / احمد ابراهيم احمد مصطفى جنسيا؟
ج/ هي كل مرة كان بيقعد عشر دقايق تقريبا
س/ وكيف قاما المتهمان باتبان تلك الوقاعتين في حضور ابناءك؟
ج/ لا اولادى بيكونى نيمين
س/ وهل كان المجنى عليه / احمد ابراهيم احمد مصطفى على علم بانك زوجة المتهم / هشام على محمد ابراهيم منصور حال تعديه عليكى جنسيا؟
ج/ لا لان هشام كان بينزل سكينة الكهربا فى البيت كله وابو يوسف مكنش بيعرف نايم مع مين
س / وما هو سبب حضور المدعو / احمد ابراهيم احمد مصطفي إذا لمسكن المتهم هشام على محمد تحديدا؟
ج / هو بيجي على اساس ان هشام جايب واحده من المعادي وهو بينام معاها
س / وما سبب طلاقك من زوجك انذاك أذا ؟
ج / لأنه كان عاوز ينام معايا وانا رفضت لاني تعبانه فقلعني وسبني كده وانا كنت خلاص مش قادره استحمل فسبتله البيت، وروحت لاختي وبعدها روحت لبيت اهلی
س / ما الذي حدث عقب ذلك؟
ج / انا معرفش سبتله البيت، ومشيت فهو طلقني بس لما انا اتنازلتله عن كل حاجه لاني مش عاوزه أكمل على الحال ده
س / وهل انقطعت صلتك بالمدعو / أحمد أبراهيم أحمد مصطفى؟
ج / أنا اصلا مليش صلة بيه انا ست بيت مش بنزل واطلع كتير وهو كان بيجي بيت جوزي لان جوزي اللى كان بيجيبه.
المصدر: بوابة الفجر
كلمات دلالية: إغتصاب التحقيقات جنوب القاهرة اتهام تعدي إستئناف اعتراف محكمة جنايات السجن محكمة قضية النيابة العامة منع الحمل التحقيق اعترافات تهامة المحامي العام محكمة استئناف القاهرة السجن المشدد محكمة استئناف تحقيقات الاغتصاب هشام على محمد المجنی علیها احمد ابراهیم
إقرأ أيضاً:
أمير هشام: الأهلي قد يضم 3 أو 4 صفقات بالميركاتو الصيفي
كشف أمير هشام عبر بلس 90 عن مفاجأة بشأن صفقات النادي الأهلي الجديدة.
وكتب أمير هشام:"الأهلي قد يضم 3 أو 4 صفقات بالميركاتو الصيفي".
وقال الإعلامي خالد الغندور، إن حسام حسن المدير الفني لمنتخب مصر طالب جهازه المعاون بضرورة دعم محمد هاني ظهير أيمن الأهلي، بعد الهجوم الذي تعرض له من الجماهير خلال فترة مشاركة الفريق بكأس العالم للأندية.
وتابع “الغندور” خلال برنامجه ستاد المحور: "حسام حسن في حديثه مع جهازه المعاون أكد على أهمية محمد هاني لمنتخب مصر، بعد الضغط الكبير الذي تعرض له اللاعب في الفترات الأخيرة".
وأكمل:" حسام حسن أكد لجهازه المعاون، على ثقته في إمكانيات محمد هاني، وأن منتخب مصر يعاني في هذا المركز، لذلك يرغب في تحفيز اللاعب للخروج من الأزمة النفسية التي يعاني منها ويستمر في المشاركة مع ريبيرو، خاصة أن المنتخب سيعتمد عليه بشكل أساسي أمام إثيوبيا وبوركينا فاسو في التصفيات المؤهلة لكأس العالم 2026".
ريانة البرناوي: أكثر من 80 ألف طالب شاركوا في مسابقة “الفضاء مداك” ..فيديو