الرئيس السيسي عن استمرار قانون الإيجارات القديمة: الموضوع بقى مدى الحياة
تاريخ النشر: 1st, October 2023 GMT
قال الرئيس عبدالفتاح السيسي: «عندما طرحت فكرة عمل نقاش لتغيير العلاقة بين المالك والمستأجر للإيجارات القديمة، نجد الناس تقول ديه مكتسبات لا تقترب منها»، متابعا: «الناس اللي عملت المكتسبات دي الله يرحمهم ماتوا من زمان واللي موجود دلوقتي أحفادهم».
وأضاف خلال كلمته بجلسات اليوم الثاني لمؤتمر حكاية وطن «بين الرؤية والإنجاز»: «بنتكلم عن كتلة سكانية اتنفذ عليها هذا القانون سنة 1962، ومن 1962 اللي كانوا موجودين وساكنين وقتها استفادوا من القانون ده والتخفيض اللي تم، هو الموضوع مدى الحياة ليهم ولأبنائهم وأحفادهم؟ ولا الموضوع ينتهي بقى!».
وتابع: «الناس بتقول مكتسبات والناس غلابة، لكن الواقع إن الناس دي ماتت واللي بعدهم ماتوا، ولسه الناس ماسكة في الموضوع؟»، متابعا: «مناقشة موضوع الإيجارات القديمة في البرلمان أو القنوات الحوارية يشكل عقبة حقيقية أمام استغلال 2 مليون وحدة ثمنهم 500 ألف في المتوسط يبلغ تريليون جنيه، وده حرام».
وأضاف: «سنة 67، وزير الدفاع الإسرائيلي قال إن الضربة دي لن يقوم منها الجيش المصري إلا بعد 50 سنة، وأنا قولت في نفسي هو إحنا هنفضل كل ده لحد ما نقدر نستعيد قوتنا.. حبيت أذكركم بذلك في الاحتفال الـ50 لنصر أكتوبر».
المصدر: الوطن
كلمات دلالية: السيسي الرئيس السيسي الرئيس عبدالفتاح السيسي
إقرأ أيضاً:
قانون الإيجار القديم.. مصطفى بكري: ماينفعش نسيب المالك والمستأجر يتخانقوا لوحدهم
أكد الإعلامي مصطفى بكري أن مجلس النواب سيناقش قانون الإيجار القديم يوم الأحد المقبل، معلقا: "تصريح رئيس الوزراء د.مصطفى مدبولي الأخير محتاج وقفة كبيرة، لأنه بيبعث رسائل متضاربة".
وأوضح مصطفى بكري، خلال تقديمه برنامج «حقائق وأسرار» عبر قناة «صدى البلد»، قائلا: "قال إن القانون الجديد فيه فترة انتقالية، وده مش معناه إن العقود هتتلغي أو الناس هتتطرد من بيوتها، طيب تمام.. لو كده، يبقى ليه الـ7 سنين اللي في المادة التانية؟، ولو الحكومة مش ناوية تطرد حد، ليه ما نحذفش المادة دي ونحترم حكم المحكمة الدستورية".
وأشار بكري إلى خطورة ترك الموضوع بدون تدخل حكومي واضح، مضيفا: "لو الحكومة هتسيبها بين المالك والمستأجر، ده خطر جدًا.. لأننا بنتكلم على ملايين الناس، ومش كلهم عندهم بدائل، يعني لو كل مالك قرر يطرد المستأجر هتبقى كارثة، والشرطة مش هتدخل.. يبقى كده عملنا فتنة اجتماعية بإيدينا".
وأضاف بكري: "أن الناس اللي ساكنة في الشقق القديمة دي دفعت فيها دم قلبها، وعملت عقد مع المالك بمزاج الطرفين، محدش ضربه على إيده، يبقى ليه فجأة بعد ٧ سنين نقوله امشي؟ ده هيولد شعور بالظلم والرغبة في الانتقام من المجتمع".
واختتم مصطفى بكري: «يا جماعة احذفوا المادة التانية، وريحوا الناس، احنا مش ناقصين قلق أكتر من كده، القانون لازم يكون عادل ومتزن ويحقق التوازن بين الطرفين».
زيادة 5% فورًا من المرتب القادم.. الحكومة تزف بشرى سارة لملايين الموظفين